為食樣~

為食Wing Wing 為食樣~

 

去街日(二)

第三站﹕

香港動植物公園

今日三表都好精神、亦著得好靚，大家都玩得好開心，表哥仔仲玩到唔捨得走，離開嘅時候一路行一路，好彩最終都乖乖，好啦!下次再去玩過~

去街日(一)

媽媽嚟緊D星期六日都要返工，得今日(22/11)放假，於是就帶亞女去吓街喇!

原本諗住去西寶城新開嘅Playtown玩，不過姨媽話價錢都唔平，好似平日抵D，所以最後都打消咗呢個念頭，但媽媽仍然想搵日去玩，因上網睇過人哋推介好似好好玩咁，一於平日去試吓先~(平日$80全日任玩，假期就大人都要收費，1大1細已經要$170)

結果媽媽毫無準備之下去咗好多地方，玩得好充實~

第一站﹕

去上環接返亞女+麼囉街街頭留影

第二站﹕

去公園狂玩

玩亞女至愛的平衡木

仲有鋼架，以前Wing Wing一定要媽媽喺度先夠膽玩，而家唔洗咯，自己爬lu~

仲有呢個都係亞女好鍾意玩嘅攀架~

第三站﹕待續~

挑戰

學校參加咗康文署攪嘅<一人一花>計劃，每位學生派咗一小盆植物，明年3月再檢視一下種成點.....

我哋好少種植經驗，加上學校派呢盆種物嘅時候都好似<軟奶奶>咁，真係一大挑戰，希望唔好種死佢就好咯~

寶寶結婚喇!

11月20日

媽媽一位好朋友結婚喇!真係恭喜哂!

媽媽要出席呢日嘅Wedding party都唔容易架，事關媽媽原本係要返工嘅，周圍搵人調更先放到假，去完個婚禮仲要趕返中心做D嘢，真係出心出力架!不過寶寶大日子喎，點辛苦都要出席啦!

呢度係尖沙咀中心嘅佳偶天成，媽媽第一次去，個場幾靚~

一叫佢影相又古靈精怪~

新娘子好靚，女大十八變，祝你倆開心幸福、佳偶天成!

好少見新娘子抱住BB影相，所以媽媽又影底佢喇~

一班舊同事好耐無聚頭喇!呢D大日子就係我哋聚吓、傾吓計嘅好時機!

四周環境都幾靚，我哋就周圍行吓影吓相喇!

等車嘅時候，見到原來已有好多燈飾喇!順便影少少~

預祝各位有個歡樂聖誕!

7個P

由13號開始，媽媽破哂紀錄咁連續返咗7個P(即返2pm至10pm)，我做咗呢行咁耐都未試過，因多數又返吓A(早更)又返吓N(夜更)麻，期間雖然有d唔舒服(感冒)，但都堅持住，無請病假，算叻喇!

返P最唔好就係湊唔到亞女放學兼要好夜先睇到佢d功課，婆婆或者嫲嫲例牌就唔幫手跟佢學校d功課嘅，有時放工後湊番亞女都已經十點幾，長期係咁都幾慘.....

不過媽媽仍然好鍾意輪班嘅工作，如果而家要我返朝九晚五.......