今日亞女照舊起身去廁所尿尿、出街前尿尿（今朝去咗一陣圖書館）、去完街街返屋企果陣又尿尿，本以為成績唔錯嘅時候，媽媽放工返屋企，公公就已經急不及待咁要同媽媽投訴喇--話亞女成日講大話話要去廁所，不斷咁又除褲、又著褲，一時有尿一時就無嘅，攪到公公信佢又唔係、唔信佢又唔係******
。仲有...瞓晏覺前已經去咗尿尿，咁公公就聽取媽媽嘅意見試吓唔著片瞓覺啦！點知一陣間就已經賴咗喇，激到公公紮紮跳
，Wing Wing對住媽媽唔係咁架喎，你哋話亞女係咪蝦亞公公呢？(定係大家叫亞女、帶亞女去尿尿嘅方法唔同所致呢？
)
瞓到半夜﹕大約兩點半，亞女半瞓半醒咁話要尿尿，我都攰到死，咪叫佢疴落條片度囉，點知佢係都唔肯，係都話要廁所尿尿，激死，咁唯有帶佢去啦--有就有嘅，但疴完就唔肯著番片片喇，只肯著褲褲，一方面欣賞佢咁主動戒夜片，另一方面亦好擔心佢......賴濕張床，唉...點算?最終都係俾次機會佢，結果就唔著片瞓喇......一直瞓到天光(約八點先起身)....咦!又OK喎，無賴濕喎，算你啦!不過......聽晚媽媽返夜(返overnight)，都係唔好博喇，費時攪到Daddy無覺好瞓啦!
今日Wing Wing照舊一起身就去一次廁所先，之後我哋就準備起程返教會喇！原本都有諗過繼續唔同佢著片出街架，不過諗諗吓，返教會都唔想太分心，一陣間佢緊張得滯又賴點算呢，所以朝早我都有同佢著片出街！
返到教會，始終都係要媽媽分心，點解？因為亞女已經唔鍾意響條片都疴（賴）喇，佢一共叫咗我兩次帶佢去尿尿--唔係玩我架，真係有架，諗諗吓...都幾安慰嘅....到最後離開教會條片都無濕到......叻女！
原本下晝諗住帶亞女去泳池游水嘅，不過天色認真麻麻，所以就決定改日再去喇！我哋跟住就行咗去西區公園個市政，想睇吓果度有無兒童遊戲室，去到見到真係有喎......不過清潔緊，要兩點先再開，嘩！果陣只係1:10pm乍，所以我哋無等呀，去咗隔離個公園度行吓囉！離開教會之後媽媽就無刻意帶亞女去廁所喇！（因為想行得開心ｄ，成日搵廁所好煩架！）所以返到屋企，亞女條片係有濕嘅。（正常！）
下晝響屋企亞女仍然唔著片，我哋已經無主動帶佢去廁所喇，只係間中提吓佢要尿尿，亞女識自己叫去尿尿喇！好嘢夜晚再出動，我哋約咗爺爺、嫲嫲佢哋去譚魚頭度食火鍋，同daddy商量後決定唔同Wing Wing著片出去，會多ｄ問佢去唔去廁所就算，結果......
！（有進步！
）
努力！加油呀！
今早同Wing Wing去街，諗起尋日唔著片去街佢都有賴，所以今次諗住唔博，打算同亞女著片，點知...大家睇吓呢個video佢點講！
今日佳績﹕
9:15am: 起身--廁所尿尿
10am: 諗住去街--所以叫亞女去尿尿--有喎！
10:15am: 亞女再叫去廁所尿尿（想唔信佢架喇，但諗住去街，好！信埋你呢次）--點知真係有--叻女！
10:25am: 亞女再叫去廁所 （點解咁多架，咁耐都未出到門口嘅？？）--犀利，今次有開大同細忝！
亞女堅持唔著片片去街，作為媽媽的我，一定要支持吓佢嘅，所以我都應承佢，俾佢唔著片...
10:50am: 行街街，見到商場有toilet，帶亞女去--不過無！ （媽媽開始有少少驚，唔知會點呢？）
11:30am: 去公園玩完，返轉頭又去返呢個商場嘅廁所--今次有喇！Yeah! （媽媽放心哂！）
12:25pm: 返到屋企，第一時間--去廁所尿尿
1:55pm: 自己叫去廁所--原來有屎、有尿 （咁多便便嘅？可能食完奇異果啩！）
2:35pm: 自己叫--尿尿
3:30pm: 再去多一次廁所就瞓晏覺喇!
