今年Wing Wing收到好多聖誕禮物，佢好開心，媽媽估佢都應該意會到聖誕節會有禮物收、學校會放假、出街會睇到燈飾等等，小朋友就最開心.......
媽媽送的錢箱
Daddy送的Thomas車車
靚姨送的毛巾仔
嫲嫲無刻意買嘅禮物（不過Wing Wing都好鍾意，有得玩又有得食麻）
麼麼媽所送的好玩puzzle
Cathy姐姐送嘅圍裙仔同埋音樂聖誕樹
教會一位姨姨所送嘅禮物包
教會Party派的禮物包
Wing Wing響教會抽到嘅禮物
媽媽一位朋友所送的bear bear
Ttmami 所送的靚靚筆
Na Na 媽送的禮物包
琳琳媽送的禮物包（亞女心急已拆開哂，連包裝紙都唔知去咗邊）加好玩泥膠
同埋學校所送的禮物包及媽媽最愛的亞女自製聖誕咭）
但願除了聖誕禮物外，小朋友不要忘記聖誕節的真正意義啊！知無？
今日約咗幾個Blog友仔出嚟玩，我哋去咗則魚涌公園同埋太古城。
就係呢幾位小朋友喇﹕Na Na、琳琳、麼麼，仲有曈曈稍後食飯先join我哋，可惜果陣相機已無電，影唔到相。
Wing Wing鍾意等埋麼麼先sir滑梯，不過麼麼一嚟到佢就好快咁sir咗去，哈!你話佢做咩要等埋呢
媽咪又叫Wing Wing Kiss麼麼喇，哈!佢又肯喎，唔通佢.........
一齊睇海，好寫意!
不過呢幅相，仲得意!
之後就去咗呢架船度參觀喇，小朋友對咁大隻船好好奇，仲feel到佢哋好興奮忝!
哈哈!呢張相亞女唔肯望鏡頭，Daddy就伸出援手喇，不過俾亞女偷襲咗都唔覺忝!
(部份相片取自eeyoreng blog，哈哈!多謝哂!)
24/12/07 平安夜
Wing Wing第一次寄宿別人家中(事緣這晚媽媽、Daddy都要返Overnight)，原打算一如以往由公公幫手湊的，但亞女偏在公公那兒睡得不好，她睡得好時公公又會睡得不好，媽媽見公公近日頻於裝修及探病，實在不忍勞煩他，剛好媽媽的天使出現了，主動致電協助，實在很感激......吳師奶!幫忙湊了Wing Wing豬一晚!
謝謝您!
還送了一份聖誕禮物給Wing Wing，真多謝!
幸好，從您口中得知亞女尚算睡得好，只在臨睡前喚了媽媽幾次，已比媽媽想像中好得多了!
******
翌日一早媽媽放工便立刻到來接回Wing Wing，還一起往吃早餐、到公園睇魚魚、玩韆鞦......
謝謝您!麼麼媽!
尋日Daddy已經神神秘秘咁話諗好今日帶我哋去邊度玩，媽咪問佢都唔講，難得佢預早plan好行程（少有...）所以媽媽亦無再追問，直至今日返完教會、食完飯先揭盎--就係數碼港喇！
Daddy plan得去呢度，就一定有好嘢玩，雖然媽咪唔知有咩攪作，但亦完全信任Daddy嘅安排，就咁樣，我同亞女就好似ｄ豬仔跟住豬爸爸咁行去玩喇......
去到......Yeah!真係有好嘢玩！
Wing Wing好大膽，見人玩呢個水車車，又話想玩，我哋都有擔心佢一落水果陣會扭亞媽，但問咗佢好多次佢都話唔驚、會玩，所以我哋都膽粗粗咁俾佢試吓喇！
結果，Wing Wing真係好勇、好叻，無扭無喊，仲識得點揸架水車車忝，叻女！
仲玩埋大電視忝，真過引！
