早幾日同亞女分享吓佢學校嘅事，佢講講吓，話有D唔開心，再追問如何，佢話有D同學仔唔同佢玩，所以佢唔開心，佢話在自選活動時，有小朋友玩緊一樣玩具，但當佢走埋去時，小朋友就走開唔同佢玩，得佢自己一個人玩，佢又唔鍾意一個人玩，所以就感到唔開心，媽媽安慰她唔緊要，自選活動時間，小朋友可以樣樣都玩吓的，可能她們已經玩完那樣玩具，再細問Wing Wing有無同其他同學仔有爭執、口角之類，她又說沒有....
其後媽媽都有向老師提及此事，不過老師說她們這年紀開始有自己一套的意見，當別人不接納其意見時，就容易排外，老師亦聽過Wing Wing好大聲咁向同學仔講﹕我唔同你玩! .....表示會多留意班內情況，媽媽亦明白Wing Wing的情緒很容易牽動人，希望她能學習接納別人、接納自己，幸媽媽有幫手學校的親子崇拜，可以用剛演完的劇目、道理去提醒Wing Wing耶穌給我們的榜樣，Wing Wing亦容易明白，心情亦較易平伏，願天父的話常存她的心中，好好愛神愛人!
1月20日 Day 3
今日係Daddy媽咪的大日子，多謝Wing Wing幫我哋影咗呢張咁靚嘅相~
我哋選擇較優閒嘅節目 ﹕
自然瞓醒、
吃早餐、
浸溫泉、
自助晚餐
未出發之前，先四處搵食，見到有間有D小食就入去喇，不過款式唔多，無咩嘢揀，我哋叫咗炒河粉同串燒，味道竟然不錯，碟河粉仲食完一碟又一碟忝~
之後就坐車去南田溫泉喇
呢度好出名，因有一個魚療池，即是當你浸落D水度就會有好多魚仔游嚟咀咀你D手呀、腳呀咁，同你去死皮喎，我哋都未試過，初初以為會好痕，不過都可以接受嘅，但亞女都係好驚，唔敢放鬆浸，經鼓勵下都只係肯企埋一邊，不過可能佢D肉太幼嫩喇，竟然無魚仔咀佢，反而Daddy就超多，攪笑!
(呢張唔多魚仔，高峰時真係好多~)
呢度除咗浸溫泉，仲有游泳池同埋滑水梯玩，不過因要趕班車，所以都未能盡興，有機會先再嚟啦~
到咗夜晚，我哋就嚟咗一間叫環球城酒店度食buffet，呢間餐廳設喺池邊的，環境十分優美，好靚!
食飽飽仲有的睇表演同跳竹舞忝，我哋真係第一次跳乍，Wing Wing唔驚肯嘗試，叻叻!
Happy Day! I Love U, my dearest!
1月19日 Day2
今日主要活動就係潛水喇，媽媽同蝦子都係第一次玩潛水，心情真係有D緊張~
不過要帶住亞女，都唔可以齊齊潛，唯有分先後囉，亞女雖然無得玩，不過佢都好乖，無扭計，仲不時同Daddy/媽咪打氣忝!
落到水底，D水比想像中無咁清，不過唔洗潛得好深已經可以睇到珊瑚、魚魚、海膽等等喇，D魚魚喺你身邊游過又幾得意嘅~
**************************************************************
潛完水之後我哋就去咗岸邊嘅餐座食晏喇，呢度主要係食燒物嘅，唯有放縱一吓食飽飽啦!
再喺酒店附近行吓、影吓相~
夜晚就坐車出咗市區逛街同食飯，我哋去咗一間叫四季餐廳度食，呢度旅遊書都有介紹過，部份嘢食都幾特別，價錢都唔貴，可惜唔記得帶相機無影相，旅行無相機真係好似無咗D回憶咁~~
，真係點阻都阻佢唔住~
