31-10
媽媽平日很少提及工作上的事，因實在沒有甚麼特別事，工作亦忙極有限，但今天.......沒停過......主任、護士外出工作、社工放假，整間宿舍只有一職工、一文員及我，有舍友情緒不穩，一早便因某些事大發脾氣，且情緒愈來愈瀲動，又氹又呵又鬧都不行，人手又不足，又要收新人(有新舍友入宿)，真不知負責同事為何要選一天最少人手的日子安排舍友入宿，自己又不返工......更被該舍友的家人黑瞼對待(亦是因為不滿沒人接待.......)真是有苦自己知.....
到了下午，發脾氣的舍友繼續情緒不好，最後也須送院.......而臨上白車時，一護士對我說﹕你走先啦，佢paranoid你呀.......(一句在這行很簡單的說話此刻聽落卻有點不好受)，而自己......心情亦受影響，始終自己在這工作岡位只短短兩年經驗，在一日內接二要處理種種問題，真是.....
放工時自己仍在想、仍在想今天所發生的事，只希望亞女今天要乖乖，不要再令媽媽煩惱好了........
今早媽媽收衫入屋的時候，剛關上窗，僅僅看見有隻小強在窗邊不動，以為是窗框夾死了它，於是打開窗打算用紙包好它掉了，殊不知一開窗，那裝死的小強快速的走進屋內......吓.....怎辦......它還要走到那些媽媽拍不到的位置，媽媽即場嚇呆了，不見了它的影蹤，不說不知，媽媽一直都很討厭這些大小昆蟲、蛇蟲鼠蟻，現在竟然引螂入室，更擔心的就是不知今晚怎睡（因該窗正是在睡房內的床邊）唉，媽媽唯有左找找、右找找，正努力找那小強的影蹤之際，吓......又一隻小蚊蚊出現，怎能如此.......（補充﹕早幾天媽媽已買了一些自製的防蚊沙網裝好了，心想就算現在打開窗也是安全的......）但竟然仍有些漏網之魚在屋內，真是一強未平、一蚊又起......怎辦.......找來找去也找不到
，最後只是噴了殺蟲水關上門而已..... 唉，還能做什麼呢......
正躺在沙發上悶悶不樂的時候..........想起了禱告，每當媽媽感到無能為力的時候，總想起在天上全能的父，不能大小的事，總可告知衪交託給衪，於是就為這煩惱的小事作了個簡單的祈禱，只願快快找出小強，媽媽心靈便得安寧了.......
剛找小強時翻亂了很多東西，總要執拾一下的，拾完了也得掃掃地和拖拖地，感謝神！媽媽無意中發現小強躺在地面不動，於是即拿起拖鞋恨恨地..........
感謝主！此刻心裏就像放下了心頭大石般輕散，雖然小蚊蚊仍未 找到，但總好過要與小強為伴一起睡覺吧！
尋日星期日我哋返完教會之後，媽咪見有Daddy相陪，就提議又去遠ｄ入元朗喇，我哋真係好少去元朗，唔係有Daddy響度，媽咪帶住Wing Wing都唔識去（真係唔知點搭車先最快...）
我哋揀咗搭巴士再轉西鐵，去到元朗首先係搵地方醫吓肚先，不過無亞女份，哈！因為佢搭緊車果陣已經瞓咗喇，Daddy見唔洗顧亞女住，可以食吓自己鍾意食嘅嘢，於是就去咗KFC度食喇，我哋食吓傾吓計，唔洗照顧住亞女，食得都好自在，而Wing Wing亦較啱哂時間，我哋食完佢先起身，正！
跟住就去咗睇ｄ童裝衫喇，有間ｄ款式都幾靚，不過就男仔款多ｄ，女裝好似少ｄ，我哋睇中咗條連身裙，不過可惜無亞女個size，所以最後都係無買到嘢.....
一場嚟到，梗要去吓食B仔涼粉啦，其實我未嚟過架，亦都唔知咩叫做B仔，不過睇佢哋牆上ｄ介紹，先知原來B仔涼粉即係好大碗嘅生果，咩都有咁解，媽咪而家食緊中藥唔食得凍嘢，所以只叫咗個燉蛋白，不過整個食嘢過程亞女都好扭計，扭呢樣又扭果樣，攪到Daddy媽咪都好激氣，真係想好似頭先果餐食得咁安落都好難......
後面就係B仔涼粉喇！
今日媽媽返6點Overnight，朝早又想同亞女去吓街(哈!諗諗吓真係要珍惜吓呢d唔洗做功課的日子，因為可能出年或者後年就要進入交功課嘅歲月喇!)於是就去咗赤柱行吓喇，順便睇吓d秋冬靚靚衫!
)
影相靚境莫過於美利樓咯!仲記得Wing Wing半歲果日，Daddy媽咪專登帶佢嚟影吓相、呼吸吓新鮮空氣，轉吓眼亞女又話兩歲半咯，幾快.....真係要珍惜每一刻先得，時間真係一去不返架!
