分享

霎時感動片段﹕正面教育、樂觀思想

http://mytv.tvb.com/lifestyle/onefromtheheart/30865#page-1

室外數碼遊樂場開幕

【明報專訊】滑梯、鞦韆……這些都是傳統遊樂場必備遊樂設施，但隨着科技進步，遊樂場也加入數碼元素。數碼港斥資過百萬興建數碼遊樂場，在遊戲設施中加入智能卡及感應器，讓兒童遊樂場也能變得不一樣。

好吸引呀!好想去睇吓、玩吓呀!!!

為什麼

小朋友總會有一段不停問 '為什麼' 的階段，求知慾之強非你我可以想像~

Wing Wing最近口中所問的 '為什麼' 比往日多了很多很多，其轉數也快，你是否認真回答她她也是知道的，如稍一不慎出現一些前後矛盾的道理好便立刻替你更正，有耐性的大人便可滿足她的求知慾......但.....唉......我家中/家人又有幾多個有這種耐性呢....

我自問願花心機、精神、時間去教她....但我不想只有我一人作這工，她已懂得分辨誰肯陪她、誰肯教她了，若再加強媽媽在她心中的老師角色.....那....是好事嗎?

奈何....媽媽內心亦明白男人在外工作所承受的重擔和壓力，回到家總希望可relax一下，看看電視、攤抖一下的，媽媽不想他太過勞心，總想減輕他的擔子，但可愛的豬仔總是見到Daddy就如糖黏豆，想到甚麼便愛問甚麼，說實的，真的有點令人煩氣的感覺，試問Daddy會有何感覺呢?

情緒脾氣都被谷了出來，媽媽就最怕看見這場面，心裏亦不期然幫細唔幫大，小朋友正是愛發問時期、愛呵呵的階段，應該多給一點關心吧，不要待她像一個只令你感討厭、煩厭的人啊!

只想可盡量取得平衡，照顧一下小朋友的心靈~

IQ博士

唔知再下一代嘅小朋友仲鍾唔鍾意IQ博士呢~

小雲同小吉

小雲同小吉，好重要!

日期﹕7月24日

地點﹕青衣城

媽媽一知道青衣城有小雲睇已經好興奮，雖然唔係IQ博士的Fans，不過好多童年回憶出哂嚟(哈，人大咗就係咁架喇)，所以好想同亞女去影相留念、懷緬一下!

好大個吹氣球，小雲真係好可愛!

亞女戴咗呢副小雲眼鏡都好可愛!

好多遺忘咗嘅記憶又走番哂出嚟，d人物個個熟口熟面~

又洗牙喇!

7月24日

今日帶咗Wing Wing去洗牙，今次已經係佢第3次洗牙喇，之前一直洗唔到前排內側的牙，黑麻麻，今次亞女大個咗，又用咗電動牙刷刷牙咁耐，希望佢無咁驚，肯合作俾醫生洗....

去到我哋唔係等咗好耐，個醫生好好人，先用個洗牙嘅牙刷掃掃吓亞女隻手先，又同亞女傾吓計，Wing Wing都無咁驚，仲肯擘大個口俾醫生洗，所以今次洗牙好成功，亞女好合作，Yeah!

 

洗完喇，d牙白咗好多，不過媽媽相信亞女d牙本身已經唔係咁好，所以唯有盡量同佢keep好d，拖長下次再要洗牙嘅時間啦!

舊同學相聚

7月23日

媽媽一班舊同學真係好耐無約出嚟喇，今次刻意唔帶亞女嘅，因為媽媽真係好想同一班舊同學傾吓講吓開心吓~

我哋個樣無咩點變，仍然天真可愛!

又多一位準媽媽喇，恭喜哂!

遲d 9月(開學月)就係我哋相識xx週年喇，到時再約多d同學仔出嚟先得!

好多姐姐姨姨同我玩~

7月20日

期待已久的一天，今日媽媽約埋一班同事同亞女去咗深水灣游水水、玩沙沙，天父止住雨水，我哋可以盡情咁玩，謝謝袮!

亞女玩得好開心，平時好少咁多大人同佢玩，今日佢好興奮、好盡興，媽媽同一班同事都好enjoy，希望繼續有嚟啦!

媽媽今年同Wing Wing主攻沙灘，直到目前塊面面都仲好靚(無一撻撻白色)，如果真係關D泳池水事.....咁亞女咪無得學游水??