今日媽媽放假，以前亞女未返學果陣，一放假就會諗帶佢去邊度玩，但而家亞女返全日，媽媽頓時有少少空虛感，但又開心可以自己一個人，去做番ｄ平時無咩機會做嘅嘢，哈！係咪好矛盾呢......
結果媽媽好似平日咁照湊亞女返學，之後Daddy見仲有時間，就一齊食咗個早餐喇，跟住媽媽返屋企hea咗陣，就決定去游水喇 由於個早餐實在太豐富，所以到中午都未肚餓，下晝就同咗個姊妹去嘆tea，有時間同ｄ朋友傾吓計、彼此關心一吓，實在很美。今日呢位姊妹有ｄ唔開心，小妹都唔知可以做ｄ咩，但確信，聆聽、支持同埋為佢祈禱就係最大嘅鼓勵.......主的小羊啊，這些經歷...主不會令你白過的，他的恩典必夠你用，他的祝福不曾離開你呢！Trust in him!
，記得以前媽媽都會間唔中自己走去游水嘅，但都好耐喇，而家呢ｄ機會真係少之有少，唔係話生完之後唔可以安排到，而係若俾我揀，得閒都想同亞女玩吓、去吓街呀咁，而家Wing Wing返全日，媽媽可以話無後顧之憂，一心可以好暢快咁plan吓自己想做ｄ咩......＊＊＊＊＊＊
之後就去接亞女放學喇，諗起響屋企公公買果架單車好少踩，於是就帶亞女落公園玩咗陣喇，哈！佢唔知係咪響學校困得耐呢......一去到公園，超興奮，媽媽亦由得佢玩，一於佢有佢玩、媽媽有媽媽影靚相!見到亞女玩滑梯玩到ｄ頭髮飛起，就覺得好得意，於是又影低佢喇！
見到Wing Wing 玩滑梯玩到ｄ頭髮飛起(天氣乾燥﹣靜電）想起秋天黎啦~
回覆刪除頭髮飛起的造型，好似moomin卡通內的女孩。不過wing wing比她更可愛，更得人鍾意。
回覆刪除返全日仲有時間落公園玩嘅 不過睇見 wing wing 玩到頭髮都飛起, 就知佢有幾開心啦 !!!
回覆刪除ｄ頭髮飛到咁高, 一定滑得好快, 係咪好刺激呢~
回覆刪除係呀!!依家如果咁o岩放假係佢地番學日子真係有d唔憤,不過就可以好好plan下自己呢幾年無時間做事情 wingwing玩得好好開心
回覆刪除博博豬﹕平時放學就返屋企沖涼架喇！果日見亞女好耐無攞架單車出去踩，咪辛苦ｄ，玩多轉先返屋企沖涼囉！
回覆刪除