順其自然行街街

今日Daddy返晏，媽媽就放假，不過見佢仲未起身，媽媽就先湊亞女返學，諗住之後先一齊食早餐，點知剛送完亞女返學就接到蝦子餅電話，話而家嚟緊喇，媽媽心諗﹕又會咁快手嘅。原來蝦子餅心血來潮想去睇早場，所以就好快手咁起咗身喇！雖然係一個suprise，無咩準備，但媽媽卻喜歡蝦子餅這提議，佢仲話會去奧海城度睇，媽媽放假亦鐘意去遠ｄ，突然覺得佢好Man、好瀟洒，於是我哋兩個就好悠閒咁去搭車喇，好enjoy呢ｄ唔洗趕時間嘅行程！

不過去到先知今日無做早場，原來好多戲院都只係星期六、日先有做早場，哈！雖然一場嚟到無得睇，不過媽媽都無所謂，反正兩個人鍾意好邊就去邊，幾free！

我哋嘆完個早餐之後就慢慢行去旺角，條街無咩人，邊行邊傾計，突然有ｄ以前拍拖嘅feel！（蝦子餅呀蝦子餅，你覺唔覺架？！）

跟住又去咗同亞女買件中國服嘅衫仔，俾佢響學校玩中秋party果日著嘅，我哋諗住出年都唔啱著咯，就平平哋買件算喇！只$15，超值！

 

Wing Wing亦著得好好睇，影相果陣佢仲要扮笑忝，攪笑！