聖誕大餐

12月25日

呢日雖然媽媽要返工，但Wing Wing仍可以同Daddy去街街，一早已報咗名出席教會今日攪嘅lunch buffet，佢哋去咗食巴西燒烤，記得去年都有參加，而家要搵一間食肆可以容納咁多人真唔容易，Daddy話d嘢食算ok啦，不過好似唔多夠份量咁，anyway，醉翁之意不在酒嘅，一班一齊開心吓、傾吓計都好好嘅!

之後佢哋就一齊去咗科學館玩，玩得好開心，亞女可以一路撐住唔瞓覺，真係玩哂一上車先瞓，犀利!

平安夜之唱歌比賽

12月24日   平安夜

亞女第一次參加教會嘅平安夜唱歌比賽同埋報佳音，我哋6點鐘作最後嘅綵排就返教會準備喇!

第一個比賽係由4位團友仔合唱"Go tell it on the mountain"，佢哋件戰衣好靚，4個小朋友都好放膽咁唱，結果最後得第3，好叻!(因為都有好多隊參加架，響我心目中，佢哋唔怯場已經贏哂喇!)

亞女有份搖啦啦球嘅演出都好精彩，雖然得唔到獎，但當晚嘅演出簡直比平日練習好好多倍，勁!

Yeah!第3名!

小型派對

12月23日

今日約咗琳琳同表哥仔、DD一齊嚟我哋屋企玩，攪咗個小型派對，幾個小朋友齊齊玩吓、食吓、開心吓，真好!

琳琳好鍾意同Wing Wing玩，亞女扭計唔肯食嘢琳琳仲幫手餵佢忝，琳琳真係似大姐姐多d~

其實小朋友聚在一起，都唔洗點安排節目俾佢哋，佢哋識自動波自己玩，總之就咩都玩一餐!你諗遊戲俾佢哋好似仲煩住佢哋咁，哈!

之後表哥仔佢哋走先，Wing Wing同琳琳再去playroom玩咗陣，盡興!

我哋約好下星期再出去玩過，有個伴佢哋會玩得開心好多!

Joy th the world!

Joy to th world!

The Lord is come!

Wish u all have a HAPPY CHRISTMAS!

另類喜好??

12月21日

今日返完教會，下晝我哋去咗銅鑼灣行吓，Daddy聽聞果度D佈置幾靚，於是就走去八吓喇~

我哋先行吓商場，亞女一見呢D古古怪怪嘅藝術品就係咁話要影相....平時又唔見佢咁主動，佢仲古靈精怪咁自創咗好多個post!

自己走咗去後面影~

鐘意呢D藝術品，真另類(哈!媽媽真係唔識欣賞，仲有D奇怪點解咁多人喺度影、影、影!)

原來呢位藝術家係Carrie Chau，哈，Daddy睇到原來佢有幫過媽媽間機構設計，講講吓就有番D印象，原來Carrie Chau從少就有少少自閉，沉醉在自己的世界入面，唔怪得D畫咁....特別啦!

Wing Wing今次真係出奇地主動要求媽媽幫佢影相，佢仲張張都笑得好開心，佢D另類喜好真係特別!之後媽媽問番佢點解咁鐘意同D藝術品昒相，佢話﹕因為我覺得好靚囉!

哈哈!真另類~

感恩

12月21日

今日返教會，兒童崇拜開派對，個個小朋友都有禮物收，亦玩得好開心，回想去年剛帶Wing Wing返呢間教會無幾耐，同其他人唔太相識，無咩親切感，今年已經唔同哂，個個都好錫亞女，Wing Wing亦好鍾意返教會，一班小朋友可以一齊成長認識神，真是福氣!

今年Wing Wing參加咗教會喺24號晚攪嘅歌唱比賽，同另外3位小朋友一齊唱Go, tell it on the mountain.今日完咗崇拜都抽咗D時間練吓~

另外Wing Wing亦喺另一支隊伍度幫手搖啦啦球，希望到時佢唔會怯場啦~