(星島日報報道)將軍澳彩明苑一單位疑因電腦短路起火，釀成自閉童燒死慘劇。一名十四歲女童在睡夢中被烈燄燒傷腳跟驚醒，即拍醒亦在夢鄉的十歲自閉症胞弟，捉其手逃離火場，惟男童疑不肯離家，竟掙脫姊手重入火窟...
************
又一獨留兒童在家之意外.......
早陣子已有同類新聞，獨留兒童在家，正正遇著火警導致悲劇發生，就是因為作人母的一時心急，趕著外出，輕視後果.......
一直都很想知小孩子到了幾多數獨自留在家中才不算犯法，但竟然上網也找不到答案，直到今天看報報導這宗新聞，才提到有關法例﹕
根據法例，故意襲擊、虐待、忽略、拋棄或遺棄16歲以下兒童，令他們受到不必要的苦楚或健康損害，即屬違法，循公訴程序定罪，一旦罪成可處監禁10年，循簡易程序定罪可判監3年。
慳回數分鐘，犧牲一生命!不值得、不值得!各位家長，切記不要獨留兒童在家啊!
Wing Wing自出世以來，食方面一直都不用媽媽擔心，BB時飲奶肯飲，亦算飲得快，大個D仲愛上飲奶奶，到佢開始食大人飯餸之後，我哋只俾早晚兩餐奶佢飲，佢都飲到津津有味，仲好似好唔夠喉咁。到咗而家佢返學，學校有早餐，而媽媽又想慢慢同佢戒埋夜片，所以都少咗俾奶佢飲，變咗好多時早晚都無得飲，但Wing Wing亦無因為咁而扭計，哈，點解?? 因為佢搵到人間美食囉......佢開始食大人嘢之後，好多嘢都想試，為食到飛起，見人哋食咩就話要咩，最攪笑有次媽媽同佢一齊去街，經過超級市場，佢見前面有個姐姐正準備行入去超級市場，
就問媽媽﹕個姐姐去邊呀?
媽媽﹕姐姐去買嘢囉!
Wing Wing: 姐姐買咩食架....(哈!唔係問買咩嘢，而係問買咩食...攪笑!)
哈!為食Wing，正係掛住買嘢食......
佢食飯基本上都唔洗媽媽操心(只間中扭計唔肯食，不過對呢隻為食貓嚟講，次數真係好少!)佢食一餐飯都算快，又唔洗媽媽左氹右氹，都算係咁咯，亦肯自己用筷子或者匙羹食，Wing Wing好多嘢鍾意食，真係數都數唔哂，魚、蝦、粉絲、麵麵、粉粉、肉(咩肉都食、真係驚佢肚餓會食咗自己....!(其實用<講Bye Bye>呢招都幾好架，起碼佢知道講完Bye Bye 就唔會再同件嘢食有任何瓜葛，哈!)唔會話繼續咁扭，不過就真係下下同佢講道理囉，唉!算係咁咯，肯聽你講理，都要讚一讚，哈! 不過個為食樣就繼續keep住，見到佢真係好好笑!)、至於零食方面，媽媽一直都唔多俾佢食，但自從無請工人之後，亞女分別由學校、公公、婆婆、爺爺、嫲嫲幫手湊，一人俾d嘢佢食吓，試吓，亞女就得享人間美食喇，知道呢個世界上除咗飯同奶奶之外，仲有好多好嘢食，佢亦同其他小朋友一樣，見到d未食過嘅嘢食就要試，貪得意、貪新鮮，只要唔過量，媽媽都由得佢試，不過有一樣都要讚吓佢嘅，就係當佢食完一樣嘢又想食嘅時候，只要同佢講﹕嗱!食完呢件就無架喇，要講Bye Bye架喇!佢都好合作，好滿足咁食完之後都肯講Bye Bye
不論對象是誰，人總希望別人是發自內心的去愛自己，小孩希望得到爸爸媽媽最點身的保護、最真心的愛，女孩子希望男朋友好好待自己，不是你說一句、他才行一步，男孩子亦不希望女朋友有條件地愛自己，有錢、有勢力就有愛、無錢、無事業就走人，心裡仍想對方由衷的愛自己。愛是無條件的，愛是不應該附帶條件的！
你愛一個人，你會真心願意付出你的時間、你的精神、你的金錢、甚至你的一切。要愛你身邊的每一個，就要好好善用你的時間、你的精神、你的金錢......好好平衡，令自己享受愛人的快樂，享受施比受更有福的喜樂！在此特別祝願生活忙碌的你，好好分配你寶貴的光陰，享受人生最美好的事......亦祝願天下父母，記緊工作以外，你還有一個待你呵護、待你關心的另一半，你還有個每天待你回家耍樂的可愛小寶寶、你還有一個值得你付出的溫馨家庭啊！好好享受人生吧，這就是你的成就啊！
見到亞女每日放學返到屋企都好開心，自己同自己玩咗好多以前無嘅小玩意，仲玩得好開心、興奮，媽媽睇見心裏都好開心、好安慰！
佢響屋企做番好多應該響學校做過嘅嘢（媽媽自己估計），扮洗嘢啦、扮洗手啦、要媽媽叫佢個名先走埋嚟攞嘢啦、自己食飯啦、照顧別人啦，仲間中唱幾句響學校學嘅歌仔，又會講一ｄ響學校成日要講嘅說話﹕例如
老師講故事時間應該就有講以下呢句喇！（因我成日聽亞女講嘅）
小小故故事，多多故事，劉老師、吳老師講你知......
此外，亦發覺Wing Wing食飯之前多咗記得自己祈禱，有時佢都會話我知有為其他小朋友祈禱架﹕即係講多句﹕多謝天父，俾小朋友飲食......
最攪笑係佢扮大人個樣，早幾日同佢去公園玩果陣，當佢玩緊而媽媽正坐下歇一歇嘅時候，佢又走埋嚟坐響我身邊然後同我講﹕媽媽你去玩啦，Wing Wing坐係度睇住你啦！哈哈Wing Wing響屋企，就好似佢第二個課室咁，咩都鍾意做番一次俾媽咪睇，好似想將佢所有學過嘅嘢曬冷咁，哈！呢ｄ就係校園群體生活嘅收穫喇，希望亞女一直咁開開心心返學啦！真係俾佢笑死！
自從Wing Wing返咗學之後，多嘢講咗好多，每日放學都跳吓跳吓咁返屋企，返到屋企就自己放番好書包，仲好鍾意唱番響學校學嘅歌仔，雖然有時唔聽得好清楚佢唱咩，但見佢好投入咁唱，都feel到佢果份興奮，佢近日仲好鍾意玩改歌詞忝，即係將原本已經識嘅歌仔亂唱一通，配哂自己隨意嘅詞落去，就又跳又唱......好攪笑！（哈！而家想佢正正經經咁唱番首打開蚊帳都幾難咯！）
呢兩晚媽媽都可以陪佢玩吓，發覺Wing Wing已經玩緊角色扮演，一時要做照顧我嘅人、餵我食嘢（佢手上嘅積木或者玩具），一時又扮老師叫我坐定定、乖乖地，一時又做番小朋友跳嚟跳去，今晚仲同我講﹕Wing Wing係細路仔，媽咪係大路仔，見到亞女成隻開籠雀咁就feel到佢好鍾意返學，學校嘅生活真係唔同屋企，學校俾到佢嘅父母未必俾到，所以真係無後悔俾亞女讀N1。媽咪再問係邊個教你架，佢又亂答話係媽咪....俾佢激死！
