22-4-2011
今日幾間教會一齊在民生書院有聯合崇拜，崇拜後我們到了附近一公園，亞女一見公園就超興奮，小朋友始終鍾意玩，放吓電~
專家教落，同小朋友去公園，唔好淨係坐埋一邊，作看守角色，要投入同佢哋玩埋一份，今日媽媽刻意比平日更投入同亞女玩，Wing Wing真係好開心，仲唔捨得走，親子時間真係要好好珍惜，大人的一舉一動小朋友都十分在意的。
太古城商場近日有一lego展，作品很仔細，好靚~
4月6日
經Wing Wing要求下，替她剪了個新髮型，不過所謂新髮型，都只係剪短幾寸而已，哈哈，都能令Wing Wing興奮莫名了。
4月5日
計一計亞女而家都有好幾樣課外活動﹕
1. 學琴 (逢周五，不經不覺已經學咗一年半）
2. 學畫 (逢周二，亞女年初希望學的，媽媽順吓佢意）
3. 普通話 (學埋４月就要暫停，因夾不到老師時間，亞 女有點失望）
4. 英文拼音 (４月尾開始第一堂，亞女都好期待）
對於要返全日的幼稚園學生來說，真的太過充實，但觀察亞女，又不曾聽她說攰、說辛苦，更常說想學什麼、什麼，小朋友真是精力無限，反而對要輪班的媽媽來說，很是頻撲。
一直堅持星期六早上讓亞女自然醒，不學任何課外活動，星期日返教會，家庭日，希望亞女升上了小學仍可繼續、仍可堅持。
4月
3月尾亞女隻門牙(左邊)已經開始鬆喇，(其實右邊果隻都有少少鬆)，但一直到而家都未甩，之前媽媽同Wing Wing講，最好過埋生日先甩啦，影相好睇ｄ麻，而家真係過咗生日喇，希望再鬆少少就自然甩啦，哈哈，有d驚佢瞓醒唔見咗隻牙仔忝~(為食Wing咩都做得出～）
4月4日 天詠6歲喇!
今年我哋選擇於3號晚在家中切蛋糕慶祝，一家人開心聚首一堂。
Wing Wing算是一個懂事的小朋友，肯聽道理、肯聽父母話，只是有時候太多主意，有自己一套的想法，媽媽要學習好好配合，因才施教先得~
Wing Wing表示6歲要學習更獨立，她說下好些事情要自己做，不再假手於人，希望她做得到......亦希望媽媽忍到手，不作協助，哈哈!
有表哥攬攬，甜哂!
多謝公公婆婆、姨媽姨丈、靚姨到來，齊齊歡聚了一晚，真開心!
見到Wing Wing愈嚟愈大，真感慨時間飛逝，要盡力活好每一天，珍惜所有!
3月31日至4月1日
呢兩日我哋同公公、婆婆、靚姨一齊返拱北拜山，31日晚去澳門，瞓一晚，第二朝一早就起程
亞女要求紮笨辮瞓，所以一早起身，就得了一頭曲髮，佢都不知幾開心!
同龜龜影張相先~
公公係一等一孝順仔，年年都嚟拜亞爺，讚!
行到攰我哋就坐吓食吓嘢，亞女叫咗杯草莓沙冰，正!
澳門有個熊貓館，裡面有開開同心心兩隻熊貓，我哋就去八吓喇~
呢期亞女學校專題講緊動物，所以亞女都好留意，好開心咁同佢哋影相~
）
