又轉版面~

Yahoo Blog又轉版面喇，轉嚟轉去，想唔用，但又唔捨得過往嘅心血，於是都要無奈地學新嘢，希望唔好攪咁多複雜程序啦。我只想keep住亞女嘅生活點滴乍~

幼稚園畢業禮

7月29日

今日係Wing Wing學校的畢業禮，今年在理工大學綜合館舉行，與另外兩間聖雅各福群會一起聯合舉辦。

亞女畢業了，會場有播放她們在學校由N班至K3的校園生活片段，更有每位學生穿著畢業袍的個人照，媽媽看到Wing Wing那張畢業照時，真有點感動，又一吓大個女的感覺，媽媽那個 ' 捨不得你長大'的病又來了。

 

歌舞表演

多謝各位家人到場支持，公公婆婆更刻意由澳門返來出席，感動呢~

書展

今年同蝦子去書展，買咗亞女嘅書包、圖書、習作同埋兩本大人睇嘅書<還我父母本色>及<愛的選擇>，希望所有書都可以睇哂佢、習作就做哂佢，唔好只放響度啦!

K3沙灘玩

7月24日

今日約咗亞女一班同學仔去沙灘玩，我哋今次去石澳，一共有9個家庭，真係前所未有，哈哈，難得小朋友開心，媽媽亦樂於做攪手~

今日仲係同學仔豐豐的正日生日，豐豐媽咪好有心，買埋蛋糕嚟沙灘齊齊慶祝，喺沙灘唱生日歌及食蛋糕真係第一次，多謝豐媽的預備啊!

豐豐，生日快樂呀！

 

 

Times fly

時光飛逝，最緊要珍惜每一刻!

得失之延續篇

亞女好緊張默書，成日想啱哂取滿分，尋晚媽媽同佢練習時，佢錯咗兩個字，媽媽睇得出佢唔開心，但可能佢又記得媽媽曾講過就算錯咗都唔緊要，唔洗喊，所以佢就出現咗一副令媽媽更擔心的樣子~

佢知道自己有錯字後，面又紅、眼又紅、但卻對住媽媽扮鬼臉，扮大笑，媽媽突然覺得佢俾咗自己好大壓力，佢想扮笑但又笑唔到，媽媽見佢做改正時不斷用口發出很多古靈精怪的笑聲，心想他一定在掩飾他的不開心...

於是媽媽走開，讓他冷靜一下，數分鐘後，他真的大叫媽媽，要媽媽前來，再大哭起來....

哭過後，媽媽安慰、攬着他，慢慢與之傾談，今次不只教之學習輕看得失，媽媽更聆聽他的內心，原來他稱曾聽人講過如果取不到滿分就會被罵的，所以他很驚，他覺得媽媽也是一樣，媽媽明白後，再向他解釋媽媽的心意，亞女聽後點頭表示明白，但不知他真的領悟有多少，希望日後他可以放鬆一點去面對他的學業吧，媽媽不想您自己鑽牛角尖啊!

剝第五隻牙

7月11日

呢晚Daddy同媽咪都有工作，未能照顧Wing Wing，所以亞女就去咗姨媽屋企過夜，媽媽工作時，收到姨媽以短訊送出的相片，係一張亞女剝牙的相片，原來亞女下排隻側門牙已經甩得，於是姨媽就用公公教嘅方法幫亞女剝牙喇，呢次都係姨媽嘅第一次，真係唔該哂!

去片

 

http://www.youtube.com/watch?v=lNfShQFjSSE

 

得失

亞女開始小一適應後，第一次嘗試中文默書，媽媽都有同佢溫，佢D字都識寫，不過派回來都錯咗三個，媽媽細看下，原來不是什麼大錯，只是勾得不清楚、斜得不夠斜而已，媽媽明白老師改得嚴是希望小朋友從小要學習最正確的寫法，媽媽亦十分認同，只是亞女卻有點在意，對拿不到滿分有點介懷，媽媽一直知道Wing Wing對自己要求有點高，常希望做到最好，有唔輸得的心態，縱然爸媽的教導不是這方向，但她卻很容易因為做得不好、結果不好、成績不好而不開心，以今次為例，她於晚上與媽媽pillow talk時亦有哭起來，媽媽安慰之餘，亦不忘教導之可輕看得失，只要盡了力便可，希望Wing Wing能明白，否則升上了小學，壓力一定是自己給自己了。