由10月尾開始，媽媽同亞女定立咗一個獎勵計劃，乖就加分、扭計就減分，夠20分就有星，一星期有四粒星就有獎，任佢獎咩都得(當然唔可以太貴啦，$20以下俾佢自己揀)，亞女好興奮，亦學習適應有加有減機制，希望佢知道唔你個個都會就哂佢，亦想佢透過呢個計劃，情緒會好d、開心d!
我哋都盡量係鼓勵佢做好而加分嘅，唔想佢成日喊，而家推行咗大半個月，算ok啦，每個星期都有獎，見佢都好開心，希望佢唔好三分鐘熱度就得喇!
11月10日
今早我哋成家人都唔知醒起身，媽媽瞓到近7:45am先醒，亞女校車都走咗，唯有快快叫醒亞女，睇吓搭的士得唔得啦(不過應該都係遲到架喇)，但叫亞女嘅時候，佢竟然話唔返，要係咁話頭暈，其實媽媽估佢係眼瞓多d囉~之後同佢講唔可以咁輕易就話請假，星期一已經因為食物敏感請咗一日假喇，但佢聽完媽媽一番道理之後都係話頭暈，於是媽媽見時間都遲哂，唯有同佢致電請假，在家休息。
殊不知佢上床休息不到10分鍾，已經話瞓唔著，一如媽媽所料，個人頗精神，於是媽媽同佢在家上課，今天可以做番平時無咩時間做嘅嘢，都ok啦，不過下次媽媽一定唔會再咁順攤喇!
11月6日
堂慶晚宴後，約晚上12時，亞女原本已瞓著，但都起身同媽媽請﹕媽咪，我個身好痕呀! 媽媽細看下，又有一d好似蚊難咁嘅嘢，但一時間真係唔知係食物敏感定係出風難，好似每次飲宴都是食物敏感的高風險活動，下次真係要三思~
我哋俾咗d旁身敏感藥亞女食，食完佢都仲係話好痕，攪咗好耐都唔得，之後同佢浸吓bath oil，沖吓涼，見佢慢慢好d媽媽先安心d!
到咗第二日，佢話仍然有痕，又話頭痛，於是就同佢請假，呢次係佢讀小一以來第一次請假~
之後媽媽先醒起，應該第一時間同佢去A&E，等醫生診斷佢咩事，下次真係要記住喇!
11月6日
今日西平同神召會都係堂慶的大日子，西平20周年紀念，神召會就58周年紀念，今日真係馬不停蹄，早上返神召會，中午去西平自助午餐，晚上再去神召會堂慶晚宴。
感謝神一直的帶領，好讓我們各人能在教會中好好成長，願頌讚歸予神!
10月29日，今日亞女第三次做花女，已經6歲半喇，睇怕今次都係最後一次做花女喇，我哋都好興奮!
