影樓照

尋日去咗Lifestudio影家庭照，好期待可以影一d既自然又靚靚嘅全家幅，出嚟嘅效果都ok，大家俾d意見啦!

http://photo.lifestudio.hk/NgTinWing

 

兩個人

媽媽心情﹕

願意去關心同識唔識關心係唔同嘅，女人.....最愛欣賞人的內心，有心、有heart係睇得見的!

 

探朋友仔

6月21日

今日我哋一家人去咗Daddy一個同事屋企玩，又可以探吓小丁丁，小丁丁細Wing Wing七個月，但見佢都好高，睇落好似同亞女差唔多大咁!

叫Wing Wing影相，一笑就笑到四萬咁，真攪笑!

***************************

之後就去咗公園玩咗一陣，而家公園有蚊蚊，都唔敢玩太耐......

跟住再返小丁丁屋企，一齊打邊爐，大人有大人玩，小朋友有小朋友玩，唔洗點煩，難得亞女可以同佢嘅朋友仔玩得埋，媽媽都好安慰(起碼唔洗成日跟住亞媽先啦!)

去臭臭的自娛方法

父親節快樂呀!

6月15日   父親節

今日返完教會就同公公婆婆成家人飲茶，雖然飲茶好似好例牌咁，但隨著年紀愈嚟愈大，就會愈珍惜同屋企人相處嘅時間，飲茶都可以飲得好開心!

祝兩位可敬的父親身體健康、日日開心!

呢個為食Wing最鍾意食d有骨嘅食物，今次係食鴨舌，仲食到好滋味!

哈!公公婆婆都一樣--食得好滋味!

********************************************************

之後我哋就去咗唱K，一家人唱吓K癲番吓，媽媽好鍾意呢張相，兩位大細路笑得好開心、好靚!

無聊....戲

尋日又有二人行時間，我哋去咗行街睇戲，平日行街真係唔同d，無咁多人心情又輕鬆d(最好就梗係亞女返緊學，唔洗理佢啦!)

睇果套戲叫深海尋人，李心潔做，係咪搵親佢做都要講鬼架呢，呢套又係一樣，我同蝦子不知從何時起有個習慣，鍾意響睇戲前後都同套戲評吓分，未睇前我俾70蝦子俾65，個分都唔算高啦，點知睇完大家都要執番副眼鏡(大跌眼鏡)......唉!       除咗個海底拍得靚、主角d戲做得好之外，我真係無咩好欣賞咯，個戲好無聊、劇本好堆砌，簡直徙哂，最終我哋都係俾60分......

 

契妹生日會

今日去咗契妹BB個生日會，媽媽原要返工，唯有快快手手做完d嘢趕去......

契妹開始識行，但又唔穩陣，好攪笑，諗起亞女以前都係咁，真係有d感慨....時光飛逝.....

呢個Wing Wing唔知點解，好鍾意玩氣球，一見到有氣球就爭住要，一個玩完又貪新鮮要多一個.......最後一個人攬住兩個balloon全場走，好攪笑!

Wing Wing契媽同契妹BB

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

主持人加插咗一個預祝父親節嘅遊戲，就係由子女餵Daddy食蛋糕，哈!Wing Wing自己先食咗幾啖之後先開始玩，先肯俾Daddy食，仲係Daddy食3啖佢自己食番一啖，真係不失佢為食本色，攪笑!

整個生日會都好順利，壽星女亦捱到完場先瞓覺，認真俾面!

Jik Jik,  Happy Birthday!

黑雨...反思

一早起來.....黑雨!

望出窗外，閃電、行雷、落大雨、水浸，一些平日難見的情景，於是抱起亞女，乘機讓她見識何謂行雷閃電、認識這些大自然現象.....

望到樓下街道剛有水渠爆開，污水不斷湧上地面，加上超勁的雨勢，便教導Wing Wing這便是水浸，四川亦面臨水浸的危機，明也好，不明也好，相信Wing Wing已聽在心裏了......

原定今天帶亞女去雜誌社影相，因為天雨關係要改期，有少許失望，但這也不要緊，心想如果將落在四川的雨統統都下在香港，我....願意.....

四川的災情仍是令人憂心.......要重建家園不是一朝一夕的事，黑雨已為我們帶來如此不便，何況接二連連的天災呢!

施比受更有福，當你再一次想到他們時，不要吝嗇伸出援手，繼續捐輸，幫助比我們更有需要的人!

謝謝!

打冷

6月5日

是晚媽媽要返夜，返工前一家人去咗打冷(食潮州嘢)，想食咩就叫咩....正!

呢餐亞女學識食螄'坎'，係咁叫Daddy開俾佢食，睇怕都上咗癮咯......