中秋活動

24/9 亞女學校今日攪中秋活動，小朋友可以著便服或者中國服返學，而Wing Wing就著咗媽媽買嘅呢套衫喇，哈！亞女著咗又幾好睇喎！

不過亞女返到學校就係咁四周圍望，因為當時有好多家長帶緊ｄ子女返學，好熱鬧，攪到我係咁叫亞女望鏡頭，佢都唔啋我！

到咗晏晝雖然媽咪要返工接唔到Wing Wing放學，但係都feel到佢今日個party好開心，同我講有玩燈籠、有食水果、月餅等.....仲有一個環節係由老師教佢哋整月餅忝（麵粉月餅），不過個製成品留咗響嫲嫲屋企，遲ｄ再補番張相大家睇啦！

今次係亞女第一次參加學校嘅大型party，相信佢又有一番新體驗！