7pm: 嘩!今次瞓咗好耐喎! (不過好彩無賴尿) 一起身就帶佢去尿尿喇!
跟住就響屋企度食飯(今晚有蝦、有玉豆、蒸魚同埋湯，食到亞女lam lam利! 遲d媽咪諗住再去學吓煮餸，希望再學多d菜式!今晚媽媽要返夜，所以帶亞女去尿尿嘅責任就交咗俾Daddy喇! 
)
待續...
亞女都好叻，食完飯無幾耐都有叫Daddy......，但就奇怪淨係叫Daddy囉，後面都無加句話要--尿尿，而且Daddy正幫手洗碗，故亞女就去唔切廁所喇！疴咗一粒屎屎出嚟(哈！好彩唔係爛果隻，唔係就有排洗！）之後Daddy帶咗Wing Wing豬去公園散步，玩咗陣就返屋企喇！
今日成績幾好啊！加油呀！
亞女今日戒片成績﹕
9:30am: 起身--去廁所尿尿
10am: 去尿尿
10:25am: 媽媽諗住去附近公園玩，就試吓唔著片喇！--點知響公園度賴咗
10:35am: 返屋企-- 尿尿
因為媽媽返下晝，所以又要帶去公公度喇！去到上環，見到呢個媽媽差不多己遺忘嘅公園仔，就入去行吓喇，哈！真係好細架，只得兩個鞦韆同一條滑梯乍！不過Wing Wing都玩得好開心！
1pm: 廁所尿尿
1:45pm: Oh!賴咗！
跟住就瞓覺覺豬喇！
4:30pm: 起身又疴咗尿尿
5:30pm: 廁所尿尿
6pm: 廁所尿尿
8pm: 廁所尿尿
8:30pm: 廁所尿尿
9pm: 廁所尿尿
10:30pm: 廁所尿尿
總括今日戒片片嘅成績亦唔錯，繼續努力！
今日繼續......同亞女戒片片......
由於尋晚亞女跟公公瞓，故問番公公，佢只話尋晚瞓覺前都無賴尿，幾乖（不過亞女又係瞓得唔好呢，攪到公公無覺好瞓，唉......）
今朝起身﹕去咗廁所尿尿
之後公公帶佢去街之前都有疴到
即一共兩次......之後由媽媽湊番......
成績如下﹕
10:50am: 廁所尿尿
11:40am: 帶佢去坐--無料到
11:50am: 飲咗半碗湯
12pm: 飲完湯諗住有啦，咪帶佢去囉--點知又係無 （媽媽個心開始驚......)
12:20pm: 終於有喇！
跟住就出街食飯，返屋企前諗全去買個麵包，點知亞女蹲咗響地下，唉...我知佢梗係開大喇！問佢，佢就想喊想喊咁話﹕返屋企尿尿.....
1:15pm: 咪即刻返去囉.....點知舊屎屎已經響條片度喇！
2pm: 廁所尿尿
跟住瞓晏覺，媽媽見亞女臨瞓前都去咗尿尿，就膽粗粗咁試吓唔俾片亞女著喇！
結果如何....？
待續......
3:50pm: 第一次唔著片瞓晏覺--成功 4:05pm: 自己話去廁所--屎屎 （又幾醒喎！）（無賴呀！）
俾佢食tea
5:05pm: 帶佢去廁所--不過無喎！
5:20pm: 廁所尿尿
6:30pm: 出門去爺爺嫲嫲度之前再去多次--有尿尿
媽媽再一次挑戰自己同亞女，第一次唔著片片去街！
去爺爺度途經呢間寵物店，Wing Wing 都好鍾意睇狗仔架！
7:30pm: 有尿尿
8:30pm: 有尿尿
8:50pm: 有屎有尿 （犀利）
9:05pm: 飲得湯多，又有尿
今日都幾好成績，一心諗住今日係第一日完全無賴濕過褲嘅大日子...點知
9:20pm: 臨返屋企之前去咗屈臣氏行咗陣，點知亞女真係有咁多尿疴--響果度賴咗
9:40pm: 自己叫去廁所--尿尿 （佢係咁叫嘅﹕媽媽、而家尿尿呀！）
10pm: 一樣--自己叫去尿尿
10:30pm: 一樣--自己叫去尿尿
今日覺得亞女叻咗好多，佢真係可能有ｄ潔癖，所以戒得咁快!
