去沙灘

8月26日

今日同亞女去咗深水灣游水，每年暑假媽媽例牌會帶Wing Wing去沙灘玩，我哋都鍾意陽光與海灘，舒暢!

Wing Wing浸咗D玩具在水中，話要養吓佢哋，等佢哋成長喎!

同亞女影相，佢就古靈精怪，係要伸隻腳上嚟....先嚟右腳

再有左腳

呢張係媽媽夾住佢雙腳，佢仲笑得燦爛.....早知就早D夾佢啦...

 今次我同亞女仲游埋出浮台忝，初初都無諗過可以，因為佢用水泡而我就用浮板，好似好冒險咁，不過我都問咗亞女先，佢話得先至去，結果終於成功咗，喺浮台有幾位伯伯，見到亞女用個水泡游到嚟浮台，都笑笑口，覺得佢好可愛，我都覺得佢好叻女，可惜無相機在身，無得影低呢一刻，唔緊要，下次再試!

Enjoy!

 

行街街

8月24日

今日係媽媽生日，可愛的蝦子同Wing Wing都不約而同未瞓醒就第一句同媽媽講﹕生日快樂!哈!見佢哋睡眼惺忪個樣都記得真係幾感動，尤其係亞女，佢前一晚已經話要第二日一起身第一句就同媽媽講生日快樂，哈，佢真係做到呢~

今日Daddy提議一齊行吓街街，原來我哋成日多為一D活動四周圍去，卻唔多好relax咁行吓街，所以Daddy呢個提議在這炎炎夏日亦不錯，我哋今日仲係去一個媽咪未去過嘅商場忝，真好!

亞女見到一把Thomas喺垃圾桶，即刻走埋去睇睇~

商場有個叮噹館，我哋就入去睇吓喇!

是晚我哋邀請埋靚姨一齊嚟切蛋糕，不過大家心情都係不太好，因為新聞仍不斷播緊有關菲律賓<特蠢部隊>的消息，相信香港人心情都仍然沉重了~

一家人一齊已經萬份感恩，知足常樂!這個生日很滿足!謝謝!

沉痛的一日

8月23日

香港人無法忘記的日子，太多的不安、太多的問號、太多的不滿、太多的傷痛......

只願僥倖生還的要勇敢面對，繼續走往後的路.....

 

三個生日聚會

8月22日

哈哈!今日行程認真緊迫，早上先返教會崇拜，接著便會到兩個生日會，而晚上則會去太婆的生日晚宴~

第一個生日會﹕好朋友琳琳

琳琳真係好高，盡得其爸媽真傳，又乖又醒目，姨姨祝你心靈愉快、開心每一天!

呢間麥記有簡單的兒童遊樂，小朋友最開心!

第二個生日會﹕同學仔惠喬

喬喬，生日快樂!!

同學仔一見面就好親切，呢日仲玩到癲哂!

第三站﹕太婆生日晚宴

祝太婆健健康康、子女孫仔都乖乖孝順!

掘蜆

8月21日

媽媽尋日開始放大假喇，今日下晝就出發去大嶼山掘蜆，未試過，好興奮!

亞女一搵到隻大蜆就超興奮，叻叻!

我哋合三人之力，掘到小半桶蜆，不過已經好滿足，返屋企就即刻整嚟食!

好味!