聖誕快樂! 雖然今日媽咪要返工，不過上晝Daddy、公公同媽咪都帶咗我去附近個公園玩，你哋睇吓我係咪好有型呢?
.....2006年12月25日星期一
24-12Merry Christmas!!
Wing Wing 唔知幾時開始鐘意咗We wish you Merry Christmas!呢隻歌，我響屋企同佢唱呢隻歌佢就會好開心，仲轉圈跳舞忝，哈!但一同佢唱其他歌(好似Jingle Bell咁!)佢就唔製，係要我同佢唱We wish u Merry Chritmas!哈!真俾佢笑死!
23-12-06食聖誕大餐
今日同咗亞女一齊去食聖誕大餐(哈!亞女生平第一次食的聖誕大餐!不過好彩，叫佢俾媽媽食，佢都肯!
)，佢真係好為食，見到Daddy,媽咪有得食就即刻爭住話要，自己果份就擺埋一邊，哈!大家睇吓佢個為食樣就知啦!
跟住我哋就去中環睇燈飾，嘩!好多人呀!所以我哋都只係 '係咁以'影張相行吓就走人喇!(費是冷親ma!)
2006年12月22日星期五
2006年12月20日星期三
2006年12月18日星期一
17-12 小組聚舊Wing Wing算乖
今早我地返午堂，約埋May May姨返，亞女都認得d亞May May姨，又識叫人，依家見佢都開始唔太拍生保喇，都係個好開始。夜晚我哋一班以前約瑟小組d弟兄姊妹嚟咗我屋企打邊爐，咁多人都居然容納得到，哈!真感恩! 亞女都算乖，唔太扭計，以前見到一、兩個陌生人都大喊呀! 希望佢愈來愈叻叻啦!唉!不個好可惜，唔記得影番張相留念!(竟然無人記得!)
2006年12月16日星期六
16-12 一定要記底
屋企部電腦怪怪地，連到線但又上唔到網，攪到我都好耐無得寫blog忝，不過呢排亞女d野我都盡量記住佢，等返工寫番d趣事ma!
早幾日同亞女睇書書，一路睇d圖我一路教佢學講，見到車車就同佢講車車，見到波波就同佢講波波...如此類推，哈!點知揭到一頁係砌圖，我諗諗吓，教佢講砌圖又好似好深咁，於是咪同佢講英文(即puzzle囉!)，諗住會易d記ma! 拍手囉! 
點知跟住就笑死我喇!哈! 皆因亞女聽完之後就響度
puzzle! 拍手!
亞女，你好可愛呀!!
2006年12月10日星期日
2006年12月9日星期六
5-12 亞女都要懷舊一番
今日經過一間舊式士多，見到好多以前得意嘅小食，就諗起不如買俾亞女玩吓啦，於是就買咗呢款既得意又有得食嘅朱古力豆喇，哈!亞女平時見媽媽戴眼鏡見得多喇，自己戴嘅時候，就最鍾意反轉副眼鏡嚟戴，我好辛苦先影到呢張相乍!
2006年12月2日星期六
2-12 今日去咗觀禮
今日帶埋亞女去咗銅鑼灣禮賢會參加一位姊妹嘅婚禮，好真誠、好感動、既簡單且隆重的一個婚禮，好彩亞女都好合作，無大叫大喊，都算無失禮主人家咯!亞女依家係咁學講野，早幾日先記低佢識講d咩，依家已經又唔同哂喇，真係無時無刻都係學緊好多野，所以話呢，BB嘅潛能係好犀利嘅，唔好睇少佢哋呀!
不過太耐無見咁多人喇，所以都係有d怕羞，同響屋企......就真係兩個樣喇!
2006年11月29日星期三
唔鍾意聽故仔、鍾意睇書...
呢個Wing Wing 豬真係夠哂特別，人哋d BB最鍾意挨住媽媽聽故仔，但係佢偏偏當我同佢講故仔嘅時候就幫我收埋本書，如果我繼續講佢就會喊，都唔知點解，但係佢又唔係唔鍾意睇書喎，佢成日走去搵書睇喎，尤其一d有好多不同物件嘅圖畫佢就最鍾意，仲好鍾意講野，成日指住d圖畫要我講俾佢知個名，然後佢就跟住讀，哈!真係唔駛驚佢唔識講野喇!(似Daddy ma!)
28-11今日公公湊我
今朝11點幾，亞姨姨突然個肚唔舒服，媽咪Daddy都返咗工，於是姨姨唯有打俾公公求救啦!好彩公公響屋企，於是就即刻趕嚟，咁亞姨姨先可以去睇醫生乍。哈!跟住成個下晝都係公公睇實我，不過我都好乖好生性，係咁瞓......瞓到四點先起身(哈!公公真係要多謝我loo!)
之後媽媽6點都趕返嚟(原本諗住同埋亞姨姨去契媽度架，但依家都要改期喇!)，而姨姨就一真瞓響度休息，希望佢怏d好番啦!
2006年11月27日星期一
Wing Wing 威水史
亞女依家識講好多野，學得好快，有d仲係無刻意教佢忝，係佢自己平時聽聽埋埋......等我統計吓先......
自己好主動講: 媽媽、姨姨、阿們(祈禱時講，但講得唔太清楚)、包包(即麵包)、魚、雞、鞋、紙紙、係、好、del(即掉垃圾嘅掉)、開(即open、呢句剛剛識)、wow wow(即狗)、bear bear、抱抱、車車、打、燈......
要人提示先講: 爹爹(即Daddy)、公公、婆婆、爺爺、嫲嫲、哥哥、姐姐、BB、唔ny(即Minnie)、襪、Pat Pat（屁股）、尿尿、船、樹樹、哈（想講花)、書書、片(即尿片)......
點止、仲有一大堆BB話......
2006年11月26日星期日
25-11去咗海洋公園
今日去咗海洋公園，公公、Daddy、媽咪同埋Wing Wing一齊去，好多人呀，坐纜車都排咗九個字呀，不過都ok啦，我哋響室外嘅時候都唔係落好大雨，帶Wing Wing去睇海洋劇場果陣佢就最開心，仲係咁拍手忝，見佢咁開心，真係辛苦d都抵嘅!
2006年11月24日星期五
24-11靚姨送咗件新衫俾我!
今日公公幫靚姨攞咗件新衫仔俾我，你哋睇吓係咪好靚，係Minnie嚟架，我好鐘意呀!多謝你呀靚姨!
22-11公公帶我去街街
平時媽媽要返工，姨姨(工人)唔可以成日帶我周圍走架，今日公公就嚟帶咗我公園玩，原本想玩滑梯嘅，不過有小小濕，所以唔係玩得好耐，不過今次都算係大突破咯，哈!皆因今次無其他人一齊去，只得我同公公以前我實大喊，今次我都無喊，你哋話我係咪有進步呢?
2006年11月19日星期日
19-11今日去玩沙呀!
知無!
訂閱：
文章 (Atom)