笑話

草草埋埋亞女一堆笑話，而家部腦攪掂，都係時候寫底咯~

(一)

早前，媽媽都有追家好月圓呢套戲，有一晚，食完飯帶咗亞女出街行吓，見差唔多時間就同Wing Wing講，不如返屋企咯，媽咪想睇一陣電視呀(雖然已經錄起，但都好心急想睇~)，亞女都好合作，之後我哋就返屋企喇，返到屋企之後媽媽都係想亞女早D瞓，唔想佢學我咁睇電視，於是媽媽就決定唔睇住(諗住遲D先睇番帶)

同佢梳洗時，亞女就話喇......

女﹕媽咪，你頭先話返屋企睇電視嘅?

媽﹕係呀，不過唔緊要啦，媽媽同你刷牙瞓覺先啦!

女﹕但係你要睇荷媽喎!

媽﹕(心裏真有點驚訝佢連荷媽都識，因佢平時好專心玩佢D嘢)

(二)

有一日，媽媽同Wing Wing撘港鐵，架車行緊難免會擺嚟擺去，亞女就問喇

女﹕媽咪，點解郁得咁犀利嘅?

媽﹕因為呢架係車麻，車梗係會郁架啦!

女﹕但係呢架唔係車嚟架喎!

媽﹕咁係咩呀?

女﹕係地鐵嚟架麻，都無轆，車有轆架麻!

媽﹕.........

女﹕(一臉認真咁問)  媽咪，乜你覺得似車咩?

媽﹕.........

(三)

一日，媽媽攞咗幾塊紫菜俾Wing Wing食，媽媽用一碟仔放好就入咗廚房，只一會，亞女就大叫...

女﹕媽咪，唔見咗一塊紫菜呀!

媽﹕(媽媽心諗唔通趺咗落地)於是出廳搵呀搵....

媽﹕係邊呢?

女﹕我吞咗落肚lu....

媽﹕(識玩我.....)

(四)

有一晚，媽咪、Daddy帶亞女去公公婆婆家食飯，Daddy買了些飲品，Wing Wing一睇就睇中支橙汁，但因太大支，佢好識做咁攞嚟同媽咪講

女﹕媽咪，我哋分享呀!

媽﹕Wing Wing你同媽咪分享呀，好呀，我哋一齊飲啦!

於是我哋就一齊飲咗少少，之後食完飯再飲咗少少，不過呢晚媽咪其實仲要返夜，臨走前同Wing Wing say Goodbye，之後亞女好快咁攞住支橙汁同媽咪講咗句

女﹕不如我同Daddy分享啦....

媽﹕(哈!為食貓，驚C無得飲...)

(五)

有一次亞女幫媽咪搖勻支藥水，不過佢搖得太大力太快，於是媽媽提佢

媽﹕Wing Wing，唔洗搖咁大力架，細細力搖就得架喇! 傻豬嚟嘅...

女﹕媽咪，我唔係傻豬嚟架!

媽﹕咁係咩呀?

女﹕我係Wing  Wing豬嚟架麻!(因有時媽咪都會咁叫佢)

媽﹕

環保回收

近半年工聯會都有一環保回收車在我家附近，我已多次捐出一些舊衣或一些物品，始終香港人真的很幸運，尤其是香港的女人，買嘢總是強項，平有平的買、貴有貴的買，結果卻買來很多很多.....

有日，與wing wing行過，又見到這回收車，心血來潮想教導她學習捐贈，想起家中還有很多欲棄掉的公仔，於是我倆就回到家中來個大執拾....

其實媽媽一直都不鼓勵亞女玩毛公仔(因易惹塵，對氣管唔好)，但從不同的途徑卻收到好多大大小小嘅公仔...

結果同Wing Wing一齊揀，最終捐咗近一大半~

捐之前就嚟一張大合照，留個美好回憶!

中哂毒、無心機!

呢幾日無update個blog，原因係部腦一時ok一時又怪怪地，其實之前都麻麻哋架喇，捱到今時今日都算係咁咯，結果我都係忍唔住要換咗佢，咁啱個同事介紹吉之島做緊promote，hp嘅機再送3合1printer三千蚊有找(唔連mon)，平平哋就即刻買喇，反正電腦呢d玩意成日壞，下次又唔知幾時壞，真係唔想花咁多$$$~

星期五師傅嚟安裝喇!yeah!

中秋節快樂!

9月14日

中秋節快樂!

今日約咗公公返教會，原來契媽又咁啱都係今日返(平時契媽返九龍果邊教會，只間中同佢屋企人返西平)，真好，我哋又可以見吓面喇!

契妹淔淔大個咗好多呀，識行咯，好快就可以一齊玩玩、跑跑、跳跳咯~

之後我哋一齊去飲茶，嘆完茶之後大家異口同聲都話要返屋企瞓晏覺，準備今晚外出盡興....

到咗夜晚，我哋返咗上環食飯，之後媽媽因為要返工，所以就由daddy帶wing wing同埋姨媽佢哋去玩燈籠喇~

佢哋一行人先去附近嘅卜公花園，原諗住只係逛逛，點知竟然無人嘗月玩燈籠，於是又心血來潮打的落咗銅鑼灣維園，嘩!呢度氣氛都唔同d，勁多人，不過d相在姨媽度，無得睇，相信一班小朋友去邊麵玩得咁開心架啦!

