小b在澳門出世後，今次第一次回鄉，哈哈!今次Daddy有事未能同行，且我哋無咩特別行程，故真係好似渡假咁，hea住食同瞓，飲吓婆婆靚湯，都幾享受!
24/8/2013
今年首年一家四口慶祝媽媽生日，好開心!我哋去咗將軍澳東薈城商場行吓，少嚟，所以都有D新鮮感!
小b最鍾意食手指，佢真係食得好勁，成日食，仲試過成個拳頭塞哂入個口度食，真誇張!
今日再去姨媽屋企游水水，今次亞女忍唔住臨時都要浸埋水玩埋一分，攪笑!
８月１１日
轉眼間，小Ｂ已經五個月大喇，呢篇ＢＬＯＧ都係後加嘅，所以都唔太記得小Ｂ呢個月有咩特別，只記得佢識轉身，不過轉嚟轉去都係向左邊轉。
8月10日
今日Wing Wing第一次考琴，見佢都有少少緊張，成日驚唔合格媽咪會鬧，我已再三安慰佢，其實只想佢習慣吓考試、考琴者。
一直都有d擔心佢嘅sight reading，點知佢考完話好易喎，安落哂，成績係點唔重要，最緊要佢有努力練習，150滿分，100分就算合格，10月頭先知結果，我見亞女考完好開心，仲話個考官好好人，希望佢ok啦，唔........我估有125分，唔知得唔得呢?
推介一本好書﹕ 懶爸媽、好孩子
香港太多壓力了，做父母的，每天都在追追趕趕，有時更迫得孩子太緊，美麗的童年就此斷送，反省自己都感到問題日益嚴重，自亞女升上小一後，很多時間都用在功課、溫習、練琴、早瞓上，感覺只是趕趕趕，更破壞了兩母女之間的感情，此書正好提醒我應糾正自己的做法和觀念，如何去作一個放手的媽媽，老實說，真的很難學習作個懶媽，深怕我袖手旁觀時，女兒又不知攪甚麼樣，不過現今世代實不忍如此摧殘小女的童年，所以立志要好好學習，總括來說，學習不陪做功課、不陪溫書、不陪開夜車，只需陪玩、陪吃及陪瞓便可了~
8月8日
媽咪尋日買咗個bb水泡俾小b玩，諗住同小b游水，不過Daddy話泳池水污濁，所以媽媽取消了此打算...到咗今日，媽媽心血來潮，想到姨媽家有個浴缸，於是今日就帶咗小b去姨媽屋企玩浸水，小b一落水好鎮定，無喊，叻叻，我哋玩咗好耐，小b都試過轉一次身!同小b影咗好多相，好得意!
8月1日
小b遲遲都未有意識轉身，成日掛住食手指，見到佢果副為食樣真係好笑!
早排我哋幫佢交叉隻腳，佢就有d意欲想轉身，不過就一時得一時唔得，到咗今日佢終於有d改變喇，佢會用力咗，膞頭用力咁轉，不過都係要媽媽幫佢交叉隻腳......
直至下午媽媽將佢放在軟墊上，頭仔在cusion上，然後行開send咗個短訊，再入咗亞女房一陣，一出嚟，就見小b已經自己轉咗身喇，嘩!犀利，媽媽估唔到亞b會響呢個時間自己轉身，雖然睇唔到，不過媽媽都好開心，小b叻叻!
