哈哈!今日蝦子餅補假，我哋又可以二人世界一吓，朝早送完亞女返學我哋就去嘆早餐，好relax!跟住就去銅鑼灣睇番場戲<無恐不入>，唔......一般啦!劇情一般、不過Kitman嘅演技同部戲嘅驚嚇度都OK嘅! 睇完戲之後我哋就去咗搵食喇，第一次去細舖搬大舖嘅秋萍，真係大咗好多，以前間舖細細咁已經好多人排隊，就知d嘢好食啦!今日我哋唔洗湊住亞女，真係食得自在
relax!
，我哋叫咗兩個粉、牛油雞翼、蒸粉卷、凍檸茶，好好味!好開心、好跟住嘅行程就係去游水喇! 唔洗湊住亞女真係游都游得自在d!游咗唔係好耐，約一個鐘度，好relax!
******
之後就去接Wing Wing放學喇!老師話Wing Wing好叻，同學仔個書包放響邊佢都記得，仲指俾老師睇，又幫老師做嘢，聽到老師讚佢，個心都好安慰!
我哋仲帶咗亞女去公園玩咗陣先返屋企，佢都不知幾開心!
wing wing 你好叻女呀
回覆刪除一睇Wing Wing 個樣就知佢係醒目女啦！
回覆刪除