小b可以挨住牆企企喇!

1月23日

今晚，同小b玩玩吓，試吓俾佢挨住牆企，哈，佢又企到幾耐下喎，我哋一邊唱歌佢仲一邊un un吓，想跌想跌咁，好攪笑!

每月一照

每月一照

亞b出世後，我們一家每月約11日也會到公園影一張指定post的全家幅，其實真的不是易事，就像今個月，真難，爸爸要返工難就時間，又要夾埋媽媽及Wing Wing的時間，結果呢個月多得各人的堅持，我們才能在星期日早上超早起去影相，真難得!

哈哈!還有兩個月便不用如此辛苦了!堅持呀!

小吉又痾又嘔

1月4日

媽媽一放工返到屋企，亞女就即刻話俾我知亞b賴好多poo poo，媽媽無乜為意，點知晚上亞b突然嘔吐，嘔咗好多粥仔，清潔完無耐又嘔，如是者嘔咗三次，Daddy話嘔下好平常，可以觀察下先，媽媽見佢無發燒，就俾佢休息下先...

1月5日

朝早5點亞b已經醒喇，媽媽俾佢飲奶，飲完就瞓番，到七點幾又醒，媽媽抱起幾，點知一抱佢又嘔喇，於是媽媽即帶他睇醫生，感恩星期日都有醫生睇(孫鴻仁)，醫生聽到亞b個肚有好多風，又話而家好多人痾嘔，小b又鍾意食手指，所以可能d菌入咗身體，開咗d藥俾亞b食...
今日daddy媽咪都要返工，真係擔心c人，感恩老豆肯前來相助，幫吓眼，亞女話亞b下晝都痾咗兩次...唉，希望小b快d好啦!

亞b聖誕老人look

呢日，同小b着哂聖誕老人衫，扮吓嘢先!好得意呀!

22-12-2013

影吓聖誕景先~

姨媽畢業喇!

姨媽畢業喇!

訓練家姐出門搭校車

呢兩個月(11、12月)，媽媽開始訓練Wing Wing早上自己出門搭校車，媽媽只跟着她，讓她自己乘電梯、過馬路等，咁耐佢都叫ok啦，而家有時佢都叫住要自己落樓，唔想媽媽跟住佢，不過媽媽都係要睇定d先，希望遲d Wing Wing可以真係自己外出啦!