30-1-07 亞女有d鼻水喇!

感謝主! Wing Wing豬響呢個冬天都算無咩病咯，係啱啱近日天氣時冷時熱，所以就開始有d鼻水，我都唔敢等喇，尋日嗱嗱林帶佢去睇醫生，今次無睇平時睇開果個，轉睇咗另一個，開咗3日藥，希望食咗快d好啦!

28-1-07 探姨媽

今日去咗深圳探姨媽、姨丈、表哥仔同亞DD，雖然係即日來回，時間唔多，但係都好開心，梗係啦，真係掛住佢哋ma!

你哋睇吓，我同表哥仔玩得幾開心!

好攪笑，兩表兄妹圍住d花走嚟走去，想叫佢哋企埋一齊俾我影吓相，仲愈叫愈分開走，直頭響度玩捉咁，兩個好似玩我咁囉!

媽媽叫我攬住DD，我真係無鬆懈架，攬得好實架!

26-1-07 尋鄉記

今日搵咗公公、婆婆食飯，之後佢哋就上深圳，皆因姨媽同表哥、表弟聽日就會落嚟定居深圳喇!好開心呀，我哋就會星期日上去玩一日，遲d搵表哥仔、表弟仔玩就方便d喇!

食完飯之後，媽媽同Wing Wing行咗一陣，我哋去咗上環懷舊feel d嘅地方影靚相，各位係咪好熟口面呢?梗係啦，拍戲都成日拍啦!

你睇我企得幾有型!

雖然個叮噹袋同個懷舊feel好似格格不入咁，但係係婆婆車俾我架，所以我點都要攞住!

 

24-1-07Mickey好幫手

依家亞女好鍾意問嘢，呢d咩呀、咩呀咁，有時見佢都明明眼瞓嘅，但就係都要八八卦卦咁繼續問，抱佢諗住噯噯佢瞓都唔係次次得，不過好彩我都搵到個好方法，就係搵亞Mickey幫手喇，哈!叫亞女噯噯Mickey瞓覺覺豬，佢就會拍吓Mickey 個pat pat，咁樣一齊瞓就好快瞓著喇!Yeah!

 

23-1-07

心情如何?

今晚帶咗亞女返婆婆度食飯，婆婆話間屋成日都無咩人氣，所以今晚當大家食完飯興起咁響度唱歌跳舞嘅時候，就覺得唔同哂，好開心，見婆婆同公公好主動咁同Wing Wing玩，真係好開心! 亞女仲笑到架架聲，玩到傻咗咁，好可愛! 最攪笑係叫佢同媽媽一齊唱 '你是王'果陣，佢係都唔唱，係要我同佢唱佢隻飲歌(We wish..)，當我堅持要唱 '你是王' 嘅時候，哈!佢竟然揮手講Bye Bye，哈!得戚得佢吖! 笑到亞靚姨攬住個肚!

21-1-07

心情如何?

Enjoy everything in Lord

食完飯帶咗亞女去玩波波!好開心!

我踢!

就算係夜晚我都唔驚，照揸我嘅戰車!Yeah!

 

唔等你喇，Bye!

 

Post好似的兩張相

呢張係亞女兩個月果陣影嘅！

豬咀側面相

呢張就剛剛影的

哈！一樣係豬咀側面相！

感覺好得意！

20-1-07 Qute Wing Wing

各位，睇吓呢個Wing Wing豬食提子個樣幾得意！

為食豬！......一隻好可愛嘅為食豬！

今日同亞女返教會，完咗之後我哋搭巴士返屋企，佢好鍾意睇街（哈！相信個個小朋友都鍾意咯！），又鍾意響度指東指西，問我　’呢ｄ咩呀？’哈！佢ｄ音又發得幾準喎！係講嘢方面，佢真係學得好快，犀利！

19-1-07

心情如何?? 好一點??好一點。

今早同亞女紮辮仔，佢都肯，我仲教佢去照鏡，讚佢靚靚忝，佢都不知幾開心，不過想同佢影張靚d嘅相都好難，哈!點解，因為佢鍾意咗做揸機果個囉，係咁走嚟掙住要揸機，又點同佢影呢??好唔容易先影到呢幾張相乍!(無計啦!媽媽想同佢影嚟留念ma!!)

沖咗涼，換番件靚衫先!

再紮靚辮辮影過!

今朝同亞女睇動物書書，佢都認得好多動物喇，不過最攪笑始終係一見到大笨象就會話 '鼻鼻長呀!'。哈!仲會用手將自己個鼻拉出去忝!

心情如何?