2007年8月29日星期三
繼續打仗......
媽媽食咗兩日藥之後，個喉嚨就好番ｄ，不過仲係好乾，亦唔可以大聲講嘢，希望快ｄ無事啦！...不過又輪到亞女開始作感冒喇（你睇吓ｄ菌幾犀利！），早幾日都只係有咳，今日就多埋鼻水，所以媽媽都唔敢再拖喇，即刻帶佢睇醫生，趁早食藥，希望快ｄ好番囉！
2007年8月27日星期一
，尋日一起身，個喉嚨已經有ｄ痛，仲感覺唔係小兒科（因媽媽一喉嚨痛就跟住會有好多手尾....例如鼻水、鼻塞、感冒等....）但搵勻全屋就只有必利痛可以頂住先，唯有食定粒頂頂，而亞女亦開始有幾聲咳，（慘喇，希望我病好喇，亞女你唔好病呀！）直到尋晚，個喉嚨仍然超勁痛，心諗都係要睇一睇醫生先得......唉，媽媽好奇怪嘅，人哋喉嚨痛，食粒成藥就無事，而我就要睇醫生先得，仲一定要睇呢個醫生先得，試過睇其他都唔掂，可能ｄ藥唔夾啩，無計啦，又要俾$$$佢賺喇！
2007年8月26日星期日
25-8 亞女繼續....玩！
媽媽呢兩日仍然係放緊大假，早前響雜誌度見到愉景灣有個活動，係俾小朋友玩水水嘅，媽媽見到post出嚟ｄ相又好似幾好玩咁，於是諗住星期六帶亞女去玩，點知經過尋日一日嘅深圳遊之後，Daddy同媽咪都超攰，心大心細都唔知去唔去好，不過由於只係得星期六、日呢兩日，所以最後都決定照去，至多早ｄ回程啫！
2007年8月25日星期六
24-8 媽媽，生日快樂！
Happy Birthday!
今日係媽媽生日，Wing Wing一早已送好聽生日歌一連香吻一個，而Daddy更是今日行程的策劃人，好開心，因為Daddy為媽媽所預備的正是媽媽想去的地方--水上樂園，就係深圳嘅歡樂谷喇！
以往嘅生日多數係二人世界，就算亞女出咗世，Daddy,媽咪都會響呢ｄ特別生日自己去吓街，玩吓，但今年嘅生日就熱鬧得多，因為約埋靚姨、公公同表哥仔一齊去玩，去呢類樂園玩，好似人多ｄ開心ｄ喎！
感謝主！原本之前果晚深夜仲落緊大雨，但今早一起身已經天色晴朗喇
，我哋去到深圳仲超熱忝，所以原本呢個樂園仲有好多其他嘢玩，媽咪都因為太熱無心機玩喇，一心只想快ｄ去玩水，所以最終我哋大部份嘅時間都響呢個水上樂園喇！
呢度都好大，可以慢慢玩，不過大人玩果ｄ坐住大水泡嘅滑梯就有ｄ關咗無開，而且ｄ大水泡都唔多，要排隊攞。哈！Daddy，媽咪一場嚟到梗係照排隊玩啦！都OK喎！幾好玩！
而Wing Wing同表哥仔就最鍾意玩呢條滑梯，我哋響呢度都逗留咗好耐呀！
呢個係大浪池，好似以前香港嘅水上樂園果款！
小朋友池邊踢水最開心！
＊＊＊＊＊＊
到咗６點幾，公公同表哥仔就返屋企喇，而靚姨就同我哋一齊食飯，由於媽媽好想食buffet，所以Daddy就安排去試吓深圳酒店嘅buffet喇！我哋去咗香格里拉酒店，原本都諗住會好貴，但睇吓個價錢，都OK喎，＄168 (另15%服務費），於是我哋就響呢度落腳喇......今日真係好攰，幾大都要食番好ｄ先！
呢度ｄ嘢食都幾好食，多款、特別，靚姨、Daddy同媽咪都大讚，而亞女就更加唔洗講啦，佢簡直係全程無停過，係咁食、係咁食，大家都食得好飽，哈！不過真係食得好開心！
2007年8月23日星期四
，仲響屋企係咁踩，不過屋企地方有限，所以今日放學之後，媽咪就專程帶Wing Wing去附近嘅公園踩吓呢存新車喇！
2007年8月20日星期一
20-8 去咗水上樂園??
19-8星期日，Daddy,媽咪一早諗住去大圍游水，點解去到咁遠? 哈!好問題! 就係因為呢度有類似水上樂園嘅大大小小長短滑水梯、按摩水池.....簡直係媽媽最愛! 媽媽一到個露天泳池，見到好colourful、好大，亦有好幾條滑梯，真係由心裡面開心出嚟，再望吓身邊果個，原來同我一樣好開心、好興奮，Wing Wing仲好快咁走去玩水水忝! Wing Wing第一次玩果條滑梯都唔驚喇，仲係咁話要再玩，真係一次又一次，玩完一次又一次呀，不過見佢玩得咁開心，Daddy,媽咪都好樂意陪佢玩!玩玩吓見到池邊原來仲有兩個好似鞦韆嘅搖搖椅，真係未響泳池見過呢d設施(哈!哈!突然覺得自己好似大鄉里出城咁!)
******
之後再去咗新世紀廣場食嘢同行街街，順便帶亞女玩吓呢個超大嘅兒童遊樂場，之前都同亞女去果d公園好少有氹氹轉玩，今次終於見到，就俾亞女玩吓喇! 佢都唔太驚，不過就好似無咩興趣咁囉!
訂閱：
文章 (Atom)