之後去咗個弟兄屋企，好攪笑，佢間屋竟然整咗個鞦韆，好實正架，大人細路都可以玩，亞女都好鍾意玩，真係好過癮呀!
2006年10月31日星期二
2006年10月29日星期日
29-10 著上海背心仔
今日婆婆送咗件響上海買返嚟嘅民族背心仔，原本公公話留番出年先著，但我驚到時可能唔啱身，於是即刻響屋企著嚟影番張相留念先，睇嚟都幾好睇啦，於是唔捨得換返出嚟，咪繼續著埋去PG玩囉!
靚唔靚?
28-10 玩引體上升
今日返church之前去咗維園行吓，運動區內有一條好似單槓咁嘅野，於是亞女不其然咁要我俾佢捉住，雙手捉實，佢自己都用咗好多力呀，皆因我都係輕輕扶住佢雙腳，哈，點知佢仲不甘心，仲要將對腳 L 字咁踢高，嘩，真係好似人哋玩引體上升咁呀，你話佢幾大力呢?
哈，不過話時話，亞女平時搭巴士都好鍾意捉住d '吊環'扶手架，細細個已經有d咁嘅怪癖，真無佢乎!
27-10 最鍾意食通粉
今日媽咪返晏，所以朝早可以同亞女去嘆個早餐，原本我想食件三文治架，不過見同亞女一齊，於是改叫咗火腿通粉(哈!亞女鍾意食ma!)Wing Wing 好叻叻咁自己拎住隻羹咁食，叫做唔洗我餵啦，咪等佢自己慢慢食囉，不過最攪笑都係我飲野果陣，亞女好鍾意學我咁揸住支飲管篤篤吓，然後佢又唔會飲喎，佢只會甜絲絲咁用兩隻手捉住隻杯俾媽媽飲，有時仲笑住咁望住我忝，好似想我同佢講番聲 '唔該'咁，你話係味攪笑呢?
2006年10月24日星期二
24-10Wing Wing好鍾意玩樂器
近日買左d樂器返嚟，點知亞女一見到就搶住玩，尤其係播緊歌仔果陣，扭扭吓學人跳舞，好可愛，佢又識自己開個琴蓋，自己彈彈吓咁，見佢好開心，希望他日我哋俾佢學琴果陣都一樣咁投入同開心咁學啦!
2006年10月22日星期日
22-10 亞女好痴身
唔知點解，呢幾日發覺亞女好痴身，仲突然好似好跟我咁，有時連工人都唔跟，係要搵亞媽，雖然心裡面好sweet，但有時都幾難攪，好似今日玩playgroup咁，真係好痴身，工人唔精神又唔抱得咁多，於是就考起我喇，好彩有兩位哥哥姐姐幫吓手，同佢玩吓，以至個playgroup都算順利完成，聽番有d媽咪講都玩得幾開心! 都算有d安慰! 希望Wing Wing可以多d同其他小朋友玩，唔好咁怕人啦!
21-10 教亞女認顏色
今日同亞女玩Lego，又有紅色、又有藍色呀、綠色呀咁，再望吓張色彩繽紛嘅地蓆，就興起想教吓Wing Wing認吓顏色喇，我將一樣色嘅Lego放響同色嘅地墊上面，教佢認過吓四種顏色(紅、黃、藍同埋綠色)，佢好似識d唔識d咁，真攪笑! 不過我都係至在同佢玩吓者，無壓力、無壓力。
2006年10月20日星期五
20-10湊左亞女3日
早幾日工人腸胃炎不適須休息，所以都請左日假睇住亞女，計埋day off,都湊左亞女3日囉，亦係時候適應無工人嘅日子咯，真係樣樣一腳踢，都幾辛苦架，好左Wing Wing都唔算扭計，叫做ok啦!
表哥仔返左上海喇，下次可能新年先返嚟喇，真係好唔捨得呀!表哥仔，下次返嚟記得買d野我食呀!
2006年10月15日星期日
14-10Kiss 表哥仔
亞女怕陌生人，咁耐無見表哥仔，仲驚佢會喊忝，點知咁熱情，表哥仔想拖住表妹行，亞女仲扮拍羞咁鬆開手忝，真攪笑!
2006年10月13日星期五
13-10教亞女做手語
今日工人放假，由媽媽全時間照顧Wing Wing，係辛苦d，哈! 不過我鍾意，我好enjoy同亞女相處嘅時間(雖然今朝一早被佢嘈醒)。所以每逢放假我就好開心喇!
剛睇緊套台灣劇，係講個女主角須用手語與人溝通的，於是我又即興教番亞女兩個簡單手語，見佢跟住做，又做得幾好喎，小朋友學野真係快，叻叻!
聽日表哥仔返嚟喇，好興奮呀，又可以一齊玩喇!唔.....去邊度玩好呢......
感恩! 最終都無發燒!
打完針之後平安渡過，亞女都無發燒，可以帶吓亞女去街街。9號果日我地去左西貢放風箏，亞女都好開心，我地吹肥皂泡，佢就更加興奮，係咁走嚟走去(哈!不過唔係走去追d泡泡喎，而係追住我地要俾佢玩呀!)總括呢幾日假期我地都玩得好開心，秋天出去郊遊一吓，真舒暢!
2006年10月5日星期四
2006年10月4日星期三
4-10-06亞女歲半喇!
眨吓眼又話一歲半喇，時間真係過得快，亞女出年又話讀nursery喇，(記得以前中學讀過一課書叫做 '漸'，時間漸漸溜走，不知不覺一個可愛的小朋友漸漸又長大成人，漸漸又成了一位老婆婆。)突然有d感慨，人愈大個真係愈容易回憶往事，好多細個嘅片段間唔中又出現腦海，時間唔等人，唯有好好珍惜每一天的光暗先算明智。Wing Wing，祝你健健康康、快快樂樂、榮神益人!
2006年10月2日星期一
訂閱：
文章 (Atom)