早陣子，替Wing Wing報了熊熊合唱團的幼熊班，逢星期六上堂，其實亞女從小就喜歡唱歌(相信很多小朋友也是)，表演慾亦很強，見之3歲生日那天參加了歌唱比賽亦沒恃場便可知一二(那次真是比媽媽想像中鎮定)，熊熊合唱團有演出的機會，亦會認認真真去學唱歌，問過Wing Wing，她也喜歡，很想嘗試，於是決定報讀。
剛出了5月份的更期，細看下剛好每個星期六都就到可以帶亞女去上堂，真好!
媽媽喜歡陪亞女上堂(其實是坐在活動室外)、喜歡接之放學細聽她哼著的歌、喜歡讓之扮老師再教媽媽唱一遍，很可愛的，希望日後的更期也可如此順意便好了~
更希望Wing Wing喜歡此合唱團，喜歡唱歌、喜歡上堂!
Leave it to God!
尋日專登錄起都市閒情嘅訪問，當中提到如何引發小朋友的閱讀興趣~
最重要的當然是父母陪之一起閱讀，養成閱讀興趣，3-6歲可選擇一些文藝、科學的圖書，大一點便更多選擇.....
主持人問﹕若家長本身對閱讀沒興趣，那又如何呢....唉，正正是媽媽關心的問題，媽媽一向少看書，但當然明白多睇一些書籍是好事啦.....因此自Wing Wing出世後，媽媽已經盡量陪亞女睇多D書，心中只想佢喜歡閱讀，因為只有你喜歡去做一樣事，先不致要人勉強......，不過媽媽好動不好靜，有時間總愛帶小朋友外出逛逛，遠近也沒所謂，總愛四處遊逛......所以亦不是經常帶Wing Wing往圖書館..或是安在家中看看書.....
最後專家亦強調如家長不喜歡閱讀，小朋友自然會受其影響，所以身體力行去建立閱讀的習慣是很重要的，多往圖書館、多與子女一起看書、朗讀，都是培養小朋友喜歡閱讀的重要因素。
為己為兒.....媽媽，你要努力啊!
4月13日
今日相約津津去街街，我哋去咗香港文化博物館，問過姨媽，佢哋今日都想去吓街，於是一大班人就出發喇~
津津同津媽好細心，帶咗小朋友好鍾意飲嘅益力多請大家飲，多謝哂!
Wing Wing同兩表無夾過架，咁啱著埋同款衫，真可愛，不過都唔夠津津一個post...搶鏡!
兒童探之館
呢度好多嘢玩、好多嘢睇，小朋友可以慢慢睇、慢慢認識古代文化，不過三表一走埋就只掛住玩+走，都係津津有耐性，四處認真探索。
亞女最有耐性都算係畫呢個木刻畫，有個姐姐好俾心機教佢，亞女畫咗好幾張，終於可以坐定定。
著起古代村民服飾，扮吓村姑先~
Wing﹕我好忙呀，要幫手煮飯喇!
煮完飯仲要洗碗，好彩有津津幫手洗碗。
仲有好多有教育意義嘅玩具玩，小朋友可以慢慢玩!
最後我哋食咗少少小食，跟住就離開喇，雖然有少少雨，不過都唔係太大影響。今日好充實、好開心!
4月11日
媽媽呢個復活節取了大假，放埋15號，於是呢幾日假期就帶亞女周圍去吓，亦相約咗一D朋友仔去街街，順便可以用吓架新相機，影吓相~
今日上午約咗之前去旅行認識嘅朋友仔文旋，我哋去咗尖沙咀Charlie Brown Restaurant
兩個小朋友一見如故，老友鬼鬼，仲好合作咁俾我呢位新手攝影媽媽影相忝!
多謝文旋媽咪送給Wing Wing的泥膠，兩個小朋友話要整復活蛋喎!
**************************************************************
食完飯之後，我哋又去北角會合迪迪豬睇叮噹喇!
在商場買滿$300就可以有姐姐教整叮噹喇，不過我哋咩都無買，只係有途人贈票尾俾我哋者，而亞女仲未識整叮噹，只係油上顏色，當整復活蛋咁整，個姐姐話佢係第一個囉!
其實個商場無咩嘢睇乍，我哋想帶小朋友去玩吓，於是又去咗鰂魚涌公園喇~
兩個小朋友都無瞓，真係有得玩就咩都得!
