去大棠玩

5月24日

參加了blog友仔麼爸公司攪的旅行，今次係去大棠，今日雖然有雨，但我哋主要都係喺室內玩，所以影響不算太大。

一嚟到，未開始玩集體遊戲，Wing Wing就同麼麼玩吓氣墊球先喇~

跟住一連玩咗好多個競技遊戲，真係玩到出哂汗~

玩完個個都成身濕哂，真係勁過做運動架!

最終我哋果隊得第三，每人有$50超市禮券，真不錯!食完飯之後就係自由時間，我哋選擇咗可以坐吓、抖吓嘅卡拉OK!

我哋齊齊玩、齊齊唱，兒歌、懷舊歌、流行歌咩都唱吓，而呢兩位小朋友亦都好認真唱，之不過輪到大人唱嘅時候佢哋就見無嘢好做，又走嚟走去喇，最鍾意就係攞住支咪講嘢!

麼媽成日話佢哋兩個有D似樣，就咁睇呢張相又真係有少少似嘅~

麼爸麼媽甜甜唱K相! (哈!俾我公開咗忝~)

落雨落咗一個早上，下午先影到一幅室外相~

空內影

新手攝影

日期﹕５月２０日

時間﹕下午約４時

地點﹕西環兒童遊戲室

 

朗誦比賽

5月20日

今日Wing Wing參加咗佢人生第一次嘅朗誦比賽，亦係第二屆全港學生嘅公開比賽，今次亞女參加朗讀古詩<靜夜詩>，不過可惜比賽過程唔可以攝影同攝錄，唔可以將亞女珍貴嘅第一次錄起......

Wing Wing都好叻叻，無怯場，亦可以好大聲咁誦讀完成首詩，都唔錯架，媽媽同Daddy都覺得Wing Wing好勇敢(因為當日都有好多小朋友一上台就驚到唔肯念....有幾個仲連台都唔肯上...)最後縱然只得優良獎狀及獎牌一面，不過都我哋都玩得好開心，亞女又多咗D上台經驗，唔洗成日咁怕羞~已經達到目的喇!

Wing Wing叻叻，Daddy媽咪為你自豪!

 

 

叔叔結婚喇!

5月17日

今日係叔叔同Cathy姐姐(哈，應該叫嬸嬸喇)嘅大日子，為咗爺爺可以早D飲杯新抱茶，佢哋刻意提前D結婚，真孝順!在此祝兩位好好相愛、百頭到老!

而我Wing Wing亦可趁機著得靚靚影吓相!

主角出場喇!

見兩位咁開心，真替你們高興!

今日爺爺都精神，不過坐得耐仍有點辛苦~

最攪笑係亞女由屋企出門時，樓下管理員問佢著咁靚去邊，

佢就答人哋﹕我要去結婚呀!!

中環碼頭留倩影~