年初二

大年初二

今日唔洗拜年，一家人瞓得仲晏過尋日，瞓飽哂好滿足。

食過午餐就出發去太古城諗住睇戲，點知.....都係無飛....

唯有四周行吓.....

Wing Wing近排好鍾意影相嘅時候將隻手放喺個頭度~

我哋去咗玩具反斗城同冒險樂園玩咗陣，好多人!

 

年初一

1月26日 大年初一

祝各位新年進步、事事如意、身體健康!

今日我哋三口子瞓到飽哂先起身，打扮靚靚就去公公婆婆度拜年~

睇咩咁入神?哈哈!靚姨開咗部Wii俾大家玩，公公當然有興趣啦，我哋玩保齡球，公公寶刀未老，打得幾好喎!

婆婆除咗派利是之外，仲攪咗個小朋友抽獎，有1、2、3獎，亞女好lucky，抽到個大獎，獎金非常豐富，幾多?哈哈!(保密~)

(不過部相機無電，D相響哂姨媽度.....)

之後亦一如往年，去咗姑婆度拜年，跟住就先返屋企，等朋友仔迪迪豬嚟拜年~

早前有朋友送咗隻馬仔俾我哋，原來迪迪都好鍾意玩~(等我初初仲驚會嚇親佢忝!)

跟住再去埋太爺度拜年

團年飯

年三十晚，同屋企去咗出面食團年飯，酒樓竟然唔算人多，唔通生意真係咁難做?

食完飯喺附近行咗一陣，買咗小小花應吓節就返屋企喇!

教會團年飯

1月25日 年三十

今日教會小組食團年飯

鋒鋒D表情好攪笑!趁佢未扭眼肿，媽媽快快手同佢影咗呢幾張相，真可愛!

Wing Wing同遵遵哥哥、嘉宜妹妹玩得好開心!

呢餐飯小朋友都係玩緊要過食~

新年快樂!

新年快樂!

祝各位事事順利!健健康康!

Happy New Year!

行花市

1月22日

今日亞女正式放假，媽媽同Daddy亦夾到時間可以同佢一齊去行花市。

一去到，咩都未睇就見到森美，原來我哋係同佢一齊行入場，媽媽都係見到佢個顏色頭先認得佢~

呢張相係亞女要求影俾blog友仔津津睇嘅~(因為津津豬真係好鍾意恐龍)

平日嘅下午都好多人，Daddy笑說﹕

唔通真係咁多人失業唔洗返工?

我們的紀念日

1月20日

我們的紀念日

今天，蝦子打破舊例，取不到假期，但也有刻意調動一下，晚上可一起吃飯，但我卻不甘心就像平日一樣外出吃飯，結果....由蝦子親自下廚，很久沒下廚的他，願為這日子出一點心意，真的甜在心頭呢!

1. 蠔仔蛋 (好好味)

2. 蒜蓉炒菜心 (簡單的小菜，卻炒得不凡，正!)

3.花螺

4. 蒸魚(差開咗條魚先記得影相)

5. 施奄 (亞女超鍾意食)

 

而我....亦煲咗湯同煮咗海南雞(味)飯，大家都有心有力，雖然蝦子係放工返嚟先整，不過都好快手，我哋亦樂得慢慢嘆，足足食咗一個多鐘，一餐飯已可以令大家吃得滿足，真感謝!

 

小小笑話

(一)

一日，媽媽同Wing Wing去完街，正等緊巴士之際，Wing 豬想媽媽抱，但媽媽已很累，便對她說﹕

媽﹕媽媽唔夠力呀，Daddy先夠力架...

女﹕點解呀?

媽﹕因為Daddy好高好大力囉....

女﹕咁媽咪呢...

媽﹕媽咪矮咗少少囉....

女﹕媽咪，高嘅英文係咩呀?

媽﹕高嘅英文係Tall，矮嘅英文叫Short

女﹕咁Daddy 咪係tall囉...

媽﹕係呀，Wing Wing矮過Daddy，咁Wing Wing就係     Short喇....

女﹕媽咪，你都係short short哋呀!!!!

媽﹕.......

(二)

有一次媽媽教Wing Wing扭毛巾，叫佢用盡力去扭，盡量扭到無水為止，但...當然佢力度有限，扭完條毛巾都仍有水出，於是媽媽就示範吓喇，在她面前好大力咁扭...

媽﹕Wing Wing，睇唔睇到呀，媽媽用力扭可以扭到好多水架...(用扮叻嘅語氣講)

女﹕我都得架...(又係用扮叻嘅語氣)

媽﹕吓，你都得! (....唔多相信)

女﹕你睇...(即刻以九秒九嘅速度整濕條毛巾..)  我都可以有好多水架....

媽﹕

(三)

Wing Wing用單手去數一至十，係識得將6用牛角嘅手勢代表、將7用手搶嘅手勢代表....等等

有一日，媽咪、Daddy同個朋友傾緊計嘅時候，亞女無端端問﹕

女﹕媽咪，7加2係幾多呀?

媽﹕係9囉

女﹕唔係喎，我數到唔係喎! (好認真哋講...)

女﹕嗱....1..2..3..4，我數到係4喎!

媽﹕<佢一隻手做一個V字(即係2)，另一隻手造支搶(即係7)，咁就梗係數嚟數去都係4啦!>

再問佢6加3等於幾多，7加5等於幾多等等，佢都係攞哂佢D牛角同槍出嚟數，好攪笑!

 

貝殼館

Photos taken by Wing Wing on 11/1/2009