早前見到本生活雜誌招攬小朋友model，於是寄咗亞女張相去，尋日個編輯覆返我話想搵亞女做小model，哈!Wing Wing可以一嘗做model體驗喇!
主題係泳衣照，仲會安排著三點式忝，哈!唔知個編輯係咪睇中Wing Wing有個可愛的小肚腩呢(寄去的相片正是一張泳衣照)，哈，如果到時影得靚嘅就post俾大家睇吓啦~
今日出街經過附近見到d板畫畫得好靚，Wing Wing記得上次行街見過有幾個哥哥響度畫，於是好開心咁話俾媽媽聽﹕係咪畫好喇!
Post多多，希望去影相果日都咁<放>啦!
2008年5月29日星期四
欣賞
尋日好攰，蝦子晏晝放工返嚟又係好攰，於是齊齊大覺瞓，瞓完先去湊亞女放學，之後就帶Wing Wing暫託響公公處喇，真係辛苦公公喇，因為今晚我哋要好夜先返.......
去邊?
咪就係去聽我哋期待已久嘅林海峰求其大合唱Part II囉~
我哋上次無聽Part I，所以唔知佢有幾多係重覆咗，不過好feel到佢好用心咁籌備，d歌詞改得絕、唱得好，果首<酷愛>改得正唱得又正，talk show更不在話下，個追思會攪笑得嚟都有少少感動架，總之，一個字﹕正!
不過就真係無諗過佢Encore時段會同亞葛玩夾band囉，仲要係唱d奇奇怪怪又唔多似歌嘅歌，仲著埋d古古怪怪嘅衫，哈!呢part我真係唔識欣嘗喇!
總括而言，整個Show都好好睇，抵咁多人撐佢嘅~
林狗，加油呀!
2008年5月27日星期二
放假
今日、聽日都放假，故心情亦較輕鬆，中午約咗亞蝦子餅食飯，去咗一間個名好攪笑嘅餐廳，可能好多人已經去過，但少見識嘅我真係第一次去﹕叫做<第尾牛排>，我心諗邊有人叫自己間餐廳做第尾架，就即管試吓，我哋今次雖然唔係食牛，但其他款式嘅食物亦一樣有水準(起碼唔係第尾先啦)，下次再去就真係要試吓d牛肉喇，睇吓好無食麻~
之後我哋行咗一陣街，見到一個Thomas水壺好特別，咁見亞女果個有d漏水，於是就買個新嘅俾佢喇!
特別在於睇落好似好大個，但原來下格係用來擺小食嘅，真係啱哂為食嘅Wing Wing喇!仲有埋揹繩，好方便~
行咗一陣蝦子又要返工喇，今晚仲要返Night，不過好開心聽日仲有Part 2嘅二人行特備節目，好期待，多謝哂蝦子嘅安排同預備，好期待
、好期待~
2008年5月22日星期四
三人行
5月21日
一早打算今天趁閒日假去海洋公園，但昨天仍是不停落雨，心向神禱告如早上一起來沒下雨便照舊行程，否則就再另作安排.....
感謝主，垂聽了祈禱，一起床，果真止住雨水，我們吃過早餐便出發了~
遊人不算多，天氣不算熱，好Relax咁慢慢行、慢慢玩!
安安食嘢食得好滋味!
呢兩隻就係盈盈同樂樂喇!
亞女竟然見安安有嘢食佢就........又........食......
之後Daddy見有呢款Ocean Park獨有嘅靚靚波波，就抽咗兩個喇!
唔少得嘅梗係去兒童王國玩啦~
Daddy陪坐嘅小型摩天輪
上兩次嚟，亞女一坐纜車就瞓咗覺，今次終於無瞓著喇，影番張相先!
叫佢影相又係古靈精怪咁~
3:30pm睇埋海洋劇場表演就走人喇，去到門口見輕氣球開番有得玩，於是就坐埋先走，哈!亞女啱啱夠高玩!
***********************************************
小插曲﹕亞女睇海洋劇場果陣，一路睇都好開心嘅，但一睇到條海豚提高一邊鰭扮大白鯊，響度游來游去，個表演員仲扮埋跌落水浸親嘅時候，就大喊咗出嚟，話好驚，媽咪一邊安慰、解釋，一邊問佢係咪擔心個哥哥唔識游水，佢係咁點頭，仲話好驚條大白鯊.......媽咪唯有呵番佢(因為佢真係一副好擔心好驚嘅樣
!)呢個Wing Wing真係睇得入哂戲~
2008年5月21日星期三
痛苦背後的......意義
昨晚Wing Wing在家先後發生兩次小意外，
第一次自己捉著房門框，媽媽背著她，沒為意地關門，幸好力度不算大，只夾到中指和無名指，但已教她哭成哭人......
