K3畢業旅行

5月21日

今日係學校旅行，亦係K3最後一次旅行，所以今次都幾多家庭參加，而地點亦幾吸引﹕

嘉道理農場+中大自助餐+大埔公園

今日原本話會落雨，但謝謝天父，暫止住雨水，令小朋友可以全情(全程)投入，玩得開心!

第一站﹕嘉道理

花點豬

野豬

部份家庭合照

同黃老師合照

亞女最鍾意做手工

第二站﹕大埔海濱公園

景色優美，有d風吹埋嚟，正!

亞女玩風箏，發覺放手鬆線係好過引嘅，只慘咗一班大人最後要幫忙收番d線就有排收~

*到所有行程完哂，一上車就落雨，又一次經歷神的奇妙，哈利路亞!

游夜水

5月20日

今天心血來潮，相約表哥仔去游夜水，我哋去西環新泳池，d水唔算暖，但都可以接受啦，兩表玩得好開心，不過嬉水池d設施就簡單咗d，一條長少少嘅滑梯都無，徙哂咁靚嘅環境。

亞女未識游水，不過已經有進步，往年要用水泡，今年試用手袖去游，初初都有d驚，不過游游吓都ok，而家識穿住手袖自己游喇，今年都有同佢報名學游水，希望人哋教嘅話，亞女會放膽d去嘗試啦!

自己沖涼洗頭

冬天過後，媽媽加強Wing Wing的沖涼訓練，加上剪了頭髮，洗頭也漸掌握了，現在Wing Wing已可以自行沖涼洗頭，看見她一時頭髮未完全濕透便用洗頭水、一時又抹得不乾，真可愛，但只要是她自己沖便行了，媽媽也不要求要100分乾淨，這是好開始，亞女，加油!

姑婆走了

5月8日

今天是母親節，可惜的是今早收到姑姐(亞女的靚姑婆)入院的消息，我們一家人約五時多到達醫院探望，見姑姐的樣子簡直消瘦得差點認不到她，情況實在不樂觀，我們跟她說話她也鮮有回應，爸爸哭、媽媽哭，我哭，各人都哭了，只想圓她心願....

5月9日

早上接到爸爸來電，姑姐走了，感恩是走得安詳，只願一路好走~

心願﹕希望子女和好

子女們﹕珍惜眼前人，好嗎?

食物敏感測試結果

媽媽花了$3500同亞女做了一個食物敏感的測試，測試會驗亞女慢性致敏源同即時致敏源，會測試96種食物，可惜的是測不到亞女即時致敏源，即表示亞女仍有潛在敏感的危機，我們只可以對慢性致敏源提高警惕，最超標的食物是雞蛋，其次是奶類製品，營養師建議要戒口約九個月，希望其免疫力會有所改善，媽媽已經細心各Wing Wing解釋，亞女都好明白，希望平均飲食對其身體免疫系統有幫助啦!

甩第三隻牙

亞女早前開始，兩隻門牙都鬆，其中一隻更愈嚟愈鬆，但係我哋等佢自然甩都等咗一個半月喇，於是......

http://www.youtube.com/watch?v=K9wKX4HKuVY&feature=channel_video_title

 

同學仔活動﹕長洲行

4月21日

呢日係學校假期，媽媽相約了一班同學仔去長洲玩，好開心!

見到架迷你消防車

唔少得的大魚蛋，好味!

小朋友最愛踩單車，無個話攰，犀利!

消暑良方﹕食雪條

公公生日

4月20日

今晚同公公慶祝生日，小朋友齊齊準備咗張生日咭俾公公，祝公公生日快樂，身體健康!

公公，生日快樂!