Hang機

Hang機...一個好貼切嘅形容詞，形容亞女呢兩堂學琴嘅情況...

佢鍾意學琴，每次都係開開心心咁去學嘅，對住老師亦用心去學...

不過呢兩次，媽媽見到嘅情形就係，一時就彈得好好，完全無錯，進度良好，一時就唔郁，定咗鏡咁，老師叫佢做咩都無反應，又無喊又無扭，真係好似hangc咗機咁，要隔一陣先無事，到佢OK時又係一彈就幾好，有D位好易彈錯嘅佢都彈到，真係判若兩人，攪到老師都R哂頭....

媽媽事後都有同佢了解番，不過佢都唔識答，只含羞答答咁扭嚟扭去，可能知道自己要面對番D衰嘢，所以逃避緊.....

唉，希望同佢解釋過後會好D啦!

海防博物館

11月22日

今天返完教會，與表哥仔一家去了海防博物館~

原本以為有得學造船船，點知原來睇錯咗，今日手工時間係整襟章，小朋友油上顏色後就給叔叔協助製作襟章喇，亞女好俾心機劃，佢鍾意油七彩顏色，都油得幾靚架!

外面嘅境色好靚，我哋喺度玩咗陣、行咗陣~

由洞入面影出去，幾特別~

 

南區尋寶

11月16日

今天是學校假期，從朋友口中得知鴨脷洲新建了一個公園，又大又靚的，心思思又想去行吓，於是相約表哥仔同DD一齊去南區....尋寶(因為大家都唔知公園名、實際地點，所以成班人真有點像去尋寶似的)

兜兜轉轉，終於搵到喇!

不過仍然唔記得睇吓個公園名~

呢度有個大嘅露天廣場，啱哂做SHOW，我哋講嘢仲有回音架，Wing Wing同DD就喺度玩回音喇!

個公園用咗造船嘅意念嚟設計，好多圍牆都好似隻船咁，仲有一部份未建成，另外亦有一個小小展覽廳，介紹一D造船工具等~

公園隔離就係海，泊滿小小艇仔，好有漁港風味~

講真，呢個公園適合較長者多過小朋友，因為我哋行勻都只係得呢度一D健體設施玩吓，係無兒童遊樂場嘅，真係估佢唔到!!

呢條跑道有400M，沿住橙色嘅跑道跑就得架喇，我哋無嘢好玩又玩吓賽跑喇~

結果就梗係表哥仔第一啦，佢真係跑得好快，犀利!

之後我哋就搭船離開，三位小朋友都係第一次搭呢款船仔，好有新鮮感!

雖然好大風，不過小朋友跑跑跳跳，真係無話過凍喎，相反我哋D大人真係要學吓...

親子崇拜

由10月尾開始媽媽每個星期五都會協助學校帶領親子崇拜，心中很高興可以有這個機會出一分力，亦很多謝編更的同事願作出遷就，讓我大部份日子都可參與....

已開始數次了，小朋友反應很好，希望小孩子能從小就認識主耶穌，明白基督的愛，學習愛神愛人的功課，一生走在正路上~

又腫!

11月12日

今早正要叫醒Wing Wing起身返學時，被她腫得肥嘟嘟的雙手嚇了一跳，再細看，連右眼也有腫，心想...難道又是食物敏感?

因前一晚是嫲嫲湊，故立即致電嫲嫲問問有否吃了些致敏食物，她說只是煮了些家常便飯，沒甚麼特別，這更叫我摸不著頭腦.....

媽媽隨即帶Wing Wing看醫生，醫生細看後告知今次的情況不是食物敏感，而是似被虱咬，媽媽聽後反而較安心，心想被嘢咬總好過又對食物敏感吧.....後再想起Wing Wing昨晚在嫲嫲房睡著了，等到媽媽10時多往接她才起身，平日較少在嫲嫲房睡，故很可能在那裡被虱咬吧.....

可憐的豬仔，又腫又痕，還要被婆婆取笑....

 

專心一致

Wing Wing參加咗熊熊合唱團都有7個多月喇，一直聽佢講都好鍾意，其實中段Daddy媽咪都有考慮地點太遠嘅問題，都有諗過唔再參加，不過一問Wing Wing，佢都係話想繼續參加，見佢有心繼續玩，媽媽都好安慰，其實媽媽都好怕小朋友半途而癈、三分鐘熱度，所以只要佢唔放棄，媽媽都會一直支持佢嘅!

至於學琴，而家剛學咗4堂，到目前為止，亞女都學得好開心，又肯練琴，一學完琴仲會好快做琴功課，呢D係媽媽希望見到嘅，只想佢有興趣去學而唔係要大人迫，佢學得開心媽媽真的很感恩!Thanks God!

Wing Wing，你真係好鍾意音樂，人哋話音樂可以陶冶性情，希望你可以樂在其中，活得開開心心!

 

訪琳琳家

11月5日

今日放咗之後學媽媽帶咗Wing Wing去琳琳屋企玩，不過去到琳琳瞓咗覺，亞女就自己玩住先，哈，都好，等兩位媽媽可以傾吓計先~

之後琳琳醒咗，佢哋就一齊玩喇，今次佢哋唔係玩D動態嘅遊戲，而係一齊油顏色，多謝琳媽贈送的小畫簿，Wing Wing 好鍾意!

玩咗一陣之後，我哋就到附近嘅商場逛逛同埋食晚飯，兩位小朋友食飯都好合作，於是又獎佢哋去公園玩多陣，有個陪一齊玩真係唔同D，唔洗成日叫媽咪陪.....哈!

唱普通話歌歌

我的五官