鋼架

3月30日

Daddy、媽媽同Wing Wing今日返完教會之後就去咗賀Daddy一個朋友舖頭開張之喜，而Wing Wing趁d大人唔覺唔覺就係咁食呀食，為食本色盡顯無遺~(哈!不過無影相)

之後我哋經過一個公園仔，媽媽離遠已經見到個鋼架好大、好特別，媽媽咁耐都未過(真係少見識喇!)於是即刻走去睇睇~

亞女好想玩，但又驚又怯，係都要Daddy陪佢玩，結果都係爬嚟爬去都係響低位，未識爬高~

小Wing Wing企響Daddy隔離顯得仲細小~

亞女以為呢條橋會郁，初初唔敢行，後來媽媽話佢知係唔郁嘅先敢慢慢行~

跟住就去咗鑽石山廣場冒險樂園玩咗陣，再行咗一陣街街，亞女又不敵睡魔lu~

 

姨媽出馬~

3月28日     今日媽媽同Daddy都要返工，所以亞女就交由姨媽睇住，原來大頭蝦嘅唔止媽媽一個，咁啱姨媽尋日又係去咗科學館，哈!真攪笑，結果佢決定今日再去過，咁亞女又可以再去見識見識喇!

未去之前一齊去咗playroom 玩咗陣~

表哥仔突然熱情到攬住表妹，咁啱又俾我影到~

*****************************************

至於去科學館，姨媽話無帶相機，所以無影相，哈!唔緊要啦，亞女玩得開心咪得囉~

聽番姨媽講，亞女對好多事物都好有興趣、好好奇，樣樣都試、樣樣都玩，呢d就係我想見到嘅情況喇，希望亞女咁強嘅求知慾可以幫到佢日後嘅成長啦!

撲空

3月27日

今日約好麼麼同琳琳一齊去科學館，諗住趁有時間去行吓、參觀吓，聽聞有d地方都幾啱小朋友玩嘅......

途經個公園仔，d小朋友已經好興奮咁玩<執樹葉>

一向唔多鍾意影相嘅琳琳仲肯走嚟搶鏡忝，認真俾面~

點知大頭蝦的幾位媽媽都無出發前做足準備，去到先知道......今天休館，唯有轉移陣地去隔離歷史博物館啦~

講真，所睇嘅嘢都有d悶，對小朋友就更加唔在講，可能大少少會適合佢哋多d，所以我哋食完lunch都離開喇~

*****************************************

再出發去公園玩，始終呢度最受小朋友歡迎!

叫佢哋企埋一齊影相都幾難，佢哋鍾意各有各...閃

好難先影到呢張!

亞女擠出來的酒渦......好可愛!

公園裡面呢個玩意媽媽都係第一次見，而Wing Wing就用佢自己嘅方法去玩喇!

最後，琳琳媽話，要坐定定影合照......無難度﹕一人一盒維他奶即成。

*****************************************

亞女玩咗成日都好攰，結果返到屋企同媽媽一齊大覺瞓，之後食完晚飯，姨媽話同表哥仔上嚟我哋屋企，於是又再玩過~

Wing Wing一見到表哥仔真係唔洗熱身，一拍即玩到顛，媽媽就咁睇都出哂汗.....

表哥仔，你真係魅力沒法擋!

唱K

額外嘅假期剩番唔係幾多日，所以媽媽見今日有時間，又帶亞女去街街喇!

不過都無諗過去邊度，而Daddy又收早，所以都係等埋Daddy先，而之前就去咗麼麼度一轉(還番d嘢)~

兩位小朋友不斷咁攞書睇，揭吓揭吓，好可愛!

****************************************

之後約咗Daddy去灣仔食lunch，咁啱附近又有間加洲紅，於是媽咪同Daddy心有靈犀一齊諗起不如帶亞女去唱K，Wing Wing咁大個都係第一次去唱K，佢揸住支咪已經好興奮喇，唱唔唱都無所謂咯~

有嘢食有歌唱，咁又玩咗一個下晝，真抵玩!

去荔枝角公園

今日媽咪帶咗亞女去荔枝角公園，一直聽聞係好大嘅，但都無帶過亞女去，於是見今日有時間，就準備好、出發!

古靈精怪!

天氣好熱，好彩媽媽帶備多一件短T，玩到熱都有衫換!

亞女仲未夠膽自己行呢d柱仔，要等媽媽扶!

佢最鍾意扮揸車車~

跟住再行埋嶺南之風，內裡風景好靚，我哋都影咗好多相~