Yeah!
記得早陣子說過踏入2007年自己心情一直起起伏伏、有喜有悲，遇到了一些自己好像想不通的問題，愈想愈煩、愈煩又愈要想，但感謝主，祂讓我走過一段痛苦的路、衪帶領我走過這痛苦的路，使我在這人生中上了寶貴的一課......
好想學好待人接物、好想學好溝通這門藝術、好想學好兩性相處、好想學懂如何愛人......
發覺有些道理是當你陶醉在幸福中的時候是不能學會的，一定要走到傷心欲絕時才會恍然大悟，我...就是這樣走過、這樣學習......
蝦子餅﹕多謝你，讓我上了寶貴的一課，看到自己的不足......
親愛天父﹕感謝讚美你，多次提醒、多次安慰，真的伴我同行...
你說﹕但那等候耶和華的必從新得力、他們必如鷹展翅上騰......
亞女﹕多謝你，沒有你在我身邊，叫我怎走過呢！
契媽﹕你的安慰、你的支持對我很重要啊！謝謝你！
靚姨﹕你的分享、你的鼓勵令事情轉好，衷心感謝！
......這只是一些內心的分享，不是發生了甚麼大件事.....愛我的，不用擔心....
這段日子，零零碎碎的看了幾本書，給自己很好的提醒......在此分享，就是鼓勵少看書的你啊.....
１）男女大不同
２）忘了總比記得好
３）好得無比每一天
４）最權威的--聖經
至於現在媽媽心情--當然是﹕
我--愛你哋呀！
雖然媽媽可以忍心唔帶亞女去街街（專心戒片），但如果有事要做媽媽就要出街喇！好似今日咁，媽媽因為要去香港仔睇醫生，所以唯有用咗少少時間外出啦！
媽媽唔係有ｄ咩病痛，只係覺得隻耳仔間歇聽唔到嘢，所以諗住去睇吓者，不過果個醫生好多人睇架，要攞籌架，所以我哋攞完籌有時間，就去咗附近呢個公園玩喇！不過因剛剛落過微雨，所以好多設施都係濕嘅，你哋都見啦！只得Wing Wing一個人乍！
至於亞女今日戒片片嘅成績就如下喇﹕
9am: 起身去廁所--有尿尿
跟住就出街喇！
11:50am: 一返嚟即刻去廁所--尿尿
12:25pm: 帶佢去坐吓--不過無
12:45pm: 再去坐吓--今次有喇（尿尿）
食飯
1:40pm: 一直問住亞女有無尿尿都話無，點知突然就自己走去廁所--
一邊行一邊疴，坐低咗都仲有好多尿尿
2pm: 啱啱換完褲--又賴過（激死！ 2:25pm: 再帶佢去廁所--都仲有尿尿 （可能食飯果陣飲得水多）
）
3pm: 著番片片瞓覺喇！
6pm: 瞓醒（犀利，片片無濕）--再去廁所尿尿待續....
今日繼續努力--同亞女戒片，不過媽媽下晝要返工喇，所以仍然只係上晝唔著片，至於下晝......
都情商亞公公幫手帶亞女去廁所嘅，但係公公第一個反應都係如我所料--我邊有咁多時間睇實佢!...但當我同公公講完亞女呢幾日嘅成就之後，佢都好開心，都肯應承我試唔同Wing Wing著片......希望大家合作，一齊快ｄ同亞女戒片片啦！今日成績﹕
8:30am: 起身，飲奶奶
8:45am: 帶佢去廁所--有尿尿
9:25am: Wing Wing自己話有尿尿，仲加咗句﹕快ｄ，咁就梗係娜娜林帶佢去廁所啦！--有尿，不過底底都有少少--哈，我已經覺得亞女好叻架喇！）
11:00am: 出咗街買嘢，之後返嚟去廁所--都有尿，唔錯、唔錯！
下晝嘅成績...就...待續喇！...
...... 原來亞女都識蝦人嘅，佢一去到公公果度又賴尿又賴屎，真係唔知係佢唔慣個環境呢還是係玩嘢喇......不過公公話佢之後到咗夜晚都好d喇，肯自己去廁所尿尿喇....希望明天會更好啦!...因為媽媽明天都要返工呀!公公...辛苦你喇!
）
）
）
