第一次複習(中文)

今日係小一第一次複習，尋日同亞女溫書嘅時候，又見佢自己俾壓力自己嘅情況出現，仲大喊，唉......

事緣媽媽俾咗一份工作紙佢做，基本佢都識做，只係錯咗重組句子中的一個標點符號，但佢就唔接受媽媽將錯處圈起，仲大喊話無錯、唔想錯，好驚錯等等說話，今次佢都喊咗好耐，媽媽讓佢喊咗約十分鐘之後，就安慰佢，讓佢講出自己的感受和想法，媽媽明白Wing Wing真的對自己要求高，媽媽亦學習接受，不再強求她學習"唔緊要"的左右銘，只向她解釋成功背後的過程，失敗乃是成功之母，希望Wing Wing可以明白。

佢喊緊嘅時候仲講咗一句﹕我聽日唔想複習喇! 真係嚇死我，未開始複習已經咁抗拒，咁第日測驗、考試點算?

擔心......

10磅

今日認真磅一磅亞女個書包﹕有10磅，真驚嚇!

Daddy生日快樂!

10月9日

今日Daddy生日，不過我哋同樣在教會有事奉，完咗聚會之後仲一齊切蛋糕，真多謝亞蘭咁細心為蝦子慶祝!

之後夜晚再出動，去咗荃灣掃街，我哋食咗芝士雞翼、薯芝波、車仔麵等等，逛咗一陣就返屋企喇，始終今日大家都早圯，有點攰呢!

Amyway, Daddy Happy Birthday!