笑C我!!!

上星期因學校有個同學仔(K2B，同亞女同班的)患上EV71腸病毒，故要在家休息沒返學了，前天媽媽跟Wing Wing言談間，問到那位同學仔返學未....

媽﹕Wing Wing，XX佢好番未呀，佢有無返學呀?

女﹕無呀，老師話佢要一個禮拜先可以返學架!

媽﹕哦...

女﹕老師話XX唔舒服，有TVB腸病毒呀?

媽﹕(大笑)TVB腸病毒，哈哈!唔係TVB呀，係EV71病毒呀!

笑C我!

邏輯題

一日，Daddy同我哋乘車途中，無聊但又有智慧地同Wing Wing玩起問問題遊戲(哈哈!佢主要係唔想俾Wing Wing煩住佢問這問那，所以先發制人~)

Daddy突發其想，想考考亞女思考邏輯，所以問一D媽媽平日好少問亞女嘅問題....

例﹕

1.  以下無咗邊個數字?   1,  2,  4,  5,  6

2.  以下邊樣係唔同類別呢?  電車,  巴士,  的士,  船,  小巴

3.  以下邊樣係唔同類別呢?  Daddy, 媽咪, 公公, Wing   Wing

等等......

如此我哋玩咗好耐，Wing Wing亦好鍾意玩，透過呢個遊戲先驚覺原來亞女分析力都幾強，我哋亦可按深淺自由發問，想佢合作更容易，佢每合作我哋就獎勵佢有得玩問問題，不用花錢、不用教具、不太費時，真是4-6歲的好玩意啊!

Daddy,你真有智慧!

睇花展

3月20日

今日見亞女隻腳已經無哂事，仲見佢可以成日跳吓跳吓咁，於是就帶咗佢去睇花展喇!

今日好多人，不過星期六多數都係咁，如果唔係要就亞女唔洗返學，真係寧願平日先嚟影相~

之後迪迪都嚟咗，亞女一見佢哋都好開心，因為佢真係好鍾意同迪迪玩，仲留咗個氣球俾佢忝~

哈哈，媽媽果張人比花嬌係Wing Wing影架，實在太靚喇!

兩個人飲一支維他奶，原來係咁靚嘅一幅圖畫!

俾人踩~

3月19日

尋晚媽媽由嫲嫲家接回亞女之時，聽到亞女伸訴腳痛，亦見佢行得較慢，問之，佢話俾同學仔踩到，係喺跳舞堂嘅時候整親嘅，問佢有無話俾老師知，佢就話啱啱老師行開咗，亦無同教跳舞嘅導師講，於是媽媽返到屋企就同佢睇吓，見佢隻腳都無咩特別，不過亦有嗌痛，於是媽媽就繼續觀察，等瞓咗一晚睇吓點先~

到咗今朝，佢隻腳就紅咗出嚟喇，仲有d踵，無計，同佢請咗日假去睇跌打。

敷咗5個鐘頭藥，到咗夜晚，亞女已經無話痛喇，都幾見效!

整壽司+生日會

3月14日

今日教會兒童崇拜其中一個環節係教小朋友做壽司，亞女都好投入~

跟住就去咗個同學仔嘅生日會~

呢個就係壽星女Sherise喇~

一班小朋友好開心咁玩咗個半鐘，生日會真是小朋友聚會的開心時刻!

 

紀念

3月12日

今天開始，蝦子終於主動同我做人，生女大計開始，媽媽好開心，希望快d有好消息!!

打波

尋日放假，約咗個舊同學食lunch，傾吓計，下晏就同蝦子去咗打乒乓波，好耐無打過喇，好開心，真係好想過d咁寫意嘅生活。

而家正努力當中，希望在不久的將來可以實現!

Daddy第一次帶敬拜

3月7日

今日Daddy第一次在小組帶敬拜，以前在西平已經帶過好多次，不過在呢間教會就未試過，感謝神，過程順利，可惜......媽媽要返工，唔可以見證Daddy這個第一次....

不過聽蝦子講，原來帶敬拜都唔係由自己揀歌嘅，呢樣真係幾R頭，亦無諗過原來係咁，因以前一直都係領詩嘅弟兄姊妹自己揀詩歌嘅，按其感動去選擇的，如果由別人揀好歌再由自己領詩，感覺總是怪怪的......

Anyway，每處都有不同風格，不打緊的，有神在當中才是最重要麻~

童畫作品

Wing Wing參加咗童畫嘅畫班6堂喇，呢期主題係虎年，不論圖畫還是手工，都跟虎有關，相信亞女都學到不少知識

第一件作品(1、2堂)

第3、4堂的圖畫作品

第5、6堂作品 ~ 老虎跳火圈

設計幾特別，真係有個夾仔在紙咭下面可以彈起隻老虎仔跳火圈架，犀利!

小蜜蜂宣誓

2月26日

Wing Wing參加嘅小蜜蜂今日舉行宣誓儀式，Daddy媽咪都到場支持

透過小蜜蜂，希望亞女真能學懂待人接物的禮儀和技巧，真的做到愛家人、愛朋友~

陳校長

黎老師

班主任黃老師