9月27日
早幾日睇到雜誌介紹一間食早餐嘅，賣點係用北海道牛乳，不論炒蛋或者湯底都係，所以會滑D好味D(哈哈，價錢亦貴D)，好似幾吸引，於是今日就同蝦子齊齊去食喇~
呢個通粉賣相無咩特別，不過個湯底真不錯，好味!
蛋係超滑，正!!
呢個三寸蛋三文治反而較一般，可能D蛋唔夠炒蛋滑，故遜色咗少少~
總括而言，真係無介紹錯，餐廳亦坐得舒服，有機會都會再去(尤其係掛住日本嘅時候)
2010年9月28日星期二
特別的公園
9月23日
呢日公眾假期，相約了兩表往圓方溜冰，DD一到步已經瞓咗，所以無溜，而表哥仔同Wing Wing都肯放膽去玩，表哥仔仲一D都唔驚，一步一步行得好快，見佢行真係好似行緊平地咁，犀利，不過大家都掛住玩，媽媽又要睇住佢哋，所以無影相....(有D可惜)
之後就去咗平台一個公園度玩，媽媽幾鍾意呢個公園，D設施較特別，大人小朋友都好有新鮮感~
呢個好似滑梯嘅玩意，表哥仔初初都唔識玩不過玩玩吓又OK喎，相反亞女就有D驚喇，都幾高難度架~
表哥仔最後都識將個人挨後SIR喇~成功!
DD就玩細D果區~
呢個平衡木幾特別，亞女好鍾意玩!
我哋玩咗好耐先走，走果陣班小朋友仲依依不捨，相信下次一定再嚟玩過!
2010年9月17日星期五
K3生活
亞女升咗k3之後，明顯獨立咗，有一日，佢班主任黃老師同媽媽講，天詠開學後在學校開心咗、食嘢又快咗(胃口都好咗)，亦懂得將學校有需要轉告家長的事轉述清楚，媽媽聽咗都好開心，見到亞女開心返學係媽媽最開心的事，而家Wing Wing清楚自己升班大個了，正是讓她學習有責任、獨立的好時機，不求她熱誠主動、樣樣親力親為，但求不要養成個公主病就好了。
在家﹕
1. 放學後自行安排回家後要做的事情和先後(不過份的媽媽亦由她安排)
2. 自行沖涼(頭髮太長，由媽媽協助洗頭)
3. 自行做功課、執書包
4. 自行練琴，練完後媽媽才坐在她旁聽她的成果
5. 較好鬧鐘，學習自行起床(不過隻豬仔無一次聽到鬧鐘響
)
6. 用大人筷子(亞女亦好開心終於懂運用，叻叻!
)
Wing Wing加油!
2010年9月12日星期日
恩典滿溢
今日返教會小組，有一位姊妹分享，她事奉神是因為感覺到神一直很多的祝福與恩典，多到不得不回應，曾幾何時，我也有這想法，神對我實在太好，雖然說不上事事順景，但也沒缺少，感覺自己擁有很多，實在很幸福，那時亦有弟兄提醒，知足了就不要滿足於此，更要為神作見證，要關心身邊的人及分享神的作為，小妹一直記在心，奈何自亞女出世以後，真有點力不從心的感覺，不能說是沒時間，而是心力不足，惰性充滿，自問很討厭這個我，對神很虧欠，對人亦如是，但聖經說兒女是神給我們的產業，是我們的福氣。他們絕不是我們的絆腳石，不要以此作藉口。
人生短短數十年，要眼望永恆，積極人生之餘亦要積極作神喜悅的事，我要盡心、盡性、盡意、盡力愛我的主，不想虛渡此生啊!
2010年9月6日星期一
訂閱：
文章 (Atom)