開餐廳

1月14日

K3班最近的專題是<餐廳>，老師更與各同學籌備開餐廳之事，各同學都很興奮，今日仲邀請一眾家長到來參加開張日，真的簡單而隆重，更有醒獅、歌舞表演，犀利!

小朋友個個都好興奮，相信對餐廳這主題定必留下深刻印象~

參觀消防局

1月16日

多得琳媽提醒，今年終於可以同亞女去參觀消防局喇，媽媽一直好有興趣，可惜常不知道何時有開放日，今次終於成行喇!

唔少得小朋友最鍾意嘅攤位遊戲~

滅火輪

有緣即係有緣，巧遇琳琳

好開心可以同幾位消防員合照，向各位致敬

 

 

跳舞表演

1月15日

學校K3班應邀去西環一活動作表演，今次都係跳LOVE

小朋友個個好醒神

 

公公婆婆都到場打氣

亞女仲有上台玩其他團體嘅玩意忝(絲帶舞)

 

第一次整柚皮

蝦子一向鍾意食柚皮，奈何媽媽很少入廚，飯都少煮，更何況呢D咁多功夫嘅菜式呢，不過今次奶奶已預早浸好哂D柚皮，又教了我們怎樣去煮，故今次就即管試試看~

做法﹕

(1) 浸柚皮數次(哈哈，呢個步驟奶奶已經幫我做咗喇)，切細件

(2) 預備上湯一大碗 (即水加雞粉或清雞湯)

(3) 蒜蓉切細粒

(4) 豆豉切碎 (我今次無落，因屋企無，不過都好好味喇)

(5) 先落油，爆香蒜頭豆豉後即落柚皮，炒兩吓便可加上 湯，再落蠔油(可多D)不斷兜、不斷炒，至水略為收乾

(6) D柚皮軟身入味即成

哈哈，不錯吧!蝦子都大叫好味，在我而言，最開心唔係食，而係蝦子的一句﹕讚!

 

表哥仔生日party

1月2日

今日去咗表哥仔嘅生日會，好多同學仔都有去，真熱鬧!

Happy Birthday to Chester!

六歲生日喇，時間過得真快~

開完PARTY，我哋意猶未盡，繼續去公園玩~

 

燒得快時退得亦快

1月6日

昨晚夜半3時多，Wing Wing突然走到媽媽床前，說﹕媽咪，我好頭暈呀!跟住同佢探熱99.7度，因亞女好耐無睇醫生喇，所以屋企都無哂退燒藥，唯有同佢貼住退熱貼先，但佢都瞓唔到，不斷話頭暈，媽媽又同佢抹身，又俾水佢飲，約一個鐘頭再探，101度，仲高D，Daddy出街睇過D夜診都已關門，又唔想亞女再拖吓又燒高D，於是決定去睇急症。

去到A&E無幾耐亞女就嘔喇，都唔知咩原因，瞓覺前仲好哋哋，不過亞女話嘔完就舒服好多喇，見佢個樣好番D先安落少少，幸好唔洗等太耐，睇完就返屋企喇~

跟住媽媽仲要返早，真係唔多放心，感恩亞女都瞓得到，媽媽收一點返屋企見佢已經好精神喇，仲退哂燒，真係燒得快時退得快，感謝神!

三表齊齊去運動

12月31日

今日公公婆婆帶埋兩表出街，媽媽提議去運動場跑吓步，因上次亞女跑過想再跑，相信三表齊齊跑一定好開心~

佢哋一開始就先跑一個圈(400米)，結果當然係大嘅第1、細嘅第3啦~

公公頒獎(糖)，皆大歡喜!