K3同學會聚舊

9月12日中秋夜，亞女K3同學仔相約在西環附近的公園聚吓，賞吓月、玩吓，今次有好多同學仔到，計計吓都有19個家庭呀，真係破哂紀錄，大家一見面都好開心，齊齊玩齊齊食，我哋由8點幾玩到11點幾，走嘅時候亞女仲未夠喉架，只係我哋班大人攰...

中秋做節唱k去

哈哈，今年中秋做節，婆婆提議去唱k，於是決定去食k buffet，我們這一家都算新潮咯!

 

時間唔夠用

自從Wing Wing返咗小一後，真係感覺d時間唔夠用，尤其晚上要早d瞓，朝早又要早d起身，感覺好似無哂親子玩樂嘅時間咁，媽媽仲要係輪班工作，更加見得佢少，就算見到佢，都好似打仗咁，趕完一樣又一樣，好似有好多task要做咁，老實講，暫時媽媽唔多慣、亦唔多enjoy，不過見亞女好鍾意小學嘅生活，都算有點安慰。

希望一日比一日好啦! 

書包好重!!

其實如果要帶幾本書的話，亞女個書包都會幾重，有時亞女都會有怨言，但媽媽仍想佢自己拎書包，或者遲D再重D會考慮分開一個手抽袋拎啦!

媽媽同佢講﹕你大個女喇，你咪當背住一個小BB囉，你做得到的。

哈哈，跟住亞女答﹕好呀、好呀!我要一個小妹妹!

(跟住就無怨地背書包去喇!)

5/9返全日

9月5日

今日亞女開始返全日喇，其實亞女幼稚園已經返全日，所以媽媽無咩特別感覺，而亞女亦慣了返全日之模式，反而是3:30PM就要準時去接校車有點不慣，以前4:00至6:00PM都是接放學時間，容易處理，亦無咁緊張，但而家成日驚住過鐘，連望鐘都望多咗好多次，自己又唔係全職媽媽，要安排接亞女返、放學嘅人手都有D壓力，幸好Daddy返工時間可以相就一吓，希望唔洗成日麻煩人哋啦!

Kids Wonderland

教會兒童崇拜新學年改改新形象，加入不同原素，名字亦改為Kids Wonderland，希望小朋友能歡喜敬拜、開心返教會。

準備唱詩敬拜神~

流程如下﹕

遊戲

唱詩

奉獻教導

引起動機短劇

信息

分組

茶點

自由玩board game時間

9月2日

今天亞女依舊合作起床，她最怕遲了搭不到校車，所以我哋一提要搭校車，她必合作起床，感恩!

今天媽媽拍到她在校車上的照片，與幼稚園同學仔思思一起坐，有說有笑，開心呢!

小一開學日

9月1日    開學喇!

今日Wing Wing正式讀小學喇，一早起來換過校服，媽媽先給一封開學利是予她，亞女，媽媽祝你返學開心、識到更多好朋友、好同學。

背上大大的書包，亞女邁向人生新階段~

Wing:我一年班喇!

頭兩日，亞女放一點，她一落校車，即見她開心的面孔，成隻開籠雀咁，係咁請學校D事，又話老師同佢哋玩遊戲，更急不及待要教媽媽玩，哈，可愛!

問佢鍾唔鍾意返小學，佢話鍾意，(哈哈!希望六年級再問佢時，有同一答案啦!)