第二堂學琴

第二堂學琴

今日除咗學C音之外，教多咗D同埋B，亞女學琴嘅時候真係比喺屋企練琴時正經同認真，唔同我要在琴行租房俾佢練???唔好啩....屋企有琴喎!!~

見亞女仍好鍾意彈琴，無俾五線譜嚇親，叻叻，你要繼續加油呀，媽媽支持你架!

K2班第一次外出參觀

10月27日

今日K2班出外參觀陽光笑容小樂園，媽媽咁啱有時間，就幫手做義工照顧學生喇!

除照顧Wing Wing之外，仲會睇埋同學仔芯芯~

呢度好colourful，好靚亦有好多有教育意義嘅教材，好適合幼、小學生參觀~

一個扮牙醫另一個扮睇牙病人，大家輪流幫對方洗牙，導師會之前教小朋友正確步驟，小朋友有得玩有得學，真好~

聽完導師講解日常生活耍注意的牙齒健康後，小朋友又再一次有活動時間，四周行吓、玩吓!

Wing Wing都學到好多嘢，起碼佢記得導師講午餐同晚餐之間只可以食一次茶點，仲係一日只食一次，咁媽媽就可以不斷提佢咪咁為食...成日嗌要食嘢喇~

 

我的成長小書

學校近日的專題是我的身體，，希望透過回顧小孩成長的片段令小孩認識自己身體的變化，所以有一個親子習作希望家人可以同小朋友一齊完成，就係製作一本成長小書喇!

媽媽同Wing Wing一齊找出昔日BB時代的照片，真係好多回憶出番哂嚟，真感慨亞女大得咁快~~

終於完成喇!

繼續返教會!!

10月25日

上星期日表哥表弟第一次返教會，佢哋都好開心，今日繼續一齊返，Daddy仲帶咗佢一個朋友個女一齊返忝，佢叫茵茵，大Wing Wing大半年，佢都係第一次返教會，不過佢都好快適應，希望一班好朋友日後都可以一齊好好咁喺教會成長，做個聽教聽話、明白事理嘅小朋友啦!

西九龍海濱長廊

10月24日

今日Wing Wing去完熊熊合唱團之後，我哋就去咗西九海濱長廊行吓，媽媽都未嚟過，如果唔係Daddy帶路，媽媽都唔識搵~

有個小型遊樂場，最適合小朋友玩玩大人抖抖喇~

Wing Wing同我哋影嘅(用部大相機，見佢好用力去拎住，真感動!)

後面仲整緊個架，就係嚟緊一個紅酒展覽嘅佈景喇，近日廣告都賣哂，到時一定有好多紅酒愛好者嚟試酒喇~

除咗有單車徑之外，仲有呢個大單車場俾人踩單車，而亞女亦興之所緻喺度自己跑咗一個圈，攪笑~

之後就近近哋去埋圓方行吓，食吓嘢，適逢呢度有D用帽做專題嘅擺設，又影吓相喇!

 

照顧鋒鋒

10月21日

呢日鋒鋒嚟咗我哋屋企，鋒媽有D事外出一會，Wing Wing負責同鋒鋒玩，媽媽負責煮飯，最佳拍檔~

同事送咗兩個輕氣球俾Wing Wing，啱哂，呢晚可以同鋒鋒一齊玩，等佢開心D!