今早放工，唔算太攰，於是又諗吓今日同Wing Wing去邊度......點知亞女一直瞓......一直瞓......瞓到11點先起身......真犀利，唉，咁8月點返學呢！買完禮物，就帶亞女去反斗城行吓、睇吓嘢......影咗ｄ相，你睇......Wing Wing幾攪笑！
之後大約12點幾，諗住出去食飯，又係咁落雨，攪到又出唔成
，唯有響屋企煮麵食，後嚟一點幾有番ｄ太陽，咁我哋先出動！想去銅鑼灣，因媽媽要買份禮物俾人！
亞女一見到單車就係咁話要玩，玩完一架又一架，好彩無俾人鬧！
＊＊＊＊＊＊
之後回程果陣仲要去買餸，因諗住今晚煮飯，所以今日勁攰.......
食完飯仲要洗碗，隻腳好攰，心諗好想老公今晚同我按摩一吓，點知......
佢同亞女玩咗陣，攰到自己都瞓著咗，之後亞女又眼瞓，又瞓埋......
我已經好攰架啦，點知呢兩個我的至愛仲攰過我，結果又係我最遲先瞓.....
好彩，媽媽聽日仲有一天假，無咗要返工嘅壓力！
今朝早同Daddy、媽咪食完早餐之後，諗住去playroom玩吓，點知體育館同遊戲室咁啱清潔保養，要三點先開番媽咪先同佢起稿畫咗朵花花，等佢自己上色（不過開頭媽媽都有揸住佢隻手畫吓），可能小朋友都係鍾意呢ｄ玩意，Wing Wing好快就自己畫，仲好投入忝！，無計啦，唯有帶亞女去圖書館逛逛借幾本書返屋企睇啦！返到屋企心血來潮想同亞女油吓水彩畫，於是就set好張檯開始畫喇！
Wing Wing第一幅水彩畫，幾靚！
＊＊＊＊＊＊
之後見亞女好似唔夠喉咁，所以再起多個長頸鹿俾佢畫，哈！都唔差架！
，今日係我哋一家三口嘅Family Day，我哋先去飲咗個早茶，諗諗吓，原來我哋係未試過三口子去嘆茶架（就算以前唔係同屋企人去，我哋都有工人一齊），今次係第一次，唔趕時間，可以慢慢嘆，個感覺好relax! 之後就去咗太古城行街街同去冒險樂園玩玩喇! 不過無帶車仔，去果陣亞女瞓咗覺，要抱住佢就有d辛苦囉!
不過佢都好快醒，仲玩得好開心忝！ 
之後約五點幾我哋就返屋企喇，今晚諗住煮吓我上烹飪堂學過嘅餸(老公仔話唔自己整吓會好易唔記得喎)，所以今晚我哋就決定試吓整西蘭花帶子喇! 哈!唔好睇少呢味餸呀，點樣炒到d帶子唔縮細都好講技巧架，我就係響上堂果陣學咗呢個技巧喇，一於自己試吓......
ｄ帶子大大粒又夠哂入味，老公同亞女都話好味!果種感覺真係好開心、好滿足! 等我繼續努力，跟師傅學多d好嘢先!尋日媽咪買咗件泳衣俾Wing Wing，即晚洗好吹乾，諗住俾亞女今日試吓啱唔啱著，今早一試，都啱身，預期會突個大肚dum...都依然係有突，不過媽咪覺得細路仔，著吓三點式或者兩件頭泳衣係最可愛嘅! 你哋睇吓Wing Wing得唔得意?
******
跟住收到麼麼媽來電，諗住約埋一齊去西環個playroom玩，於是約一點我哋又去咗玩喇!
Wing Wing: 麼麼，等埋我呀!
麼麼: 好啦!等我擺個post影張相先啦!
亞女，遲d再帶你玩過!