第二次吃完飯，媽媽仍坐在飯廳，她自己在地墊玩，卻愛上由梳化跳落地墊這玩意，媽媽曾多次提醒不要這樣、亦告知吃飽不宜跳來跳去......但她卻仍舊自得其樂，還大聲對媽媽說﹕我跳到都唔會喊架，我三歲麻! 最後自己跳落地時額頭踫到自己的玩具(煮飯仔的膠杯)，又即時大哭起來.......
這兩次意外正好給媽媽一個好好教導她的機會，沒痛過不知危險、沒經歷不會成長、所以相信大部份家長都會明白這一點，都不會過份呵護子女.......
說到這兒，大家會否明白多一點創天造地的主宰為何容讓災難發生，很多人看到苦難便不其然問一句﹕為什麼? 但原來苦難卻是要帶來更多的祝福........
嘉利大廈大火之後，政府有關部門更加緊檢查其他舊式樓宇，做好預防措施，避免再重蹈覆徹，市民亦提高警覺，對防火設施不敢胡亂破壞......
SARS事件，大家方知痛苦不再是其他國家，香港不是無病無痛，當時各人都對傳染病提高警覺，對身邊人更加珍而重之，醫護人員體會至深，沈祖堯醫生更重新明白關懷病人的重要.......至今日，仍然有著種種影響.....
海嘯以後，有關國家亦提高警覺，市民亦不敢掉以輕心......
今日的四川地震，一段段痛心的片段一一看在眼裏，彷似是很殘忍的經歷，但看遠一點，仍會有它的意義，生命不會白白犧牲的........起碼.......日後重建的樓宇會用上好的鋼筋、上好的選材.........小孩子會更珍惜生命、會更珍惜讀書的機會......我們會更愛惜身邊人、亦可藉此事教導孩子要學習珍惜眼前的一切、不要浪費食物等等......等等.....
昨晚為災難祈禱的時候，想到神的心意，開始明白多一點，我們不認識災難者也會如此難過，神愛世人，豈不比我們更傷心麼，但只要帶來更大的祝福，更大的經歷，這事便會變得有意義.....
意義二字就在我禱告時體會，Wing Wing的受傷有其意義，四川地震亦有其意義，神總愛將苦難化成祝福，不願人沉於憂傷之中，此刻誰能一一明白他的心意呢!
有人說幸福不是看你擁有幾多，而是你用甚麼心態去看.......不要看重你沒有的，要看重和珍惜你所有的。
災民看似一無所有，但他們有的比你我都要多.......
2008年5月16日星期五
2008年5月13日星期二
愛父母
昨天在中心翻開一本雜誌名為<奇異恩典>，少見識的我竟未曾聽聞這本好雜誌，一邊看一邊讚嘆現今世代還有這優質出版社為我們出版這好書。
書中一文章深深打動我，就與各人分享﹕
孝順爸媽
孝順二字，我們一早在唸幼稚園時就學了，當時心內承諾一定會孝順爸媽，做個好孩子。二十多年後今天，你仍堅守這諾言嗎?別以為給了家用，再給點茶錢就是孝順的意義，還過份地貶低了父母的期望和價值!
相信大部份人在每天傍晚六、七時都會接到這類電話﹕「今晚回來吃飯嗎?」、「要留飯菜給你嗎?」、「回來記得喝湯啊!」爸媽總是耐性地問著，但很多人都會這樣回答﹕「不吃了!我很忙，就這樣吧!」、「隨你吧!」、「知道了!沒事就這樣吧!」二話不說地掛線，還要加句「真煩!」
全日制的中學生活，加上一連串的課外活動，沒有七、八時總不會回家，有時甚至不回家吃飯，令飯桌永留一個空位。原來坐這座位的那個不知道爸媽的心意，出來工作後，更把回家吃飯變作例行公事。
每個電話和口迅訊其實都帶著爸媽的期待，他們等著孩子回來吃晚飯，一家團聚。電話筒的背後，總聽得出他們冀盼的語氣，好像希望孩子的回答是﹕「哦，好啊，今晚我會回來吃飯。」當關心問候換來的是愛理不理的回應時，他們心裡肯定不是味兒。
難道真的不可平心靜氣地回答?這種「麻煩」的感覺從何而來?我們好像忘記孝順父母是兒女應有的責任。
回到家，一天的疲勞終可放下，巴不得立刻衝回房間上網或煲電話粥。對的，這些都是很好的紓緩方法，聊天可以減壓，對象除了朋友，其實也可以找爸媽呢。
每天親近他們一小時，依著他們看電視，給他們送上水果，談談電視內容或問問他們今天發生了甚麼趣事…….只要你報以一個微笑、一個擁抱，他們就心滿意足了。我們未必每天都有時間回家吃飯，那就主動撥個電話回家吧,煮的是他們，為什麼還要他們為我們吃飯不吃飯而操心?
