次次都係一個作病，另一個又嚟料，今次亦唔例外....
尋日中午學校打電話嚟，話亞女發燒，仲燒得幾犀利忝，好彩我有時間，即刻就去接佢，帶佢去睇醫生.....
食咗藥叫做好d，不過都係燒吓退吓，但見佢都算精神......
Daddy則返工幫手搬嘢嘅時候唔小心整到條腰，呢兩日都要敷藥.......
媽媽連放兩日假，而Daddy亦專特攞咗今日假，諗住一齊去吓街，點知事出突然，結果今日行程﹕
齊齊留在大本營休息
2008年4月28日星期一
作病.....
早前唔知點樣又扭親隻左手嘅舊患......今日見有時間就去咗睇跌打......
尋晚半夜唔知點解無端端喉嚨又乾又痛........今日即刻飲番杯康鈣C........
到咗中午又唔知點解連鼻敏感都嚟埋，成個下晏係咁打嘖嗤，又鼻水又頭痛..........
今晚仲要返夜.......結果臨返工之前都去睇一睇醫生先，好想食D藥頂頂先.......
返到工仍然由頭忙到尾，仲要有個舍友唔生性，係咁扭，哂咗我好多口水同佢傾計，個喉嚨就愈嚟愈痛、D藥就令我愈嚟愈攰.......好辛苦!
到而家(11:30pm)，仲有個舍友去咗急症未返，如果佢遲返我就真係無覺好瞓喇!
May God Bless!
2008年4月22日星期二
意外之...笑
收到靚姨記下兩表兄妹的小小笑話，真有點意外，謝謝您! (因為真係好好笑......)
Wing之笑話
話說婆婆在家湊wing wing，冇野做就唱下卡拉ok，婆婆鍾意唱許冠傑，咁就唱「沉默是金」。婆婆問問wing wing，唱「沉默是金」好唔好呀？wing wing好high 咁話，好野，好野，尋日食柑﹗
為食wing....
表哥仔之笑話
公公教表哥仔要有禮貌，
問佢﹕朝早起身要同人講咩呀？
表哥仔﹕講多謝...
公公﹕唔係，係要講早晨。
表哥仔﹕早晨...同靚姨講早晨呀﹗
公公﹕o岩喇，仲有呢？
表哥仔﹕仲有同wing wing講早晨、同婆婆講早晨﹗
公公﹕仲有呢？
表哥仔﹕仲有同大姨講早晨、同媽咪講早晨、good morning我阿爸爸、good morning我阿DD、good morning阿wing wing個媽咪、good morning阿wing wing個爸爸、good morning我爸爸個爸爸、good morning我媽媽個媽媽....
靚姨在廁所已忍不住大笑﹕阿公公，坤坤數完一大串都未輪到你，哈哈....
(你話佢係咪玩亞公公呢?....)
2008年4月21日星期一
2008年4月17日星期四
笑話
(一)
某日，姨媽帶咗Wing Wing去科學館，佢哋見到一d要想辦法扭開嘅玩意，Wing Wing就同姨媽講，我識玩呀!於是就好努力咁去扭，姨媽在旁等著，不久，姨媽問Wing Wing﹕扭到未呀? 誰知Wing Wing回答﹕啊!呢樣嘢壞咗呀! (自己開唔到就話壞咗，攪笑!)
(二)
今早，遲了起床，要食埋早餐才返學，媽媽問Wing Wing想去邊度食早餐，亞女其實心裡有數想去大快活(因公公婆婆常帶他去大快活，他有點愛上了)，佢真係答話要去大快活，媽媽見時間緊迫，諗住無謂去嘆早餐咯，想引導Wing Wing講其他選擇........點知呢個女話望吓媽咪件衫就話﹕媽咪，你件衫係橙色架麻，大快活都係橙色架，咁梗係去大快活先啱喎!
(咁嘅藉口係都諗到，你都得咯!
(三)
有一晚，媽媽肚子不太舒服，翌日仍有點肚脹脹的感覺，早上當媽媽替Wing Wing換校服的時候，Wing Wing問媽咪﹕
女﹕媽咪，你肚仔係咪仲唔舒服呀?
媽咪答﹕係呀，仲有少少架。Wing Wing你好乖喎，識關心媽咪喎。
女﹕哦，我唔係關心你，我問吓之麻.....
