珍惜資源

上星期看畢了星期二檔案及鏗鏘集後，反省良多，一集是講香港人製造廢物的神速、對環保意識的薄弱，另一集是講香港人每日的廚餘數量驚人，簡直心痛至極。

節目中講得好，我們應該由自己做起，從自己一家開始，不須理會別人丟了多少傢俬、不須挑剔別人有否雙面影印，總之，一切由己開始，反省自己過往的生活，不是沒有環保意識，而是除了要自備購物袋外，其他的都沒甚為意，看完節目中的一家人，不禁讚嘆他們的決心和毅力，他可以做，為什麼我們不可.....

立下決心，一切節約，環保由我做起!

http://programme.tvb.com/news/tuesdayreport/episode/20100720/#page-1

 

游泳池

舊年成個夏天都無去過泳池游水，亞女塊面就真係無事，不過Daddy又講得啱嘅，唔通成世都唔去泳池游水、成世都唔學游水咩.....

於是媽媽決定今年再帶亞女去番泳池游水，始終小朋友可以喺炎炎夏日玩吓水係一大樂事，早幾日我哋去游水，亞女真係好開心，雖然佢仲未識游水，不過見佢用個水泡游吓游吓真係好可愛，泳池咁近，呢個夏天我哋實去好多次，哈!

上海粗炒

7月14日

今晚由Daddy親自下廚，炒咗碟上海粗炒俾我哋食，哈哈，如果俾媽咪炒，只會將所有材料放哂落鑊炒，但係Daddy好認真，佢第一次炒，之前認認真真咁上網睇食譜，跟足煮法去整，炒完出嚟好好味，正!多謝蝦子!

石澳

7月11日

媽媽今日放假，好開心，因為終於可以放正星期日喇，平時一係就返晏，一係就返完NIGHT，今日終於完完整整一個OFF喇，興奮!!

懷住興奮嘅心情嚟到石澳喇，今日相約咗琳琳同東東~

亞女D瘀散哂喇，可以著到兩件頭~

琳琳好鍾意拾貝殼，Wing Wing叫佢一齊游吓水都唔多願，到臨走先肯落水，不過媽媽已經收埋咗部相機喇~

亞女呢兩張笑得好得意、好開心，媽媽好鍾意!

全程都影唔到東東，想三個小朋友一齊影一張佢都唔肯，唔通男仔真係唔多鍾意影相?

 

賣物會

7月10日

今日媽媽母校有一個賣物會，於是Daddy媽咪就帶埋Wing Wing一齊去玩吓喇，不過其實玩都係其次者，主要係想睇吓母校裝修完個樣，上網睇就幾靚，我哋打算俾亞女報讀呢間學校，所以趁呢個機會就嚟睇吓喇，希望真係可以入讀呢間啦~

柏道入口

小學部新校舍

我哋玩咗幾個攤位

小學部禮堂

 

中學部

媽媽呢間母校有一條龍直上，入讀就真係唔洗煩咯~

 

 

轉會喇~

我哋返咗神召會西環堂都近三年嘅時間喇，7月4日呢日就係我哋正正式式轉會嘅日子喇!

大家都盛裝以待~

同蘭EE、Tienne EE合照

小組中，Cindy就係受浸，我哋就係轉會，齊齊合照，齊齊事奉!Yeah!

美女+型男

 

 

不明來歷的傷（二）

其實如果係普通嘅瘀傷，媽咪係唔會咁緊張嘅，只係見佢皮下摸到有一粒嘢，Daddy媽咪先想了解清楚Ｄ，Wing Wing嘅瘀傷已經不斷散緊瘀，奇就奇在中間有一粒嘢嘅位置就無色無瘀，都唔知係咩事，故今日再同佢去睇另一個醫生，醫生好詳細咁睇，又摸又’咁’，最後醫生話有兩個情況會咁，一係可能小朋友自己唔覺撞親，即刻撞瘀，呢個情況兩個月都會散哂瘀，粒嘢就會無咗。一係果粒就係脂肪瘤，佢爆咗微絲血管，而家散緊Ｄ瘀血出嚟，呢個情況兩個月後散完瘀都仍會有粒嘢喺度，所以現階段都好難確定係咩情況，不過聽亞女講，好似無之前咁痛咯，希望快Ｄ無事啦！

心裡一直都好有平安，知道神看顧，相信會無大礙。