「媽/爸，我今晚有點事，不回來吃飯了，給我留點湯，好嗎?」父母很明白孩子在外工作的辛勞，但同樣需要子女的關心。簡單交代一句，不用一分鐘就說完了，請他們留點湯或菜，已是不經意地告訴他們，你真的很想回家吃這用心烹調的頓飯，只是時間不許可罷了。
年紀大了，記性差了，人不期然長氣一點。爸媽有時底會忘記自己說過的話，譬如一早問過你某些問題，答應過幫你買點甚麼等，少不免會多問幾次，說同樣話，你可能不耐煩回應，或者這樣﹕「你不是問了嗎?又問?」「我說過很多遍了，為什麼你總是不記得?」
來吧，加點耐性好嗎?當我們老了也會這樣。很多爸媽喜歡緬懷過去，說完又說，而且永遠用同樣的字眼，每當一開口就「想當年」，嘗試耐心聆聽，適當時加一點回應，他們會非常樂意回答。爸媽很喜歡這種互動，好像你和別人聊天一樣，不是同樣希望對方回應嗎?沒有回應的溝通，那段關係只會停滯不前。
算算手指，一星期可見到爸媽的機會不多，抓緊機會和他們一起上茶樓，一起茗茶，叫他們最愛吃的點心，就用小時候他們照顧我們的方式來回饋他們吧。不要等待，那些「遲一點」、「很累，沒時間」的藉口都不是推搪的理由，多珍惜和他們相處的機會，因為他們真的老了。
聖經中提到﹕「要孝敬父母，使你得福，在世長壽，這是第一條帶應許的誡命。」<以弗所書6:2>
人大了，結了婚，有了自己的家庭，真的較少時間、心思放在父母上，願這文章分享能幫助我們好好珍惜現在，好好重新學習如何孝順。
特別獻給還是未婚的您，要珍惜與父母同住的時光啊!
2008年5月11日星期日
2008年5月9日星期五
Mammy I Love U!
今日湊亞女放學嘅時候，老師俾咗份禮物Wing Wing即場送俾媽咪，仲提亞女要同媽咪講d嘢......跟住Wing Wing就甜絲絲咁望住媽咪話﹕
媽咪，I Love You!母親節快樂!
哈!多謝你，乖女，你今年講得比去年清楚好多，相信你亦會比去年更明白呢句說話嘅意思.......你要記住，要學習真真正正去愛身邊的人，讓人快樂啊!
祝願天下母親健健康康、愛己愛人!God Bless You All!
2008年5月4日星期日
玩沙沙
尋日突然心血來潮，諗住今日放假，就好想帶亞女去沙灘玩吓沙(佢恨咗好耐喇!)，不過天文台又好似話會落雨，所以都未決定到.........最後決定如果好天就去.......
今日...Yeah!....感謝神，個天真係靚到不得了......於是就照原定計劃，返完教會就去玩沙沙!
可能同咗亞女講話下晏會帶佢去沙灘，所以佢都好開心，仲係第一次好主動咁叫媽咪唔洗陪佢返兒童崇拜，(之前次次都要陪佢唱埋詩歌先走得，今日一開始就唔洗陪喇!)玩嘅魔力真犀利!
之後媽咪問番d導師，個個都話佢無扭計，好投入，希望亞女可以慢慢適應，愈返愈好啦!
之後大約一點幾我哋就出發喇~
目的地﹕淺水灣(原本諗住去赤柱，不過車程又好似遠d、灣又多d，所以無去)
一開始亞女就自動波咁玩沙沙喇，真係唔洗人教，仲好主動咁去攞水水忝!
媽咪作品，影得唔錯卦!
著小背心，梗要擺吓post影相啦!
天色咁靚，Daddy就幫我哋同個天影咗呢張合照喇!靚!
訂閱：
文章 (Atom)