媽﹕.........
(激c我喇!氹吓我都唔得!)
2008年4月13日星期日
2008年4月10日星期四
笑話
笑話(一)
為免小朋友遇到唔見嘢嘅時候會大喊，平日媽媽會教亞女學習'睇開d'，例如佢好鍾意星期六買旗，但又好容易整唔見枝旗，於是媽媽幫佢貼好枝旗嘅時候都會同佢講定﹕如果一陣間唔小心跌咗枝旗係唔緊要架，唔需要喊架，知麻?亞女都開始明白呢個道理~
有一日Wing Wing扭計係都要攞媽媽條頸鏈，點知玩玩吓整唔見個十字架吊咀，媽媽邊鬧邊四周找尋，兼用極嚴厲嘅眼神望住佢，點知佢有樣學樣咁話﹕唔緊要啦!唔見咗都唔緊要啦!
你話係咪俾佢激c......
笑話(二)
有日媽媽同Wing Wing在床上玩，亞女好鍾意跳落我度，仲要數123跳，跳多幾次媽媽真係俾佢玩殘，於是媽媽順手響附近攞個枕頭墊住，諗住隔一隔無咁痛，點知俾亞女發覺，就唔多鍾意咁攞開咗，仲話﹕
女﹕唔好咁啦!
媽﹕但係媽咪好痛麻~
女﹕不如攞另一個啦!
(跟住亞女響後面攞咗個只得手掌咁大嘅公仔俾我......)
轉數咁快，呢個女真係.........
2008年4月4日星期五
4月4日-比賽篇
生日會之後，下晝我哋就去咗尖沙咀海運大廈果度參加兩項比賽，在此真要多謝姨媽介紹我哋報名，因為咁.....我哋先有呢次咁難忘嘅體驗！
小儀係今日嘅大會司儀！
第一項同亞女玩嘅就係＜BB執到寶大賽＞，按指示執出正確數量的物件，結果.....
俾我哋玩到個第一名，獎品仲係我哋估都無估過嘅$5000玩具反斗城現金劵，嘩！真係執到寶咯！
成$5000現金獎，真係買咩都得咯！
第二項同亞女參加咗嘅就係卡拉OK比賽
參賽歌曲﹕打開蚊帳
參賽小朋友當中，Wing Wing年紀最細，最後雖然只得安慰獎，但Daddy媽咪都覺得亞女表現幾好，起碼無怯場先啦，攞個經驗都好！
參加呢次比賽真好玩，有獎品之餘仲有得玩番夠本，真開心！
4月4日-生日會篇
4月4日 Wing Wing三歲喇!
Happy Birthday!大個喇，要聽聽話話呀!
今年第一次同亞女響麥記攪生日會，好幾位朋友仔聚埋一齊開心吓，真係兒童節嘅好節目!
亞女雖然開始返學，但識而又熟嘅同學仔真係無咩，反而感覺好close嘅blog友就friend D，所以今日被邀嘅都係一班blog友﹕麼麼、吞吞、博博、琳琳、迪迪同埋亞女至掛住嘅表哥仔同表弟DD～
Wing Wing KISS滿場飛！
迪迪係全場最細嘅BB，亞女梗要錫住BB，仲好主動咁同佢玩忝！
博博親手送上禮物一份，真多謝！
麥當當姐姐一共同小朋友玩咗３個遊戲，氣氛一般啦，小朋友仲細，且今日人唔多，較難投入玩遊戲，不過旨在大家一齊玩吓開心吓麻！
Wing Wing與契媽合照
Happy Birthday!
嚟張大合照，好多謝各位嘅出席，令Wing Wing都玩到樂而忘返！
媽媽認為小朋友生日一定要多謝父母，唔可以只掛住慶祝小朋友生日，尤其是偉大的媽媽，相信每位媽媽都為自己兒女付出唔少，真要向一班媽媽致敬！
實在收到太多禮物喇，唯有先返屋企一轉放低先，趁今日大日子，同亞女影番張相留念～
多謝哂各位，亞女真係好開心，開心嘅唔單止係呢ｄ禮物，而係一個難忘嘅回憶、熱鬧嘅生日會同埋咁多位送上嘅祝福同香吻，多謝哂！
訂閱：
文章 (Atom)