亞女讀N1，8月已開始返，早人哋一個月，但之前嘅適應期一直都唔需要返太早，初初返9:45am，後來慢慢轉返8:50am，呢個時間媽媽覺得幾好，唔太早又唔太晏，點知9月開學第一日，媽媽送亞女返學就已經見到好多小朋友響度喇!原來老師再提番媽媽正式開學，送子女返學嘅時間係由8am至9am，即係話，如果d家長要趕返工嘅話，可以8am就送仔女去學校喇! 媽咪見到d早返去嘅小朋友同老師一齊做吓早操呀咁、好開心，心諗如果亞女起到身都想試吓早d帶亞女返學同其他同學仔一齊做早操，不過就真係要調節吓亞女d瞓覺時間先得喇，如果媽媽返早果日都還好，可以早d噯佢瞓，但如果媽媽返晏放10點嘅，亞女就自然唔多肯瞓，相對亦會夜咗先瞓，哈!所以唯有順其自然啦!早起嘅咪帶佢返去玩吓、做吓早操囉!
由於媽媽同Daddy都係要輪班工作，所以有時就要記住邊一日湊到亞女返學、放學，邊一日要搵幫手(公公定嫲嫲?)因為湊放學要有接送咭，成日都要諗住邊個有無咭、邊個要放低張咭，唉......都幾煩架!
有時都好想唔洗返工、做個全職師奶.......
....開番舖喇 !!!! 係咁架喇, 我哋呢d又要番工又要湊仔/女嘅媽咪, 有陣時確實好難兩全其美。
回覆刪除照顧小朋友實在不容易，但在當中我們又找到了很多快樂和難忘的回憶和神的恩典在當中。wing wing媽咪，我地一齊努力。我會為你禱告，求主給你更多智慧和天強壯的身體去應付每天的一切。
回覆刪除當孩子來到我們的出世界，我們便要盡力照顧他們。孩子與麵包，的確難兩全其美。但妳己盡力抽出時間，妳真是一位好媽媽。
回覆刪除