屋企部腦無端端開唔到，連燈都唔著
，攪到我呢兩日悶到抽筋，（哈！其實有亞女響度陪我，會有幾悶吖！）依家搵咗個朋友幫手睇吓，希望快ｄ攪掂啦！
星期一我哋一家三口就會去台灣玩吓，都好耐無外遊喇，希望今次可以有個開心愉快嘅旅程啦！
2007年3月24日星期六
24-3-07唉！部腦......
2007年3月20日星期二
20-3同麼麼去咗玩！
今早媽媽繼續佢大假要帶我去wet嘅行程，我哋約埋咗麼麼一齊去咗香港公園度玩！真係有個伴係唔同ｄ喎，你哋睇佢兩個玩得幾開心！Yeah! 好嘢！
2007年3月19日星期一
19-3第一日正式如廁訓練
媽咪決心響呢個大假正正式式咁同亞女開始如廁訓練，(唔係話之前無，而係之前主力會由工人姨姨負責，得閒就帶佢去廁所多d，唔得閒就少d，所以媽媽一心想響亞女兩歲前再積極d囉!)
(係咪d新手媽咪對亞b第一篤會特別興奮呢??)2007年3月18日星期日
18-3 同婆婆飲茶
早幾日同完嫲嫲飲茶，今日就輪到同婆婆飲茶喇!不過尋日Wing Wing豬個肚仔唔多舒服，一共疴咗六、七次，所以今日都唔敢亂食嘢，媽媽淨係俾咗少少包我食乍!哈!所以都淨番唔少架....婆婆話拎番去俾公公食喎!
17-3第一晚自己瞓自己張靚靚牀
工人姨姨正式走咗喇，咁原本張床就改頭換貌，變身靚靚咁，希望亞女Feel到呢種吸引，可以吸引到佢每晚自己瞓!哈!
講吓尋晚先!尋晚亞女都唔係好拒絕瞓自己張床，不過都係要媽媽陪住佢瞓(咁到正常嘅!) 十二點到先叫做瞓著，大約瞓到兩點幾就喊喇，不過都唔算大喊，全程媽媽都響佢身邊，之後抱咗佢一陣就瞓番喇，咁媽媽就試吓由得佢自己瞓(補充吓先﹕之前亞女都有自己瞓，不過係同Daddy 、Mammy一間房，但呢次係自己一間房，係有唔同架!)，zzzz ...哈!都ok啦!瞓到五點幾先再醒，跟住再由六點幾瞓到九點幾先起身....
第一晚算係咁咯!
2007年3月17日星期六
2007年3月16日星期五
16-3去嫲嫲度飲茶
應嫲嫲昨夜之邀，今日中午去咗佢做嘢果間酒樓度飲茶，仲叫埋公公同表哥仔一齊忝!
2007年3月15日星期四
2007年3月14日星期三
13-3牆畫好靚呀！
尋日帶亞女落街行吓，經過平日成日行的街，細心再睇牆上嘅畫，真係好靚，突然間好想同亞女影低佢留念，你哋睇，都真係幾靚架！
同亞女一直由屋企行到去西寶城，佢都好犀利呀，肯行喎，一路都無扭抱喎，我哋響西寶城行咗陣就坐車去公公度喇！（哈！痴餐ma!)
2007年3月13日星期二
2007年3月12日星期一
2007年3月11日星期日
11-3開心愉快的一天
今日一早與老公約定，今日係二人世界，所以一早同亞女返完早堂之後，我哋就去咗玩，哈哈！真係好似好耐無咁玩法！我哋去咗環球嘉年華（雖然遲就遲ｄ，不過今日都依然...多人），兩口子鍾意做咩都得，真係可以盡情咁玩超可愛的翠兒
，哈！蝦子餅仲超犀利咁掟膠樽忝，好勁呀，差唔多掟親都中，不過佢哋要求仲要高，所以最後亦只贏了一個中獎！我們的戰利品！
！
呢張相係亞女見我哋影得咁開心，佢又要加入一齊影喎！...哈！不過佢自己遮住咗自己呢！
2007年3月10日星期六
10-3額外的一天假
原本今日係要返工嘅，但因為有ｄ原因所以唔洗返，額外好似多咗一日假咁！（哈！都係扣番鐘者）不過因為蝦子餅要趕埋個Anuual Plan，所以.....留響中心度做咗成日嘢....真辛苦！靚靚大頭相！
所以....原本有嘅額外假期就...貢獻咗俾亞表哥仔喇！(因為今日帶埋亞女去咗上環同表哥仔玩咗成日）不過第日都唔係成日可以同表哥仔玩，所以而家最好玩多ｄ！
訂閱：
文章 (Atom)