25-12聖誕快樂!

聖誕快樂! 雖然今日媽咪要返工，不過上晝Daddy、公公同媽咪都帶咗我去附近個公園玩，你哋睇吓我係咪好有型呢?

至於呢個鋼架，就當然係我Wing Wing嘅拿手項目啦!

未來運動健將吳天詠!....多謝各位!.....

24-12Merry Christmas!!

Wing Wing 唔知幾時開始鐘意咗We wish you Merry Christmas!呢隻歌，我響屋企同佢唱呢隻歌佢就會好開心，仲轉圈跳舞忝，哈!但一同佢唱其他歌(好似Jingle Bell咁!)佢就唔製，係要我同佢唱We wish u Merry Chritmas!哈!真俾佢笑死!

 

今日我哋嘅行程都好密呀!下晝會去會展個佈道會，跟住食完飯就去報佳音!(哈!我哋都係第一年去報佳音乍!)跟住再直落去子夜崇拜，真係好開心、興奮呀!聽牧師講番，佈道會同埋報佳音都有好多人信耶穌呀!哈利路亞! 感謝主!

23-12-06食聖誕大餐

今日同咗亞女一齊去食聖誕大餐(哈!亞女生平第一次食的聖誕大餐!

)，佢真係好為食，見到Daddy,媽咪有得食就即刻爭住話要，自己果份就擺埋一邊，哈!大家睇吓佢個為食樣就知啦!

不過好彩，叫佢俾媽媽食，佢都肯!

跟住我哋就去中環睇燈飾，嘩!好多人呀!所以我哋都只係 '係咁以'影張相行吓就走人喇!(費是冷親ma!)

Wing Wing video 1

 

第一次將亞女細個嘅影片上載，唔太識整，整咗段無聲嘅，不過唔緊要，都係好開始!

 

 

 

 

 

 

20-12影靚相

今日放假，咪同亞女去公園行吓囉!Wing Wing著呢件衫都幾靚呀，於是就係咁同佢影相喇!你睇佢，真識擺post!

呢張係佢跳緊舞果陣影嘅!幾犀利!

哈!佢見個太陽好曬，就做咗呢個動作喇! (咁當然係之前教過佢啦!)

 

跟住中午就約咗亞靚姨食lunch，下晝又去埋Mor Mor屋企玩，之後仲同埋亞女返祈禱會，哈!今日真係充實喇!

17-12 小組聚舊Wing Wing算乖

今早我地返午堂，約埋May May姨返，亞女都認得d亞May May姨，又識叫人，依家見佢都開始唔太拍生保喇，都係個好開始。夜晚我哋一班以前約瑟小組d弟兄姊妹嚟咗我屋企打邊爐，咁多人都居然容納得到，哈!真感恩! 亞女都算乖，唔太扭計，以前見到一、兩個陌生人都大喊呀! 希望佢愈來愈叻叻啦!

唉!不個好可惜，唔記得影番張相留念!(竟然無人記得!)

16-12 一定要記底

屋企部電腦怪怪地，連到線但又上唔到網，攪到我都好耐無得寫blog忝，不過呢排亞女d野我都盡量記住佢，等返工寫番d趣事ma!

早幾日同亞女睇書書，一路睇d圖我一路教佢學講，見到車車就同佢講車車，見到波波就同佢講波波...如此類推，哈!點知揭到一頁係砌圖，我諗諗吓，教佢講砌圖又好似好深咁，於是咪同佢講英文(即puzzle囉!)，諗住會易d記ma!

 點知跟住就笑死我喇!哈! 皆因亞女聽完之後就響度

拍手囉!

puzzle! 拍手!

亞女，你好可愛呀!!

 

姨媽教我笑!

早幾日姨媽返咗嚟，仲教我笑忝，哈哈!姨媽話笑係咁架!(如圖)

10-12成日都無瞓晏覺

今日成日都無瞓過晏覺，4點我哋帶佢去玩Playgroup，諗住佢都會好攰啦!哈!點知都係好精神，唔通小朋友過咗20個月就唔駛點瞓???

9-12亞女鍾意咗瞓亞姨姨果度

亞女依家愈整愈夜瞓，以前飲完奶都會有d倦意，依家有陣時11點幾都眼仔碌碌，我哋眼瞓佢都未眼瞓，真係俾佢激死，依家仲鍾意咗走去亞姨姨果度瞓忝，我想幫佢都無計咯!

8-12又去公園影相喇!

今日媽咪同亞姨姨帶我去公園玩，我哋仲走咗去草地度影靚相，Daddy話呢張靚喎，計我話，張張都影得我靚架啦!

5-12 亞女都要懷舊一番

 

今日經過一間舊式士多，見到好多以前得意嘅小食，就諗起不如買俾亞女玩吓啦，於是就買咗呢款既得意又有得食嘅朱古力豆喇，哈!亞女平時見媽媽戴眼鏡見得多喇，自己戴嘅時候，就最鍾意反轉副眼鏡嚟戴，我好辛苦先影到呢張相乍!

真係古靈精怪!

2-12 今日去咗觀禮

今日帶埋亞女去咗銅鑼灣禮賢會參加一位姊妹嘅婚禮，好真誠、好感動、既簡單且隆重的一個婚禮，好彩亞女都好合作，無大叫大喊，都算無失禮主人家咯!

不過太耐無見咁多人喇，所以都係有d怕羞，同響屋企......就真係兩個樣喇!

亞女依家係咁學講野，早幾日先記低佢識講d咩，依家已經又唔同哂喇，真係無時無刻都係學緊好多野，所以話呢，BB嘅潛能係好犀利嘅，唔好睇少佢哋呀!