12月24日
今年教會第一年辦平安夜才藝競賽，Wing Wing亦跟一班差不多年紀的組成wonder kids參賽，當晚大家都跳得好好，都平日練習真係兩個樣，犀利!
演出前﹕
真正演出﹕
有片睇...
http://www.youtube.com/watch?v=1ubNKRAv-Uk
大家都跳得好好，不過對手實在太強喇，所以最後都攞唔到獎，不過在媽媽心中已經係perfect喇!
可以睇到15對參賽對伍嘅演出真係好開心，每隊都俾心機演出，取得四個獎的一隊更是全場大熱，超水準演出，佩服!
開心的一個晚上，哈利路亞!
聖誕快樂!
12月19日
今日崇拜，講員帶領祈禱時，很多說話打進我內心，令我想起這一年我常思想著的一個問題，早兩天剛與蝦子傾談完，眼淚亦流過，心裡仍有不甘，可以不這樣嗎????
是我一直認定自己的心意就是神的心意嗎?是我沒好好衝量輕重嗎?內心被觸動過後開始改變，明白甚麼才是最重要，可以走遠一點去看....
現在，自己賞試放開，就學習完全交託的功課吧!
愛我的，看過後懂也好、不懂也好，不打緊的，為我有神的安慰感恩便夠了，謝謝!
12月17日
尋晚同蝦子傾開生第二個BB嘅問題，原來佢已經由想至可以接受再去到有壓力唔想生喇，聽完真係好心痛，自己好想好想要多個嘅時候知道佢咁諗，真係好唔開心，但我明白佢嘅憂慮，經濟係我哋一個好大嘅因素，只係我自己一直逃避無諗嘅問題者，自己成日等真係有咗先諗，真係傻!做人點可以咁短視呢.....
不過大家互相講出睇法時，我個心真係好傷心，要我講唔再生第二個BB，我真係講唔出，亦即時諗起亞女好開心咁話想要個妹妹時個樣，我D眼淚係咁流係咁流，內心真係好難過，現實真係殘酷....真係唔想係咁，但又可以點.....
出年6月就係自己所定嘅期限，到時無就唔再諗，因唔想兩個相差多過7年，一切隨緣!
Leave it to God!
~
