今日晏晝去咗探契媽，佢開始放產假喇！真興奮，就嚟又多個小BB同Wing Wing玩喇！Wing Wing不嬲都有大家姐風範，好鍾意take care 其他BB，見佢對住DD表弟個樣就知喇！相信第時見到契妹，一定攪住佢唔放呀！鍚鍚契妹先！
勇氣可加！最終又係玩到成身汗！
2007年5月31日星期四
30-5 去契媽度
2007年5月29日星期二
發霉床
早前訂造咗張單人床俾亞女，但自台灣返港後就出現有發霉情況，由於眼見嘅發霉位置只係床面側的一條邊，其他位置又無事，所以一直都以為係果塊板嘅問題（以為係塊板之前濕咗水），但尋日終於有新發現，公公摸吓上格衣櫃後面塊板，發覺有好多霉，原來一直都係上面ｄ霉跌落嚟嘅......都好，總算搵到個原因.....
咁今日就開始呢個大工程咯......我哋要合力移開個衣櫃，再由頭抹過，一睇.....
正當我哋努力呢項偉大工程之際，Wing Wing豬竟然響檯面搵咗個麵包食（提子包），哈！哈！不過一睇，真係好好笑，個麵包竟然食成咁......
咁攪笑
，於是乎媽媽又去攞相機影低佢喇！
2007年5月27日星期日
26-5 去旺角行街街
今日返工返朝早8點，收晏晝4點，接咗亞女返屋企之後已經熱到抽筋，同亞女沖咗涼，就將早前麼麼媽咪送嘅靚衫俾Wing Wing著喇，好靚呀，如果呢個款有我個size你話幾好呢! 見佢著得咁靚，就想帶吓佢出街喇!
（答案係因為亞女正在扭嚟扭去囉！）
2007年5月26日星期六
25-5 好開心!
好開心呀!我哋去咗嘆早餐、行街、睇戲、食飯，兩個人好輕鬆，唔洗湊住亞女，真係好自在、好relex，我哋仲一齊去街市買餸，好耐無同老公仔一齊慢慢逛街市喇，好開心、好enjoy!
真係好開心呀! 今日收工一心諗住去公公度接返亞女，一出中心門口就有架巴士，咪嗱嗱林跑去追囉，點知俾一個人截住我，一睇--原來係老公仔! 我真係諗都無諗過呀，仲以為佢去咗返工，真係無諗過佢嚟接我架，好suprise 、好開心呀! 好耐無試過咁驚喜喇! 老公，多謝你!諗住今晚煮飯仔，整我第一次嘗試嘅薑蔥炒蟹，同埋蒸吓肉餅、炒吓菜咁，點知辛苦完一輪，煮好咗嘅炒蟹先發覺鉗唔開，老公仔問我響煮之前有無用刀柄敲吓，我先醒起﹕弊!我真係唔記得咗! (真係棋差一着) 我哋又用蟹鉗、剪刀去開都唔得，最後老公仔要用工業用鉗先開到少少(到底點解實得咁緊要????)，但開完兩、三隻之後，老公仔已經出哂汗，熱到無哂胃口，連其他嘅飯餸都唔太食得落，且d肉餅又好似蒸得麻麻地、d湯又好似唔太好味，(最後佢都有食哂一碗飯，我覺得佢已經好犀利架喇!多謝你呀，老公!) 唔開心實有少少架喇! 其實自己都知自己煮藝一直都係麻麻地，不過始終係興致勃勃咁去整麻、到頭來又......唉，算啦，我又唔係成日煮，係會差d喇! 希望6月嘅烹飪班會幫到我啦! (老公﹕你果刻安慰嘅說話真係令我開心番d，好彩有你，唔係我都唔知點啃埋餐飯!
煮完係幾靚嘅......不過得個睇字囉! 都鉗唔開嘅!)
2007年5月24日星期四
24-5 愛心有限？
今晚媽媽返Night，日頭又可以帶Wing Wing去街街喇！去邊好呢我叫亞女睇吓有無車，佢又真係幾聽話喎，好留心咁望住喎！
？亞女話想坐電車，好，就去太古城、吉之島逛逛啦！（諗住去到上環再轉車）無嘅？
＊＊＊＊＊＊
食晏小插曲﹕
今日同Wing Wing 響吉之島個 food plaza果度食lunch，我哋買咗盒麵食(因為亞女鍾意食麵麵），再買盒檸檬茶，坐低咗無耐......對面位女士就話喇﹕咁嘅嘢點食呀？買埋ｄ平嘢食，係人都唔食啦！（咁啱亞女又唔合作，吐咗啖麵出嚟）....跟住再話﹕唉！而家真係愈嚟愈多窮人咯！....果位女士一邊食一邊用ｄ略帶婢視嘅眼神望住我哋，而我，就繼續忙住剪亞女ｄ麵麵、餵亞女食嘢..... 但心裡面就唔係咁舒服聽到呢度，唔知大家點睇？......
我哋隔離仲有一對夫婦，果位女士不時都會講吓嘢，例如﹕ｄ粥好稀架，都唔知係咪加咗水(但佢當時係食緊一碗麵架喎)？又例如﹕都係台灣ｄ珍珠奶茶好飲ｄ...... 算唔算自言自語呢？憑佢嘅衣著、外型、說話觀察所得，佢可能係有某種精神病（睇對夫婦嘅眼神，佢哋都好似有同感咁），照計，明知佢有問題就唔應該介懷，再加上自己係做精神康復服務嘅，亦接觸過唔少精神病康復嘅老友記，但.....果一刻，心裡面真係有ｄ忟忟地，亞女又唔合作，係咁玩、唔肯食，到最後我唔覺意彈到少少檸檬茶去佢度，佢就大發脾氣，我同佢講sorry，佢就話﹕一句sorry就得架嗱？咁唯有嗱嗱林走人囉！...攪到自己心情都麻麻地早前因工作需要，我去上咗一個關於精神康復嘅堂，亞sir話，原來香港人歧視嘅對象之中，精神病人係排第三，反而智障人士就多被人憐愛同接受，而我，由從事智障人士服務到而家精神康復服務已經有一段日子，心態亦有不少轉變，我承認，以前會真係驚ｄ精神病康復者，但而家接觸多了，覺得佢哋跟平常人差不多，難道平常人發惡不嚇人嗎？根本不須害怕和疏遠他們，甚至有時我更覺他們很可愛呢！......唔通我嘅愛心真係有限？
今天的經歷，對我在工作上有很大的提醒，起碼俾我知道若不好好處理自己的情緒，就不能繼續好好上路！
但願你們也能明白，他們所作、所說也只是病患影響，不須放在心上呢！
訂閱：
文章 (Atom)