今早一家人返教會，每次亞女都唔太有耐性，唱詩敬拜完之後多數開始扭計要去playroom玩，媽媽知佢d衰嘢，所以今日返教會之前都同佢講好要乖乖地、唔好喊，講嘢要學吓細聲d，亞女亦話知道(講囉....)點知祟拜嘅時候依然要扭吓計，又要大聲講嘢，攪到d司事姐姐都再提提媽咪留下有間playroom可以俾小朋友玩......有時淨係服侍佢，都好哂精神，想自己響大堂一齊聽道、祟拜、安靜吓都唔得......落去playroom嘅過程中佢都有扭、有喊，媽媽已有點忟憎，但又不可罵她(怕她大哭又嘈著他人)唯有用僅有嘅耐性同佢講道理，但佢依然故我咁繼續喊....媽媽最後都無佢咁好氣，入咗playroom後都唔啋佢，間房有電視影住堂祟拜，咁媽媽就繼續聽......聽到牧師講到昔日耶穌教導門徒要接待小孩，像接待耶穌一樣，要有愛小孩的心，就像待他們如耶穌一樣，那一刻自己在想﹕剛才那司事就是不接待我們嗎?我面對亞女有這負面情緒是不接待她嗎?攪不清楚了，只知道這段說話就是神給我的提醒，不要輕看小孩，要好好接待他們......如接待耶穌一樣!
媽媽相信無耐性的不只我一人，但願主加力，祝福天下父母同學習這愛心、耐性的功課!
我都等緊，好期待可以安靜地專心聽道。盼望學校生活的適應，可以令她們日後自己去上主日學。咁我地就「甩難」啦！ wing wing媽咪，我地一齊努力。我相信接待小孩、好好照顧她們都是我們的服侍。神必會額外祝福施恩給你，加你能力。
回覆刪除照顧小朋友確實需要無比嘅愛心同耐性, 我哋一同努力吧 !!!
回覆刪除對於Wing Wing 咁細嘅小朋友，要佢安靜一段咁長嘅時間都幾難。妳覺得她不懂性，只做她喜歡做的事。但在她的角度而言，她只是表達她的需要而被拒，媽媽還發脾氣，她的哭泣是可以理解。有時講真係可以天下無敵，但要做到真係好難。好多時，我地大人只會覺得大人的事才最重要，而忽略了孩子的心情和需要。真要大家多交流和一起學習及分享。
回覆刪除响我眼中你已經係好有耐性架喇！近排阿仔都唔係好聽話，激到我彈起，而家發覺自己嘅容忍度低左，佢一唔聽話我就鬧佢，攪到成日好激氣，我都希望自己可以容忍度同耐性都好D呀！！！大家加油！！！
回覆刪除多謝各位嘅勉勵同分享，一齊努力!
回覆刪除大家一齊努力
回覆刪除我都覺得對住啲小朋友，少啲耐性都唔得，每個人都會有情緒，最緊要唔會傷害到個小朋友。 真係講就容易，做就好難，我個女都係小小事就喊，我自己啲EQ越嚟越低。
回覆刪除