2006年11月29日星期三
唔鍾意聽故仔、鍾意睇書...
呢個Wing Wing 豬真係夠哂特別，人哋d BB最鍾意挨住媽媽聽故仔，但係佢偏偏當我同佢講故仔嘅時候就幫我收埋本書，如果我繼續講佢就會喊，都唔知點解，但係佢又唔係唔鍾意睇書喎，佢成日走去搵書睇喎，尤其一d有好多不同物件嘅圖畫佢就最鍾意，仲好鍾意講野，成日指住d圖畫要我講俾佢知個名，然後佢就跟住讀，哈!真係唔駛驚佢唔識講野喇!(似Daddy ma!)
28-11今日公公湊我
今朝11點幾，亞姨姨突然個肚唔舒服，媽咪Daddy都返咗工，於是姨姨唯有打俾公公求救啦!好彩公公響屋企，於是就即刻趕嚟，咁亞姨姨先可以去睇醫生乍。哈!跟住成個下晝都係公公睇實我，不過我都好乖好生性，係咁瞓......瞓到四點先起身(哈!公公真係要多謝我loo!)
之後媽媽6點都趕返嚟(原本諗住同埋亞姨姨去契媽度架，但依家都要改期喇!)，而姨姨就一真瞓響度休息，希望佢怏d好番啦!
2006年11月27日星期一
Wing Wing 威水史
亞女依家識講好多野，學得好快，有d仲係無刻意教佢忝，係佢自己平時聽聽埋埋......等我統計吓先......
自己好主動講: 媽媽、姨姨、阿們(祈禱時講，但講得唔太清楚)、包包(即麵包)、魚、雞、鞋、紙紙、係、好、del(即掉垃圾嘅掉)、開(即open、呢句剛剛識)、wow wow(即狗)、bear bear、抱抱、車車、打、燈......
要人提示先講: 爹爹(即Daddy)、公公、婆婆、爺爺、嫲嫲、哥哥、姐姐、BB、唔ny(即Minnie)、襪、Pat Pat（屁股）、尿尿、船、樹樹、哈（想講花)、書書、片(即尿片)......
點止、仲有一大堆BB話......
2006年11月26日星期日
25-11去咗海洋公園
今日去咗海洋公園，公公、Daddy、媽咪同埋Wing Wing一齊去，好多人呀，坐纜車都排咗九個字呀，不過都ok啦，我哋響室外嘅時候都唔係落好大雨，帶Wing Wing去睇海洋劇場果陣佢就最開心，仲係咁拍手忝，見佢咁開心，真係辛苦d都抵嘅!
2006年11月24日星期五
24-11靚姨送咗件新衫俾我!
今日公公幫靚姨攞咗件新衫仔俾我，你哋睇吓係咪好靚，係Minnie嚟架，我好鐘意呀!多謝你呀靚姨!
22-11公公帶我去街街
平時媽媽要返工，姨姨(工人)唔可以成日帶我周圍走架，今日公公就嚟帶咗我公園玩，原本想玩滑梯嘅，不過有小小濕，所以唔係玩得好耐，不過今次都算係大突破咯，哈!皆因今次無其他人一齊去，只得我同公公以前我實大喊，今次我都無喊，你哋話我係咪有進步呢?
2006年11月19日星期日
19-11今日去玩沙呀!
知無!
18-11去咗粉嶺BBQ呀!
今日帶咗亞女去粉嶺香薰園燒野食，果度有一大塊種滿薰衣草嘅田園，不過我哋去到都入黑喇，睇唔清楚，反而影相出嚟嘅效果仲好。
2006年11月18日星期六
17-11坐廁疴臭臭
亞女坐廁疴尿尿就試得多，但一直都未試過疴臭臭，不過今日我返到屋企，工人話我知，Wing Wing今日終於成功喇，第一次響廁所疴臭臭，工人見佢個樣好似想去廁所咁，於是就即帶佢去疴喇，亞女都肯坐，係一個好開始嚟，所以一定要記底佢!
2006年11月14日星期二
14-11今日Wing Wing肚疴
今日我返到屋企，工人話俾我知Wing Wing今日疴咗好多次，d臭臭仲係爛爛地嘅，唔知點解，可能食咗d青豆卦(因無放到落冰格度)，如果聽日仲係咁疴就要睇醫生喇，希望佢快d好啦!
2006年11月10日星期五
10-11去咗九龍公園
9-11去爺爺度食飯
食完飯之後，我就玩我最鍾意玩嘅磁石貼喇，我次次嚟都玩架，點知媽咪貼到好高，我要咪直腳先攞到呀!唔知成日咁樣會唔會高d呢?
2006年11月8日星期三
8-11俾亞女整蠱!
今日返咗成日工，夜晚仲返埋祈禱會，攪到都成十點幾先返到屋企，通常Wing Wing都係咁上吓時間飲奶架喇，咁我沖完涼咪去開奶囉，佢依家都識叫 '奶奶'，我通常都會一邊開奶一邊同佢講 '奶奶'，但佢今日無咩反應，好似 '吽吽哋'咁，叫佢瞓低準備飲奶佢都無睬我，不過我都無理，但當我見到格奶粉格已經無咗一格嘅時候我就知咩事喇，於是我就扮嬲咁走去亞女到，話 '你玩媽媽，飲咗奶奶唔話俾媽媽知?' 點知佢好似收到哂我講呢句嘅意思咁，係咁笑(仲要係奸奸哋果隻哈!咁即係證明佢愈嚟愈蠱惑囉!
)，我重覆講咗幾次佢都係咁，我扮得愈嬲佢就愈笑得奸，好攪笑!
2006年11月6日星期一
2006年11月5日星期日
5-11仍舊有鼻水，點算?
亞女仲未好，尋日再同佢去睇多次醫生，今日都好似差唔多咁，攪到我都有d擔心忝!
不過話時話，佢呢d其實真係算好少事，比起好多人，呢d簡直微不足道，我哋要學習常存感謝的心，唔好成人怨天尤人先至得架! 今日Daddy教亞女主耶穌在我心的手勢，我哋問佢主耶穌係邊呀，哈!你估佢會黠指?? 指天? 唔係，佢會用手指住自己個心口，希望佢日後會明白天父時常都會同我哋一齊嘅!
訂閱：
文章 (Atom)