出牙仔

Wing Wing嘅門牙已經慢慢出緊喇，而人哋俗稱嘅六歲齒佢都出緊喇，真係快人一步!

小朋友一出嘅牙係有据齒嘅，大人因為已經磨蝕哂，所以就好平滑~

 

不明來歷的傷

６月２５日

放學後，媽媽同Wing Wing沖涼，發現在右面肋骨附近有一疑似瘀傷，呈紫紫哋色，亞女話按下就痛，問之在學校有否撞到，佢又話無(平日嘅佢撞到實識出聲講)，問有無與同學仔碰撞又話無，問佢幾時發覺痛，佢就話瞓完午睡就摸到有痛，問佢有無同老師講，佢又話無，初時媽媽都不以為意，諗住係唔小心撞傷者，小朋友撞親好平常，不過後嚟Daddy摸到有一粒嘢，又唔多似普通瘀傷，最後都係帶咗亞女去睇醫生

醫生話唔一定撞傷，有可能敏感或者被嘢咬.....(吓，又話被嘢咬，點睇都唔似喎...)今次真係R頭喇!

各位，你哋話似咩傷呢?

行山記

6月21日

今日係學校假期，媽媽約咗一個同學、表哥同DD一齊去行山，今次係第一次約同學仔去行山，所以選擇嘅路線都較易行，我哋只係由香港大學行上去龍虎山公園，大約一個多小時，路程唔太難，行得好舒服!

出發!!!

小朋友見到隻蝸牛覺得好得意，因平日少見，郊遊吓真係學到好多嘢~

行咗一半路程喇，抖完繼續~

Yeah!到喇!到喇!就嚟見到大草地喇~

意外嘅係，一班小朋友面對一片大草地，竟然係選擇先寫生、後踼波，真係估佢哋唔到~

有啫喱仔食，小朋友不知幾開心!

總結今次過程，各人都很享受，間中行吓山真是不錯的活動。而這天亦是感恩的一天，因我哋正要出發之時，突然落雨，大家都不有點擔心，Wing Wing回想出門時已為天氣祈禱，向媽媽說了一句﹕唔洗怕，我哋祈咗禱就得架喇!信心真大，亞女又一次在天氣的事上經歷神，謝謝袮!

心思思去溜冰

6月19日

今日下午要去聽個講座，上晏見時間許可，就心思思去圓方溜吓冰喇，媽媽鍾意果度有企鵝仔，Wing Wing可以自己淄，唔洗人扶，大家都玩得開心~

媽媽其實勉強識溜而已，相中有此post都係多得Daddy眼明手快，9秒9影到，犀利!

亞女玩玩吓都鍾意自己溜喇，見佢一次比一次進步，見佢咁鍾意玩，好，媽媽暑假就多D帶你去溜冰啦!

 

赤柱行

6月16日

呢日Daddy同埋一班舊同事齊齊去咗赤柱玩，今日係公眾假期，一定多人，不過難得一班大小朋友聚吓，辛苦D都無計啦~

一共28人，真係破哂紀錄!!

婆婆生日

6月15日

呢晚係婆婆生日，我哋一家人一齊食飯兼唱K，開開心心玩咗一晚，祝婆婆身體健康，開開心心!