最鍾意亞女笑!好可愛!
山長水又遠去到赤柱，媽媽都有d暈車浪，好彩Wing Wing無話暈，如果唔係都唔知點攪好咯! 一場嚟到，媽媽都買咗d冬季衫俾亞女，呢到d衫真係幾靚幾多款，不過湊住亞女睇唔得哂，行咗一陣食埋飯就返屋企喇!
Daddy亦啱啱放工番到嚟，一齊同亞女玩吓媽媽就準備返工lu.........
今日接完亞女放學之後又去咗對面個公園玩喇，一直都無留意原來呢度有個平衡木（應該話係好耐之前見過吓但已經唔記得咗喇！），今日好似發現新大陸咁，係咁同亞女玩，你哋睇亞女幾開心！不過都唔係太敢玩個平衡木，成日要我陪住佢，希望玩多幾次佢會大膽ｄ啦！
叻叻！慢慢學吓學吓識自己上個平衡木！
玩單槓！
又玩吓雙槓！
前晚媽媽去完街因為太攰，故返房小睡片刻，誰知醒來發覺面上又俾蚊蚊咬了兩口，四周巡視也找不到蚊蚊影踪，只怕它晚上又出現找我Wing Wing豬作甜品，心裏真有點擔心！
半夜媽媽又再給蚊蚊咬了３口，十分痕癢，真討厭！只想咬我便算，不要打小朋友的主意就好了！
誰知一起床，發覺亞女面上仍是給可惡的小蚊蚊咬了兩口、手臂又有一口，真激氣，但又可以怎樣呢，唯有給她塗上藥膏上學去吧！
回家媽媽正做家務的時候，突然見一小蚊蚊在我眼前飛過，正要留意它去向之際.....失策......給它飛走了，媽媽心裏仍耿耿於懷，只拍晚上它又出來吃自助餐，故在屋內四圍看、四圍找......唉.....仍是找不到......
媽媽返下晝，要十時多才回到家，亞女則由公公幫忙照顧，回家後一看，亞女面上、手臂上、腳上也......這蚊蚊真可惡，媽媽決要找它出來，真幸運，媽媽在房內終於發覺它的行蹤，於是立刻關門，進行一場單打獨鬥......
終於媽媽勝了，媽媽亦很天真地拿小蚊蚊給Wing Wing看，讓她知道今晚不會再有蚊蚊咬她了！（哈！媽媽當然希望沒有其他.......蚊蚊啦！現在就連窗也不敢開了！）
後記﹕昨晚真的睡得很好，很安寧！
10月21日
今朝同Wing Wing返兒童崇拜，唱詩敬拜果陣佢都照舊有扭吓媽咪抱，不過整體都算係咁咯，希望佢快ｄ適應就可以自己返唔洗媽咪陪就好喇！（咁媽咪就可以返番成人嘅崇拜喇！）
＊＊＊＊＊＊＊＊＊
食完飯我哋就去咗旺角行街街，諗住同亞女買番ｄ秋冬衫，之後媽媽突然醒起響雜誌見過旺角新開咗一間便所餐廳，環境設計幾特別嘅，於是又一齊去搵喇，結果都唔係搵咗好耐，原來就係響朗豪坊隔離！
賣點就當然係佢嘅環境設計啦，好多響廁所見到嘅嘢你都會響呢間餐廳見到哂！
好多人都以為呢對門係洗手間，但原來又係裝飾設計之一，隔離Exit果度先係！
D座位設計全部都係座廁，亞女仲走去開人哋ｄ廁所忝！
有ｄ檯面下面放有洗手盆....
有ｄ就係浴缸，設計亦真係幾有心思！
哈！ｄ容器唔係尿兜就係座廁，你嫌核突就真係咪嚟好過咯！
價錢方面都略貴架，不過我哋都係抱住嚟睇吓嘅心態，見識過就算咯！
今日同Wing Wing去咗開咗無耐嘅Element（圓方）行吓，大得嚟唔係三尖八角算幾好行，不過就專賣名牌及高檔嘢，我哋只係響Three Sixty（一間好似CitySuper嘅Supermarket)買咗ｄ嘢食，總算到此一遊啦！
地方夠大，呢到只係toilet出面嘅走廊！（已經夠亞女跑半日咯！）
呢度係俾人坐低休息吓嘅地方，但個設計幾得意，小朋友實不其然走上去行吓！
之後我哋就轉移陣地去咗奧海城繼續行行逛逛，去咗一間叫麻酸樂嘅食店食tea，係食麵嘅，ｄ湯底幾特別亦幾好味，媽咪叫果個係皮蛋芫茜湯底，食到亞女都 lam lam利！
之後就打道回府喇，亞女亦好合作，上車先瞓，唔洗媽媽抱住呢隻爛瞓豬行街！
