511
611
711
811
911
一、二年級都無認真寫過亞女的小學生活，不過印象中都只係忙忙忙、趕趕趕，一升咗小學真係無咩時間咁，大人都替小朋友辛苦，功課唔做唔得、書唔溫唔得、課外活動唔學唔得咁，仲要聽埋好多家長嘅比較、成績結論等，本人真係好怕，但又發覺好似身不由己咁，自己都好似變埋怪獸家長，唉!真係要小心面對先得，求主賜智慧!
而家亞女三年級，媽媽希望佢可以更自動自覺，唔想成日都要媽媽提住，於是設計咗一個九格給印仔表俾佢，等佢完成咗一樣嘢就給印仔，有獎勵，希望佢鍾意噫個模式啦!
26-9-2013
Yahoo Blog要關閉了，我們要搬家了!
不捨得不記錄小雲小吉的成長點滴，所以都要搵一地方搬家，好讓網誌可繼續寫，希望在此有更好的配套，唔好要我再搬家喇!
現在正處理Yahoo Blog 的backup，10月30日前就會完成搬家程序了。
小B成日食手指，食得仲勁過家姐果時，所以媽媽特登買咗舊牙膠俾佢食，哈哈，佢都幾鍾意食架!
9月25日
小B仲未好，仲有鼻水，剛同佢睇多次醫生，醫生開隻再勁D嘅藥俾佢，希望小B快D好啦!
9月23日
今年係公公婆婆結婚四十同年嘅大日子，媽媽親手整咗張咭俾佢哋，祝佢哋恩恩愛愛、相愛到老!
9月19日
又到中秋，如往年一樣，約咗班幼稚園同學仔去公園玩玩，今年仲帶埋小b去，雖然小b食咗藥吽吽哋，不過都留咗一陣，影吓相囉，到此一遊麻!
至於亞女，好快已經玩到出哂汗，今年嫲嫲俾咗一百蚊佢買燈籠，佢選擇咗買瑩光棒同閃燈眼鏡，結果玩瑩光棒都玩咗成晚，哈，而家d小朋友真係唔洗玩燈籠咯，跑跑跳跳又一晚。
9月18日
真係俾亞女惹到，小b有少少鼻水喇，初初諗住觀察吓先，始終唔想太早俾佢食藥，不過諗諗吓媽媽要返n，又到中秋，驚再嚴重d時無醫生睇，所以都係帶咗佢去睇醫生(袁振揚)，希望小b快d好啦!
Wing家姐都知係自己惹到細佬架喇，不過同一屋簷下，有咩辦法呢，所以媽媽哦咗佢幾句就算喇，希望下次Wing Wing唔好再痴咁埋啦!
小b，快d好返呀!
911
是日小b六個月大喇，時間過得真快，亞仔個樣亦不斷變緊，有時好有型、有時就豬包仔咁，可愛!
我哋初初諗住每個月都去數碼港影相都做唔到喇，近兩次都只係去附近公園就算喇，要完成呢項任務，都幾考一家人嘅毅力同決心!
9月7日
今日媽媽放假，帶咗小雲同小吉去公園影相，呵呵!好靚呢!
過往經驗，亞女參加校際朗誦節，每次都承受唔起低分的壓力而喊，第一年就大喊，由收到分紙到行去坐904都喊，並大叫唔再參加......
第二年一樣喊，由出會場到差不多撘車，不過已經好咗好多.......
今年，媽媽一心唔再叫佢參加，好讓大家都唔洗角力，點知，今年(三年級)亞女竟然好主動咁話要參加，仲自己攞起支筆圈<參加>，媽媽再三問佢諗清楚未，佢都係話要參加，真係唔知佢諗乜。希望佢今次唔好再喊啦!
一年級 <小弟弟> 粵語
二年級 <下雨天> 普通話
三年級 <螳螂和蟬> 粵語
