體操班

過去嘅星期四係wingwing第二次上明愛嘅體操班，個老師好識教，亦好俾心機教，就算小朋友細細個，佢都一d都唔馬虎，wingwing都好鍾意玩~

如果亞女真係鍾意玩嘅，完咗呢4堂都會考慮繼續玩嘅，鍛鍊吓佢d柔軟度麻~

戒夜片進度

媽媽呢個大假立志要同亞女戒夜晚片片，雖然唔係晚晚成功，但係亞女已經好叻女，見佢都有學習忍吓尿尿又或者肯半夜起身去廁所，有哂唔著片片嘅意識，相信好快可以成功戒到夜晚呢條片片喇!

如果媽媽無記錯，佢由20號開始至而家(30號)呢10日，大約賴濕咗約4晚左右，其餘嘅日子都好叻叻無濕，媽媽好滿意呢個成績咯!希望繼續努力，快d幫手慳番d片片錢啦!

繼續旅行(二)

第二天﹕白鴿巢公園、去咗拱北行吓

個遊樂場好多嘢玩，對亞女嚟講，好新鮮~

 

亞女好鍾意同公公玩騎牛牛~

第三天﹕四周行行逛逛

回程時婆婆幫我哋班到張頭等免費船飛，真係第一次坐頭等，影張相留念先!

 

繼續旅行(一)

趁媽媽同亞女放暑假，我哋去完番禺之後，26號我哋又過咗澳門玩，此行主要係探公公(因公公係澳門幫手裝修緊間屋)同埋去睇吓威尼斯人點靚法~

第一天﹕威尼斯人

有婆婆同行，例牌有雪糕食~

 

 

 

 

 

 

 

 

 

 

生日happy trip(二)

食完buffet 我哋再趕去睇大馬戲，點知套馬戲提前５點半已經做咗，ｄ職員話因為是晚係奧運閉幕，故提前咗，唉，激ｃ，等我哋仲趕嚟睇～

第三站﹕白虎餐廳早餐、游水水

呢間酒店出哂名有間白虎餐廳，話可以邊食早餐邊睇到白老虎～

唔係跟旅行團食個早餐都可以自在ｄ、慢慢嘆，真好，食完之後我哋就出發去游吓水喇，個泳池好大好靚！

第四站﹕歡樂世界

呢度好適合小朋友玩，連ｄ機動遊戲都就哂佢哋，亞女玩得好開心！

玩完之後我哋就返酒店攞行李喇，呢個兩日一夜嘅trip都好充實、亦好enjoy，間唔中行開吓、玩吓都幾開心！

生日happy trip (一)

媽媽今年生日決定一家人去吓玩，見上次去番禺無帶亞女，今次點都帶埋佢一齊去~

8月24日  出發喇!

媽咪，生日快樂!(今早亞女一起身就同媽咪講咗呢句喇，仲成日唱住首生日歌俾媽媽聽，冧哂~)

去咁多次番禺都未住過長隆酒店，今次真係好想見識一下，原來入面都好多動物景。

第一站﹕野生動物園

媽媽教wing wing動物園嘅英文係zoo，亞女跟住讀，但就問媽咪點解同shoe一樣嘅.....唔....點答呢??

好難得見到咁多大笨象~

亞女驚驚地咁餵d大象食蕉，好攪笑!

呢隻熊貓攬住舊冰好嘆咁喎~

長頸鹿真係好靚!

哈哈!呢張相係媽咪叫wingwing扮隻馬騮影嘅，扮得好似，超可愛!

大象表演行平衡木

亞女行過平衡木，記得行嘅時候要張開手，就問媽媽點解大象無張開手，哈!亞女，你真可愛!

第二站﹕四海一家

之前都聽聞過呢間buffet有好多嘢食，今次我哋係專程嚟試吓嘅~結果真係大開眼界，多都你唔信，媽媽最鍾意飲嘅湯都有好多款，飲到我肚漲漲，每人只係$133，(生日者有折)真係值得一試!