中秋節快樂呀!

鯉魚門食海鮮

9月12日

姨媽一早邀請我哋今日去鯉魚門食海鮮兼做節，不過daddy要返工去唔到、靚姨又起行飛咗，所以都唔算人齊，不過我哋一樣食得好開心....

賣海鮮個姨姨俾亞女餵魚魚，d魚魚好似好肚餓咁，反應好大~

揀海鮮果時，呢個女一d都唔怕，仲自己伸隻手入個缸裏面~

 

好鮮甜嘅象拔蚌刺身

聖子皇

大大隻鮑魚

瀨尿蝦

仲有幾樣唔記得影相(哈哈，掛住食麻~)

我哋第一次一家人嚟鯉魚門食海鮮，婆婆公公見到咁大隻鮑魚，真係胃口都開哂~

而呢隻豬就趁媽媽掛住影相，竟用手就咁攞住(媽媽果隻)食，等都唔等我呀~

好彩仲有~

********************************

呢餐都唔平架，仲貴到我有d肉赤，不過姨媽請客，我哋受惠喇!

姨媽，多謝哂!

 

運動服

daddy幾鍾意亞女呢間學校嘅橙色運動服，睇睇吓.....都幾有活力呀!

學校假期～

９月８日

學校因為於９月７日借出場地作投票站之用，故今日放假一天，媽媽亦是大假的最後一天，故一於外出走走，到表哥仔家玩玩～

小朋友都係鍾意一齊玩，有個伴始終係玩得開心ｄ嘅～

＊＊＊＊＊＊＊＊＊＊＊＊＊＊＊＊＊＊＊＊＊＊＊

到咗下晝，我哋又去咗麼麼屋企繼續玩，哈，呢張相原本無諗住影架，係打算同佢哋排排企度吓高乍，點知麼麼媽心血來潮話要影低佢，我就當然快快手手去搵相機啦！

佢哋都算企得幾定喎～

表哥仔同亞女一樣，好鍾意玩車車ｔｈｏｍａｓ，拍著麼麼就啱哂，齊齊玩，反而亞女就揀咗同媽媽睇ｔｈｏｍａｓ書書（哈，可能呢ｄ書屋企無，好有新鮮感呢！）玩咗一陣、食吓嘢咁我哋就走喇，真係多謝哂麼麼同麼媽嘅招待！

**********************************

咁就放完媽媽嘅開心長假期喇，下次再放長假就要等到新年lu~

你得唔得？

哈哈！想當年媽媽係做到呢個動作嘅，而家．．．亞女幫我完成啦！

希望亞女可以繼續ｋｅｅｐ住佢咁柔軟嘅身體，盡展才能！

返母會

9月7日

今日我哋返咗以前返咗10多年嘅母會(西環平安福音堂)聚會，今日係第一次響新址聚會，呢度大過舊址好多，亦裝修得好靚，相信負責人亦落咗唔少心血~

以前無乜地方俾bb玩，而家就有一間bb房，雖然亞女已經唔係bb，但佢完咗兒童主日學之後都好鍾意走嚟玩吓!仲玩到唔捨得走~

見番好多相熟悉嘅弟兄姊妹，好有親切感，畢竟返咗西平咁多年，呢份親切感係其他教會無嘅，我同蝦子都好珍惜。

呢日真係有好多弟兄姊妹走嚟問我哋幾時返嚟?會唔會再返嚟聚會?唔.......我只可以講我會好認真咁祈禱、認真咁去考慮，始終返教會唔係返吓呢間、返吓果間咁麻.....

相信主必帶領！

黃金海岸

9月6日

我哋一家人參加咗媽媽公司攪嘅活動，今次係去黃金海岸嘅遊艇會，原本都有d期望嘅行程卻發現唔多好玩，因為無一早book定某d設施嘅關係，無得玩當中大部份嘅設施，唯有四周行吓影吓相算咯~

夜晚餐buffet亦只屬一般，不過叫做參加吓呢d職員活動，可以有多d機會帶亞女見吓d同事囉~

成功喇!

經過連日來嘗試又嘗試，Wing Wing而家已經唔洗著片片瞓覺喇!yeah!

開頭都會賴濕，但而家情況已經好好多咯，梗係啦，而家媽媽臨瞓同半夜都會叫佢去尿尿喎~好彩佢都算合作，初時媽媽都擔心一叫呢隻爛瞓豬就會喊，但而家都ok，可能佢都明白要學習戒片咯，希望日後去尿尿嘅時間可以再相隔耐d咁就好喇!Wing Wing 加油呀!

bb滿月

尋晚(5/9)去飲姑婆個孫女滿月酒，一見到好多平時唔多見嘅親戚而要叫人嘅時候先知好多叫法都唔識，表妹?表姐?表姨?表兒甥?表.....?真係諗到頭都大，相信下一代更加難分呢d稱謂咯~

媽媽第一次見bb帶金介指，好可愛，即刻影低佢~

亞女扮哂嘢唔肯正經影相，媽媽就陪佢玩~

媽媽同靚姨好鍾意玩自拍~

到開餐時已經9點幾，亞女真係餓到飛起，所以佢以九秒九嘅速度食哂碗入面嘅嘢~呢隻真係為食貓，見到佢食嘢個樣就攪笑~